Isaya 9:3 - Bhibhiliya Nya Guage

³ U andriside vathu vava, u engedzela gutsaka gwawe; va ngu nengela mbeli gwago, kha nga vale va tsakago guvbwerani, ni vale va kabanago silo va phangidego nyimbitunu.

Isaya 9:3 Iomraidhean Croise

Nehemiya 9:23

U di andrisa livelego lawe li tala kha nga dzinyeledzi dza ndzadzini, U va vbohiside ga litigo U tumbisidego gu ninga vababe vawe.

Joba 12:23

Khuye a andrisago mayigo, bwelo khavbo a ma mbembisa; a phalalegisa, bwelo khavbo a ma tshanganisa.

Dzindzimo 107:38

Nungungulu a di kategisa vathu vaye, avo va di velega sanana nya singi, wu di si vbungugi tengo nya sifuyo sawe.

Dzindzimo 119:162

Nyi ngu nengela khu gitumbiso gyago, kha nga muthu a manago thomba nya gutale.

Dzindzimo 4:7

U thede gutsaka nya gungi monyoni gwangu guvbindra avo va gu nago; va fumago sivbila ni vbinyu.

Isaya 10:26

Kholu, Pfhumu Nungungulu nya Tshivba Yatshavbo a na khusedza gisephu gyaye vbatshani gwawe, a va veta kha nga edzi a vetidego khidzo Vamedhiyani vbagiwindritunu ga Horebhi; a na khusa ndronga yaye a veta yiphwa, kha nga edzi a giredego Vagipiti.

Isaya 12:1

Ga litshigu lolo, u na embelela, khuwe: “Nyi ngu gu bonga uwe Pfhumu Nungungulu, kholu, ambari nyi gu gorosidego, olu U duside likhulo lago avbo gwangu. Uwe u ngu nyi tangadzisa.”

Isaya 14:5

Pfhumu Nungungulu fanyeledzede ndronga ya va nya guvivbedwa khu monyo, ni ndronga ya vakhozisi.

Isaya 25:9

Khu litshigu lolo, va na ganela, khavo: “Wonani, oyu khu Nungungulu wathu, hi mu tumbidego a na hi vbanyisa, khuye Pfhumu Nungungulu, oyu hi mu viredego, hi na tsake hi nengele khu guvbanyisa gwaye!”

Isaya 26:15

Gambe, uwe Pfhumu Nungungulu, u engedzede vathu vava, u va engedzede va tala va gu ambagiside wudhumo, u andriside mivbingano nya litigo lawe latshavbo.

Isaya 35:10

Avo va na tshudziswago khu Pfhumu Nungungulu, va na bwelela va wuya Siyoni, na va gu kulungela khu gutsaka; Va na fenengedzwa mihungoni gwawe, khu litsako nyamba vbela. Va na taledwa khu gutsaka ni gunengela; gulila ni wuvi si na bani si vbindride gwawe.

Isaya 35:2

Khu kharato si na rumbuga senge, si kulungela khu gunengela, si embelela khu gutsaka; va na ningwa wudhumo wa Libhanoni, ni wa Saromi, ni gungangamela nya gigomo Karameli; vathu va na wona wudhumo wa Pfhumu Nungungulu, ni gungangamela ga Nungungulu wathu.

Isaya 54:1

Embelela khu gutsaka uwe nyamayi nya gyumba, uwe u ngamba velega sanana; nengela khu gutsaka u womba kulungwane, uwe u ngamba lumwa; kholu sanana sa nyamayi a ngamba dzegwa si tade guvbindra sa nyamayi a gu ni mwama; a ngu ganela Pfhumu Nungungulu.

Isaya 55:12

Kholu mu na dugani na mu gu nengela mu gimbidziswa khu gurula; sigomo ni sigomwana si na womba sizimba mbeli gwanu, ni misimbo yatshavbo ya khabini yi na khwakhwatela mandza.

Isaya 61:10

Nyi na nengela ngudzu ga Pfhumu Nungungulu, hefemulo wangu wu na tsakela Nungungulu wangu; kholu a nyi ambagiside guambala nya guvbanyise, a nyi fenengedza khu mwendra nya gululame. Gukhwatshi khu mudzegi a dzi mburisedego khu gihugu nya buzo, kha nga nyamayi nya khundzwa a dzi mburiselago khu dziphera nya ndralama.

Isaya 61:7

Wulangani nya dzitshoni va dzi manego vathu vangu, va na hakha nyondro mbili, ni ga givalo ni gipoyilo mu gi manego, mu na hakhani gambe khu gu wuyelela nyondro mbili dzithomba nya mayigo yawe, mu na khalani khu gunengela ni litsako kala gupindruga.

Isaya 65:14

wonani nya gukhenu sithumi sangu si na embelela khu gutsaka nya myonyo yawe, aholu enu mu na keta khu guvbisega myonyoni gwanu, mu womba huwa khu guvbisega hefemuloni.

Isaya 65:18

Aholu mu na tsaka mu nengela khu satshavbo iso nyi na gu si vangago; kholu wonani lidhoropa la Jerusalema, nyi na li gira nari ilo li tsakisago vathu vangu, ni vathu vaye va khala na va nengede.

Isaya 66:10

Tsakani enu mwatshavbo mu golago Jerusalema, mu nengela gumogo naye, enu mwatshavbo mu lidego khuye.

Jeremiya 31:7

Kholu Pfhumu Nungungulu a ngu ganela kharati, khuye: “Embelelani mu womba mikulungwane khu kotani ya Jakobe, huwelelani ga uye a gu muthangeli nya mayigo; mu embelela dzindzimo nya wuzundzo, khenu: Vbulugisa vathu vago Pfhumu Nungungulu, a gu mitshaledwa ya Israyeli.”

Hoseya 4:7

Avbo vaphasi nya mhamba va nga andra, va di engedzela gu nyi ghohela, gasi eni, nyi na vbindrugedza wuzundzo wawe wu khala dzitshoni.

Levhi 26:13

Eni kheni Pfhumu Nungungulu wanu, nyi mi dusidego khu tigoni ga Egipito, gasi mu si simami gu khala dzikhumbi dzawe; nyi kavilede makhetshe nya kanga wanu, gasi mu gimbila na mu ololokide henu tshwi.

Zakariya 10:8

Nyi na womba ndrodzi nyi va tshanganisa nyaluphye, kholu nyi va dzegiside; va na wuya gambe va tala kha idzo va nga bani varomo khidzo guhegulani.

Zakariya 2:11

Khu litshigu lolo, mayigo nya gutale ma na ta dzi tshanganisa ga Pfhumu Nungungulu, va na khala vathu vangu; nyi na vbanya vbakari gwago, khavbo u na dzitigo gukhuwe Pfhumu Nungungulu nya Tshivba Yatshavbo, a nyi rumede gwago.

Zakariya 8:23

Pfhumu Nungungulu nya Tshivba Yatshavbo a ngu ganela kharati, khuye: “Ga matshigu yoyo, likhumi vama nya gute khu mafumbu yatshavbo nya malimi ma ganedwago khu vathu nya mayigo, va na phara tshoka nya mwendra wa moyo nya Mujudha nya gukari, va mu embela, khavo: Ethu ha guvbweta gu hongola gumogo nanu, kholu hi pwide gupwani Nungungulu womo gwanu.”

Luka 11:22

Aholu ya gu manega yimbe ndrena nya gu mu pale, ya gu mu dzegela matshari a nga bani a gu ma themba, yi gu mu phanga silo saye, yi kabanisela vathu.

Mithumo 8:8

Gu di manega gutsaka nya gukhongolo dhoropani mule.

Vafilipi 4:4

Nengelani ga Pfhumu; nyi ngu engedza gu mi embela, nengelani.

1 Pedro 1:8

Enu mu ngu mu haladza, ambari mu ngamba mu wona; mu ngu khodwa gwaye, ambari mu si mu wonigo olu. Khu guralo, enu mu ngu nengela khu gutsaka nya gukhongolo ngudzu, ni wudhumo wu tandrwago gu ganedwa khu magana.

Valamuli 5:3

Enu vafumeli yingisani! Upwani enu vamwamangulu! Nyi na dhumisa Pfhumu Nungungulu khu gu embelela, nyi na embelela ga Pfhumu Nungungulu wa Israyeli.

Valamuli 7:22

Avbo vatshavbo va na Israyeli nya mazana mararu va nga womba mipundru, Pfhumu Nungungulu a di hambanisa mapimo Vamedhiyani, va phela gu payana khu gyawe ndrani nya lizumbo lawe latshavbo; masotshwa ma di tutuma ma thavela Zerera, kala Bheti-Sita, va vboha kala mivbinganoni ya Abheli-Meyola, vbafuvbi ni Tabhati.

Valamuli 8:12

Zebha ni Zalimuna vafumeli Vamedhiyani va di thava; khu guralo uye a di va lundra, a va mola gumogo, a phalalegisa masotshwa yatshavbo.

1 Samuweli 30:16

Avbo lidzaha li nga relelago gu vbelegedza Dhavhidhe, Vaamaleki va di phalalegide ni gipandre nya litigo, na va gu hodza ni gu sela, na va gu tsakela thomba nya yingi va nga yi wandra tigoni ga Vafilisitiya ni ga Judha.