Isaya 9:11 - Bhibhiliya Nya Guage

¹¹ Khu guralo, Pfhumu Nungungulu a na va wusela valala va Rezimi guta va dhumela, a wusa ni valala vaye khu gumogo basi.

Isaya 9:11 Iomraidhean Croise

2 Dzipfhumu 15:29

Matshiguni ya Peka, mufumeli wa Israyeli, a dita Tigalati-Pileseri, mufumeli wa Asiriya, ata wandra Iyoni ni Abheli-Bheti-Mahaka, Janowa, ni Kedhesi, Hazori, Gileyadhi ni Galileya, ni litigo latshavbo la Nafitali, a vbagela vavbanyi vaye a va yisa Asiriya.

2 Dzipfhumu 16:9

Mufumeli wa Asiriya a di mu yingisa, a gwela aya dwana ni Dhamasiko, a li wandra, a mola vathu vakone a va gira dzikhumbi, a va yisa Khiri, a songa Rezimi.

Isaya 10:4

Gi mwalo gambe gi mi tshaledego gu gira, vbavbandze nya gu dzi pateni ni sibotshwa, ni gu thega, mu patana ni sirumbi, ambari khu kharato, likhulo laye kha la bosa gilo, ni libogo laye li nga gu simama guthawuluga.

Isaya 28:1

Libango ga Samariya, gihugu nya matshandza nya sidhakwa sa Efrayimi! Lidhoropa li vbahidwego vbatshani nya kova nya gunone, wumburi nya wuzundzo waye wa gu fanana ni genge nya wumburi nya guwune gi vegidwego hungoni nya vathu va levidego.

Isaya 5:25

Khu satshavbo sesi, likhulo la Pfhumu Nungungulu li na khondra vbatshani ga vathu vaye, a handzega gyandza gyaye vbatshani gwawe, a va songa; sigomo si na ndrendremela, ni sirumbi sawe si na gira kha nga matala vbakari nya dzindzila; ambari khu satshavbo sesi, likhulo laye kha li na bwelelela hwane, a nga na gu khusedza gyandza gyaye, a va sasela.

Isaya 7:1

Khu matshiguni ya Akazi, mwamana wa Jotamo, mwamana wa Uziya, mufumeli wa Judha. Rezimi, mufumeli wa Siriya, ni Peka, mwamana wa Remaliya, mufumeli wa Israyeli, va di gwela Jerusalema guya li dhumela. Aholu va diya tandrega gu li wandra.

Isaya 7:8

Kholu tsindza wa Siriya khu Dhamasiko, Ni mufumeli wa Dhamasiko, khu Rezimi; ndrani nya livbandre na limwedo magumi ni livbandre myaga, Efrayimi, a na mbembiswa muphelo, a si khali gambe litigo!