Isaya 9:19 - Bhibhiliya Nya Guage

¹⁹ Khu kotani nya likhulo la Pfhumu Nungungulu nya Tshivba Yatshavbo, litigo li dagarede, ni vathu va gu gira gukhwatshi dzikhuni dzi vbyago niloni, mwalo a tsetsago ndriyaye.

Isaya 9:19 Iomraidhean Croise

Isaya 1:31

Muthu nya tshivba a na fanana ni mavivi, ni thumo waye, wu na khala kha nga tshahe nya nilo; vatshavbo va na vbiswa gumogo va hamuga ni muthu nya gu va tshimele.

Isaya 10:6

Nyi ngu mu ruma guya dwana ni litigo li vivbedwego khu monyo, nyi mu leletede guya wugela vathu nyi gorogidego khavo, nyi mu ningide nayo nya guya va phanga ni gu wandra silo sawe, ni gu va gandredzela kha nga maraga ya mudzindzilani.

Isaya 13:13

Khu guralo, nyi na ndrendremedzisa damboni; mafu ma na khuga wulangani gwaye, khu kotani nya likhulo la Pfhumu Nungungulu nya Tshivba Yatshavbo, ni kotani nya litshigu nya likhulo laye nya guthise.

Isaya 13:18

Malaho yawe va na songa khayo madzaha; gima kha va na pwa gisiro khu sanana si ngarigu ndrani; maho yawe kha ma na tsetsa sanana sa beleni.

Isaya 13:9

Wonani, li nguta Litshigu la Pfhumu Nungungulu, litshigu nya guthise ni likhulo li khondrago, gasi gu vbindrugedza litigo li khala marumbi, gumogo ni gu mbembisa sighohi si vbanyago umo.

Isaya 24:6

Khu kotani nya isoso, guvivba gu midzide mafu, ni avo va vbanyago umo, va mane nandru; vavbanyi va tigoni va na dagarela khu nilo, gu na tshala vathu vadugwana basi.

Isaya 26:11

Mandza yago ma khusegide, Pfhumu Nungungulu, ambari khu guralo, kha va ma woni! Va yeyedze nya gukhuwe u ngu khathalela vathu vago, gasi va khale dzitshoni; va na dagarele khu nilo u wu dongisedego valala vago.

Isaya 3:5

Va na tshanisana khu gyawe; muthu ni muthu a na wugela muthu kwawe, gyanana gi na wugela lidhota, ni muthu nya nyalidede a na wugela muthu nya guthavisege.

Isaya 33:14

Sighohi sa gigomoni gya Siyoni, si tade khu hwanga, va nya guvivbedwa khu monyo, va ngu ndrendremela, khavo: “Khu mani vbakari gwathu a na tiyago gu ema mbeli nya nilo nya mavbiselo yaya? Khu mani vbakari gwathu a na vbanyago malavbelavbeni nyamba tshimega, na?”

Isaya 4:4

Gikhati Pfhumu a na handzago manyala ya vanyamahegyane va Siyoni ni gu handza novba wu guromo vbakari ga Jerusalema, khu Liphuvbo nya gululame ni Liphuvbo nya agise.

Isaya 42:25

Khu guralo, uye a di vbaladza likhulo laye vbatshani gwawe, ni nyimbi nya guthise ni gu va fenengedza khu malavbelavbe nya nilo vbakari gwawe, ambari khu guralo, kha va si pima; va dagarede khuwo, aholu kha va khathala khu gilo.

Isaya 5:24

Kha nga malavbelavbe nya nilo ma vbisago dzitshava ni mwasi nya gubange, kharato nugo, mikhamba yaye yi na hina ni senge saye si na vbuvba kha nga kudzudzwane, kholu va yeyiside Nayo wa Pfhumu Nungungulu, nya Tshivba Yatshavbo, ni gu bomba magana ya uye a Agidego wa Israyeli.

Isaya 5:30

Khu litshigu lolo, va na bhongela Judha, kha nga gubhonga nya linene, uye a na khedzago tigoni, a na wona basi gidema ni gutshaniseka, lidambo li na pfhupedziswa khu mapfhi nya guthise.

Isaya 60:2

Wona gidema nya guthise gi fenengedzide litigo ni wutshigu wu fenengedzide mahundzu nya vathu; aholu vbatshani, wu ngu wonega wenengedzo wa Pfhumu Nungungulu, ni wudhumo waye wu ngu ngangamela avbo gwago.

Isaya 8:22

Va na khedza mafuni, gambe va na wona tshanisa, gidema ni wuvi nya wukhongolo ngudzu; khu hwane, va na rinywa gidemani nya guthise.

Jeremiya 13:16

Dhumisani Pfhumu Nungungulu wanu, gu si gu vbohi gidema, migondro yanu yi si gu tshunganeli musigomoni nya guthise; avbo mu na gu khedziselago guwonegela, aholu uye a na gu vbindrugedza a resa wutshigu ni gidema nya guthise.

Ezekiyeli 20:47

Embela likhabi la Marandzi, khuwe: Yingisa magana ya Pfhumu Nungungulu u mu embela, khuwe: Mune Pfhumu Nungungulu, a ngu ganela kharati, khuye: Nyi womo vbafuvbi ni gu guvbisa khu nilo, yi dagarela kharati misimbo yago yatshavbo, nya gunagane ambari iyo nya gubange. Malavbelavbe nya guvbise kha ma na tshimwa, ma na vbisa dzikhovbe dzatshavbo, gukhugela Marandzi kala Wuronga.

Ezekiyeli 9:5

Na nyi nga gu yingisa, uye a di embela vambe, khuye: “Mu landreni mu songetela vathu dhoropani gwatshavbo, va songeni nyamba va pwela gisiro mwendro gu va tsetsa.

Joyele 2:2

Litshigu nya gidema ni gutshaniseka; litshigu nya mapfhi ni gidema nya guphume. Gufanana ni wuronga wu wenengedzago sigomoni, vathu nya vangi ni tshivba va ngu hidzimela, avo nya gu gukhugela gikhati gya gale gima kha va nga manega, ambari khu hwane gwawe kha va na nga manega ga situgulwana ni situgulwana kala gupindruga.

Joyele 2:3

Mbeli gwawe gu thangide nilo nya gumbembise; khu hwane gwawe gu wonega malavbelavbe nya nilo; mbeli gwawe mafu ma gu fanana ni lithembwe la Edheni, aholu khu hwane gwawe gu di fanana ni giwula nya gihala; mwalo a na vbulugago.

Levhi 26:26

Vbavbandze nya isoso, nyi na mi vbungulela guhodza gwanu, avbo nya gu likhumi vanyamayi va na phula guhodza khu khali mweyo muya khu gupimedwa; mu na hodzani, aholu kha mu na khura.

Amosi 5:18

Libango ga vale va vbwetago gu wona litshigu la Pfhumu Nungungulu! Mwa gu li vbwetela ginani gu li wonani litshigu leli la Pfhumu Nungungulu? A na bani nari litshigu nya gidema, nyambana wenengedzo.

Obhadhiya 1:18

Lihundzu la Jakobe, li na khala nilo; lihundzu la Josefe li na khala malavbelavbe; lihundzu la Esawu li na bani liri mavivi, va na rothana khu gyawe va dagarela; mwalo a na tshalago gambe wa nyumbani ga Esawu, kholu Pfhumu Nungungulu a ganede.

Mikeya 7:2

Va nya gululama va fuvide tigoni; gu mwalo gambe vbakari nya vathu uye a lulamidego; vatshavbo vomo va dzi lulamisela gasi gu vbaladza novba; moyo ni moyo womo gu demba ndriyaye khu ligoga.

Mikeya 7:6

Kholu, gyanana nya gikhwathana gya gu yeyisa babe waye, nyamahegyane a wugela mayi waye, ngadzamwane a wugela mayinasale; valala nya muthu khu valongo va ndrangani gwaye kamwe.

Zakariya 11:6

Khu guralo, Eni kha nyi na nga tsetselela gambe vathu va tigoni momu, a ngu ganela Pfhumu Nungungulu. Wonani nya gukhenu, nyi na ningela vathu, moyo ni moyo mandzani ga muthu kwawe ni mandzani ga mufumeli wawe; avo va na sasela litigo, aholu eni kha nyi na vbulugisa muthu mandzani gwawe.”

Zakariya 11:9

Khavbo avbo, eni nyi di, kheni: “Kha nyi na nga khala gambe muhavisi wanu. Eyi yi fago, yi nafe; eyi yi dzimelago, yi na dzimele! Gasi edzi dzi tshalago, dzi na hodzane khu gyawe.”

Matewu 27:45

Gukhugela midiya kala ni silambo gu di manega gidema tigoni gwatshavbo.

Mithumo 2:20

Lidambo li na vbindrugedza li khala gidema gasi ngima wu na fuvila wu khala nga novba. Na li si gu vbohi litshigu la Pfhumu: Litshigu likhongolo, litshigu nya gidhumo.

2 Pedro 2:4

Nungungulu kha ditshedza dzingilozi dzi nga ghohago, aholu, a di dzi yisa phalani nya guete nya gidema a dzi diga mugidemani, a lindrela litshigu nya gu dzi lamule,