Isaya 9:6 - Bhibhiliya Nya Guage

⁶ Kholu hi velegedwe gyanana, hi ningidwe gyanana nya gikhwathana; wufumu womo magatani gwaye; ni lina laye li na ranwa pwani: “Singalagadzi nya Guliwugise, Nungungulu nya Tshivba, Babe nya Gupindruge, Pfhumu nya Gurule.”

Isaya 9:6 Iomraidhean Croise

2 Samuweli 7:13

Uye a na vbaha nyumba yi na gu lumbago lina langu, Eni nyi na tiyisa gikhalo nya wufumu waye kala gupindruga.

2 Samuweli 7:16

Ndranga ni mufumo wago, si na simama kala gupindruga mbeli gwangu. Ni gikhalo nya wufumu wago gi na simama kala gupindruga.”

1 Dzipfhumu 10:9

A na bongwe Pfhumu Nungungulu wago, a tsakisidwego khuwe, khu gu gu vega vbagikhalotunu nya wufumu wa Israyeli; kholu Pfhumu Nungungulu a ngu gola Israyeli khu lihaladzo nya gupindruge, khu guralo, a gu emiside gu khala mufumeli, gasi u lamula khu gululama.”

1 Dzipfhumu 2:33

Khu guralo, novba wawe wu na thegele hungoni ga Jowabhi, ni hungoni nya situgulwana nya livelego laye kala gupindruga. Aholu Pfhumu Nungungulu a na ninga gurula ga Dhavhidhe, ga livelego laye, ga ndranga yaye, ni ga mufumo waye kala gupindruga.”

1 Dzipfhumu 2:45

Aholu mufumeli Solomoni a na kategiswa, ni wufumu wa Dhavhidhe wu na tiyiswa mbeli ga Pfhumu Nungungulu kala gupindruga.”

Nehemiya 9:32

Gasi olu, Uwe Nungungulu wathu, U Nungungulu nya khongolo U gu ni tshivba yi thavisegidego, U vegedzago gidzumeledzwano ni lihaladzo nya gutumbege; wona nari likhongolo libango leli li thegedego avbo gwathu gukhugela gikhatini ga vafumeli va Asiriya kala na muhuno, ga ethu ni vafumeli vathu, ga vafumeli vathu, ga vaphasi vathu nya mhamba, ga manganagana yathu, ga vaprofeti vathu, ga vababe vathu, ni ga vathu vatshavbo.

Dzindzimo 45:3

Hunga litshari giwununi gwago, uwe ndrena; kholu u ngu zundzega ni guthavisega!

Dzindzimo 45:6

Uwe Nungungulu, gikhalo gyago nya wufumu gi ngu simama kala gupindruga; ndronga nya gululame, i ndronga nya wufumu wago.

Dzindzimo 45:7

U ngu gola gululama, u nyenya guvivba; khigyo gi nga girago Nungungulu wago a gu todza khu mafura nya gunengele, guvbindra vatshavbo u palisanago navo.

Dzindzimo 50:1

Pfhumu Nungungulu nya Tshivba Yatshavbo, ganede, a ramba vathu gukhugela Khugadambo kala Pfoladambo.

Dzindzimo 72:17

Lina la mufumeli li na simame kala gupindruga ndruma yaye yi na pwale, yi na simame vbavbatshi nya lidambo; khavbo gwaye va na kategiswe vathu vatshavbo, mayigo ma na mu rane oyu a kategidego.

Dzindzimo 72:3

Sigomo si na rese gurula ga vathu, sigomwana niso si na gu resa khu gululama.

Dzindzimo 72:7

Gu na manege gululama matshiguni nya gufume gwaye, gurula gu na manege kala ngima wu si wonegi.

Dzindzimo 85:10

Wuhigo ni lisine si di tshangana, gululama ni gurula si di losana.

Dzindzimo 89:5

Pfhumu Nungungulu, sivangwa satshavbo sa ndzadzini si na dhumise sisamadziso sago, si embelela gutumbega gwago tshanganoni nya sihathwa.

Mavingu 8:23

A nyi emiside gukhugela gupindrugani, na gu si vangwi litigo.

Isaya 10:21

Vale va tshadego nya lihundzu la Jakobe va na vbindrugedza vata ga Nungungulu nya tshivba.

Isaya 11:5

Gululama gu na bani guri gutiya gwaye, gutumbega gu na bani guri libhandri la giwununi gwaye.

Isaya 16:5

Khavbo avbo, gu na tiyiswa gikhalo gyago nya wufumu khu wuwadi, gu na khodziswa avbo mulamuli a na lamulago khu gululama ni gutumbega tshatshani wa Dhavhidhe.”

Isaya 26:12

Uwe Pfhumu Nungungulu, u na hi ninga gurula, kholu khuwe u hi giredego mithumo yathu yatshavbo.

Isaya 26:3

Uwe Pfhumu Nungungulu, u ngu ninga gurula vathu mapimo yawe ma khedziselago Uwe, kholu va ngu tumba Uwe.

Isaya 28:29

Satshavbo sesi sa guta khu ga Pfhumu Nungungulu nya Tshivba Yatshavbo, kholu wusingalagadzi waye wu ngu samadzisa, gambe khongolo khu guti.

Isaya 32:1

Wonani, gu nata mufumeli a natago a ta fumela khu gululama, dzindruna dzaye, dzi na lamula mahungu khu gululama ni lisine.

Isaya 37:32

kholu dhoropani ga Jerusalema gu na duga mitshaledwa, khu gigomoni ga Siyoni, gu duga avo va na vbulugago, si na girega isoso khu lihaladzo la Pfhumu Nungungulu nya Tshivba Yatshavbo.

Isaya 53:10

Khu guralo, Pfhumu Nungungulu a di tsakiswa khu gu mu lemedza khu sigaradzo; a ningela womi waye gasi gu girwa mhamba nya guhandze sighoho, a na wona livelego laye, ni guvbanya matshigu nya gulaphe; khu mandzani gwaye gu na tadzisega gugola ga Pfhumu Nungungulu.

Isaya 53:2

Kholu githumi gyangu gi di dandra mbeli ga Pfhumu Nungungulu kha nga litamo li thungago, mwendro kha nga khamba mafuni nya gihala; a diri mwalo giemo nya gutsakise mwendro wumburi.

Isaya 53:5

Aholu, uye payidwe khu kotani nya sighoho sathu, a pfareledwa khu kotani nya guvivbe gwathu; tsayiso wu nga hi resela gurula, wu thegede vbatshani gwaye, khu kotani nya dzimbanga dzaye, hi manide guvbanyiswa.

Isaya 63:16

Aholu uwe khuwe Babe wathu, ambari Abrahama na si hiti, ni Jakobe a si khathali khu ethu; Uwe Pfhumu Nungungulu, khuwe Babe wathu; U Mudzegisi wathu, gukhugela guhegulani, khilo lina lago ilolo.

Isaya 66:12

Kholu Pfhumu Nungungulu a ngu ganela kharati, khuye: Wonani nya gukhenu nyi na mi resela gurula nya gungi, nya gukhwatshi tsongo wu khulungago, gumogo ni thomba nya mayigo, gukhwatshi gitsongwana gi gogago. Khavbo avbo, mu na mama, va mi wugarela mawogoni, va mi ladzisa vbamarumbitunu gwawe.

Isaya 7:14

Khu guralo, Pfhumu kamwe a na gu ninga giwonegiso gimwegyo a gu egi: “Nyamahegyane nya likendzi a na khura mimba a velega gyanana nya gikhwathana, a na gi riyago lina nya gupwani Emanuweli.”

Isaya 8:18

Nyi womo avba, gumogo ni sanana nyi ningidwego khu Pfhumu Nungungulu, gasi hi khala siyeyedzo ni siliwugiso tigoni ga Israyeli khu ga Pfhumu Nungungulu nya Tshivba Yatshavbo, a vbanyago gigomoni ga Siyoni.

Jeremiya 31:22

Kala lini nu nga gu legalega, uwe nyamahegyane nyamba yingisa? Wona nya gukhuwe Pfhumu Nungungulu vegide gilo nya giphya tigoni, nyamayi nyamba tumbega a na dzi vbwetela mwama.

Dhaniyeli 2:44

Khu matshiguni ya vafumeli vovo, Nungungulu wa ndzadzini a na emisa wumbe mufumo nya gu gima kha wu na khoziswa khu mambe mafumbu. A na pfhungumula ni gu mbembisa mifumo yatshavbo ya vafumeli vale, mufumo waye wu na tiya kala gupindruga.

Dhaniyeli 7:14

Va di mu ninga gufuma, wudhumo ni mufumo, gasi mayigo ni vathu nya malimi yatshavbo va mu thumela. Wufumu waye khwa gu kala gupindruga, wu mwalo mahegiso, mufumo waye gima mwalo a na gu wu dzegago.

Agewu 2:9

Wudhumo wa nyumba yeyi nya guhegise wu na bani wuri wukhongolo guvbindra uwo wa iyo nya guhegule, a ngu ganela Pfhumu Nungungulu nya Tshivba Yatshavbo; wulanga wowu nyi na resa gurula, a ngu ganela Pfhumu Nungungulu nya Tshivba Yatshavbo.”

Matewu 1:1

Longoloko nya lihundzu la Jesu Kristo, Gyanana gya Dhavhidhe, Gyanana gya Abrahama.

Matewu 1:23

“Dzitini nya gukhenu gyagadzyana nya mbiri gi na khura mimba, gi velega gyanana nya gikhwathana gi na ranwago gupwani khigyo Emanuweli” (gu tshamusago, gupwani: “Nungungulu womo vbakari gwathu.”)

Matewu 11:27

Satshavbo nyi ningidwe khu Babe wangu. Mwalo a mu tigo Mwamana vbavbandze ga Babe ekha, gambe mwalo a mu tigo Babe vbavbandze ga Mwanaye ekha ni wule Mwamana a dzinago gu mu tulela.

Matewu 28:18

Khavbo avbo, Jesu a di hidzimela, a va embela, khuye: “Nyi ningidwe tshivba yatshavbo nya gufume Ndzadzini ni mafuni.

Luka 1:35

Ngilozi yi di mu hakha, khiyo: “Liphuvbo nya Guage li na gu tshigela; tshivba ya Uye a guromo vbatshani ngudzu yi na gu fenengedza. Khu kharato, Gyanana nya gukatege gi na velegwago gi na ranwa Mwamana wa Nungungulu.

Luka 2:11

Muhuno olu, Dhoropani ga Dhavhidhe mu velegedwe Muvbanyisi wanu, a gu Kristo, Pfhumu.

Luka 2:14

“Rungudzo ga Nungungulu Ndzadzini, gurula mafuni ga sigodwa saye.”

Luka 21:15

kholu eni mune nyi na mi ningani magana nya guti, ayo valala va na gumba dzi kodzago gu ma bomba.

Johane 1:14

Lito li di dzi gira muthu, li gu vbanya vbakari gwathu. Ethu hi wonide gidhumo gyaye, gidhumo li nga ningwago khu Babe waye, kha nga Mwamana wa moyo nya gutale khu wuhigo ni lisine.

Johane 1:16

Khu gutadzisega gwaye khu wuhigo, khavbo hi kodzago ethu hatshavbo, gu hakha nethu khavbo gwaye talo nya wuhigo watshavbo.

Johane 14:27

“Nyi ngu mi tshiyelani gurula, nyi ngu mi ningani gurula gwangu. Kha nyi ningi gurula kha nga idzo li ningago khidzo litigo. Mu nga garadzegini myonyo yanu, gambe mu nga thavi gilo.

Mithumo 10:36

Rumede magana yaye ga sanana sa na Israyeli, a gu si rumela mahungu maphya nya yadi nya gurule khu Jesu Kristo, a gu Uye Pfhumu nya vathu vatshavbo.

Mithumo 20:28

Khu kharato, dzi woneleni enu vamune ni tsawa nya vakhodwa mu pharisidwego khu Liphuvbo nya Guage kha nga vathangeli. Khalani vahavisi nya libandla la Nungungulu, kholu uye a li dzegiside khu novba wa Mwanaye.

Varoma 8:32

Uye a ngamba felela Mwamana waye, a nga mu ningela khu kotani yathu, ginani gi na mu tandregisago gu hi ninga satshavbo simbe silo gumogo ni Mwanaye?

Varoma 9:5

Khavo sivelegwa sa vababe nya libandla; Kristo, khu tumbunugo nya wuthu, a gu lumba lihundzu lawe, uye a guromo vbatshani nya silo satshavbo, a gu Nungungulu nya gurungudzwe kala gupindruga. Amen!

1 Vakorinto 1:30

Aholu hi tshanganisidwe ni Jesu Kristo, a gu uye a khadego guti gwathu. Khu tshivba ya Kristo hi giridwe vathu nya gululame mahoni gwaye, hi giridwe vathu va Nungungulu, hi dzegisidwe wugumbini nya gighoho.

1 Vakorinto 15:25

Kholu gu vbwetega Kristo a fuma kala Nungungulu a khozisa valala vatshavbo khu tshivba yaye.

2 Vakorinto 5:19

Kholu Nungungulu khuye a nga tshanganisago litigo ni Uye, khu ga Kristo, gambe kha khedza khu sighoho nya vathu, a di vega maganani gwathu mahungu nya gutshanganise.

Dhewuteronome 10:17

Kholu, Pfhumu Nungungulu wanu, Nungungulu nya vanungungulu ni Pfhumu nya dzipfhumu, Nungungulu nya khongolo, nya tshivba, nya guthavisege, a si hatheligo vathu, gambe a si dzumeligo gu rengeledwa;

Vakolosi 2:3

wu sihidwego gwaye wufumu watshavbo nya dzithomba nya guti ni gupima.

1 Thimoti 3:16

Sihalo nya gukhodwe hi ganelago khuwo, khu lisine, khongolo: “Uye a di dzi gira muthu, a wonwa na lulamide khu Liphuvbo la Nungungulu a wonwa khu dzingilozi dza Nungungulu, a huweledwa ga va nya mayigo, a hakhwa mafuni gwatshavbo, va khodwa gwaye mafuni a dhumiswa khu Nungungulu.”

Tito 2:13

Gu ngu hi hevbudza gambe guvbanya na hi gu tumba litshigu nya gunengele gu na gu wonegiswago khilo wudhumo wa Nungungulu wathu nya khongolo ni wa Muvbanyisi wathu, Jesu Kristo.

Vahebheru 1:8

Aholu, na gu thula Mwamana, a di khuye: “Uwe u Nungungulu, mufumo wago wu na simama kala gupindruga. U ngu fumela litigo lago khu gululama.

Vahebheru 13:20

Khu guralo, Nungungulu nya gurule, khu novba nya gidzumeledzwano nya gupindruge wuside khu ga vafudego Pfhumu yathu Jesu Kristo, a khadego Muhavisi nya khongolo nya tshambi.

1 Johane 5:20

Hi ngu dziti gambe gukhethu Mwamana wa Nungungulu vbohide, a ngu hi ninga mapimo nya guti Nungungulu nya lisine. Ethu hi ngu hengela guvbanya ni Nungungulu nya lisine, ethu hi guromo ga Mwamana waye Jesu Kristo. Oyu khuye Nungungulu nya lisine, khugo guvbanya nya gupindruge.

Gutuledwa 19:16

Vbatshokatunu nya mwendra wu fenengedzago giwunu gyaye, gu lovidwe pwani: “Pfhumu nya dzipfhumu; Mufumeli nya vafumeli.”

Valamuli 13:18

Khavbo avbo, Ngilozi yi di mu hakha, khiyo: “Khu kotani nya ginani u nyi wudzisago lina langu? Lina langu li ngu samadzisa.”