Isaya 8:8 - Bhibhiliya Nya Guage

⁸ mati ma na bela tigoni ga Judha, kha nga ndrambi, ma langaladza vathu kala dzithamoni. Guanama nya mambapi yaye gu na fenengedza guanama nya litigo lago, uwe Emanuweli.

Isaya 8:8 Iomraidhean Croise

2 Dzipfhumu 17:3

A di ta dhumedwa khu Salimaneseri, mufumeli wa Asiriya a mu khozisa; Ozeya a di khala githumi gyaye, a mu luva miningelo.

2 Dzikoronika 12:4

A di wandra madhoropa nya makhokhola ma lumbago Judha, a vboha kala Jerusalema.

Isaya 10:6

Nyi ngu mu ruma guya dwana ni litigo li vivbedwego khu monyo, nyi mu leletede guya wugela vathu nyi gorogidego khavo, nyi mu ningide nayo nya guya va phanga ni gu wandra silo sawe, ni gu va gandredzela kha nga maraga ya mudzindzilani.

Isaya 30:28

A gu hefemula gu duga liphuvbo nya gufanane ni tsongo wu tadego khu mati ma gogago, ma gugumuga ma langaladza kala thamoni; a gu vbevbera mayigo khu gisavala nya gumbembise; a thela matomu maganani nya vathu gasi gu va ndreyisa va ghoha.

Isaya 43:2

Ambari wa guvbindra khu matini, eni nyi na bani nyiri nago, wa gu tsemakanya mitsongo, gima khu na dzama. Wa guvbindra khu vbakari nya nilo, gima khu na nga vbya, ambari gu vbiswa khu malavbelavbe.

Isaya 7:14

Khu guralo, Pfhumu kamwe a na gu ninga giwonegiso gimwegyo a gu egi: “Nyamahegyane nya likendzi a na khura mimba a velega gyanana nya gikhwathana, a na gi riyago lina nya gupwani Emanuweli.”

Isaya 7:17

Aholu Pfhumu Nungungulu a na resa gwago, vbakari ga vathu vago, gumogo ni dzindranga dza babe wago, khiyo ga mufumeli wa Asiriya, matshigu nya gu gima ma si gu manegi, gukhugela litshigu Efrayimi a nga dzi pambulago ga Judha.

Isaya 8:10

Ambari mwa gu hungani gikungo, gi na pfhungumudwa, ambari mwa gu lugani mano, kha mu na dugelela, kholu Nungungulu a na ni ethu.

Jeremiya 47:2

Pfhumu Nungungulu a ngu ganela kharati, khuye: “Wonani nya gukhenu mati ma khugago khu Wuronga, ma gu goga nga tsongo wu tutumago, wu langaladza litigo latshavbo ni satshavbo si guromo umo, ma na taledwa madhoropa ni vavbanyi vaye. Vathu va na womba dzihuwa, ni vatshavbo vavbanyi va mafuni va na lila,

Jeremiya 48:40

Kholu Pfhumu Nungungulu, a ngu ganela kharati, khuye: Wonani nya gukhenu nala wa Mowabhi, a nata na gu vbuvba nga lighama, a ta mbaka vbatshani gwaye.

Jeremiya 51:42

Mati nya linene ma dzude ga Bhabhiloni ma ta mu fenegedza khu mavimbi yaye nya mangi.

Ezekiyeli 17:3

Va embele, khuwe: Mune Pfhumu Nungungulu a ngu ganela kharati, khuye: Lighama limwedo nya likhongolo, na liri ni mambapi nya tshivba, mitenga nya gulaphe ni givili nya gikhongolo, na gi taledwe khu mitenga nya mavalavala, li vbohide kala gigomoni gya Libhanoni li ya fanya litamo la tshokatunu nya simbo nya sedhari.

Ezekiyeli 26:19

Kholu Mune Pfhumu Nungungulu, a ngu ganela kharati, khuye: “Gikhati nyi na gu gira lidhoropa li khala marumbi nyamba khadwa khu muthu, gikhati nyi na gu girelago nondrwa, u langaladzwa khu mati nya mangi.

Dhaniyeli 11:10

Sanana saye si na tombana va gira gikwata nya gikhongolo nya masotshwa; va wusa nyimbi, moyo wawe a na tsemakanya vbingano nga ndrambi nya mati, bwelo khavbo a wuya ata sasela makhokhola ya mufumeli wa Marandzi.

Mikeya 1:9

Kholu gilondra gyaye khya gimange, gi vbohide kala Judha; gi endrelega kala dzinyangwani dza vathu vangu, gi vboha kala Jerusalema.

Mikeya 5:5

Uye a na bani nari gurula gwathu. Vaasiriya va gu tshuka va dhumela litigo lathu va vbindra khu vbakari nya dzinyumba dza vafumeli vathu, hi na va emisela livbandre na vavili vahavisi ni livbandre na dzitharu dzindruna dzi na hathwago vbakari nya vathangeli nya lisima.

Matewu 1:23

“Dzitini nya gukhenu gyagadzyana nya mbiri gi na khura mimba, gi velega gyanana nya gikhwathana gi na ranwago gupwani khigyo Emanuweli” (gu tshamusago, gupwani: “Nungungulu womo vbakari gwathu.”)