Isaya 9:21 - Bhibhiliya Nya Guage

²¹ Manasi a ngu dhumela Efrayimi, Efrayimi nuye a ngu dhumela Manasi; khu wuvili wawe va gu wugela Judha. Ambari khu guralo, likhulo laye kha li bosi gilo, ni libogo laye li nga thawulugide.

Isaya 9:21 Iomraidhean Croise

2 Dzipfhumu 15:30

Khavbo avbo, Ozeya, mwamana wa Ela, a di gira gikungo a wugela Peka, mwamana wa Remaliya, a mu dhumela, aya mu songa, a fuma uye wulangani gwaye, khu mwaga nya magumavili nya gufume ga Jotamo, mwamana wa Uziya.

Isaya 10:4

Gi mwalo gambe gi mi tshaledego gu gira, vbavbandze nya gu dzi pateni ni sibotshwa, ni gu thega, mu patana ni sirumbi, ambari khu kharato, likhulo laye kha la bosa gilo, ni libogo laye li nga gu simama guthawuluga.

Isaya 11:13

Khu guralo, a na vbedza lidiwo la Efrayimi, valala va Judha, va na mbembiswa; Efrayimi kha na girela gambe lidiwo Judha, ambari Judha nuye, kha na tshanisa Efrayimi.

Isaya 5:25

Khu satshavbo sesi, likhulo la Pfhumu Nungungulu li na khondra vbatshani ga vathu vaye, a handzega gyandza gyaye vbatshani gwawe, a va songa; sigomo si na ndrendremela, ni sirumbi sawe si na gira kha nga matala vbakari nya dzindzila; ambari khu satshavbo sesi, likhulo laye kha li na bwelelela hwane, a nga na gu khusedza gyandza gyaye, a va sasela.

Isaya 8:21

Vathu va na legalegiswa ni litigo na va gu tshaniswa ni gupwa ndzala; gikhati va na rerekago khu ndzala, va na vala mufumeli ni Nungungulu wawe, na va gu khedza vbatshani.

Isaya 9:12

Vaasiriya khu Khugadambo, ni Vafilisitiya khu Pfoladambo; va di hama likana va midza Israyeli. Ambari khu guralo, likhulo laye kha la bosa gilo, ni libogo laye li nga thawulugide.

Isaya 9:17

Khu guralo, Pfhumu kha na nengedziswa khu madzaha yawe, ambari gu pwela gisiro dzikhulungu ni dzinoni dzawe, kholu vatshavbo vakanganyisi ni sighohi, magana yawe yatshavbo ma gu ganela wupumbu. Khu satshavbo sesi, likhulo laye kha li bosi, ni libogo laye li nga thawulugide.

Jeremiya 13:14

Nyi na va vbadzulela va khala khu sipandre va pandrana khu gyawe, vavelegi gumogo ni sanana, a ngu ganela Pfhumu Nungungulu; gima kha nyi na va divalela ni gu va tsetsa ambari gupwa gisiro khu avo gasi nyi si va mbembisi.

Jeremiya 4:8

Khu guralo, ambalani silendra mu lila ni gu womba dzihuwa; kholu nilo nya likhulo la Pfhumu Nungungulu kha wa ndreya mbeli gwathu.

Zakariya 11:14

Khu hwane nya ugo, nyi di dzega yimbe ndronga, yi ranwago Pwanano, nyi yi fanya niyo, gasi gu vbedza wulongo vbakari ga Judha ni Israyeli.

Matewu 24:10

Avbovbo nya vangi va na thega, va zondrana ni gu ningelana khu gyawe.

Vagalatiya 5:15

Aholu enu mwa gu vbanya nga sirengo, mu gu hodzana ni gu bayisana, dzi woneleni, mu nga hegisa khu gu vbedzana khu gyanu.

Valamuli 7:2

Pfhumu Nungungulu a di embela Gidhiyoni, khuye: “Uwe u na ni vathu nya vangi ngudzu gasi gu eni nyi ningela Vamedhiyani mandzani gwago; gasi va na Israyeli va si dzi khusedzi gwangu, va ganela, khavo: Va di vbulugiswa khu tshivba yawe.

1 Samuweli 14:20

Khavbo avbo, Sawule ni vatshavbo a nga bani nari navo va di tombana vata litungatunu; Vafilisitiya va di payana khu gyawe khu matshari, gu manega pfilupfilu nya yikhongolo ngudzu.