Isaya 8:6 - Bhibhiliya Nya Guage

⁶ “Kha nga olu vathu vava va yeyisidego mati ya Silowe, ma gogago gwadi khu gutenga, va tsakiswa khu Rezimi ni mwamana wa Remaliya,

Isaya 8:6 Iomraidhean Croise

1 Dzipfhumu 7:16

A di nyegisa mihungo mivili nya sugu a yi handzega vbatshani nya madingo, gukhugega nya hungo ni hungo, a diri ni pimo nya livbandre mikono.

Nehemiya 3:15

Salumi, mwamana wa Kol-Hozi, mufumeli nya gitigwana gya Misipa, a di vbahedza Mwanya wu ranwago pwani, Mwanya nya Nambo, a wu vbedza bwelo khavbo a wu pfhulela, a thela malimba gumogo ni sikhotho saye ni sikwinyaro; a di vbahedza gambe ni ndzari gukhugela lidhamotunu la sela, vbafuvbi ni lithembwe nya senge la mufumeli, kala sigandrotunu si relelago Dhoropani ga Dhavhidhe.

Dzindzimo 46:4

Womo tsongo, mati yaye ma tsakisago lidhoropa la Nungungulu, nyumba nya guage ya oyu a Khusegidego ngudzu.

Isaya 1:20

Aholu, mwa gu bomba, mu simama gu ganedza, mu na mbembiswa khu matshari; a ngu ganela Pfhumu Nungungulu.

Isaya 28:2

Wonani nya gukhenu Pfhumu a na rumela mwama nya ndrena ni tshivba kha nga ndzadzi nya maralala ni phuvbo nya gingulu, yi pfhungumulago kha nga talo nya khongolo nya mati ma khulungago khu tshivba, ma kemba mafu.

Isaya 30:12

Kholu, oyu a Agidego wa Israyeli, a ngu ganela kharati, khuye: Kha nga olu mu yeyisidego magana yaya, mu tumba dzihanyi ni mithumo nya gunyenyeze mu namarela ga iso,

Isaya 5:24

Kha nga malavbelavbe nya nilo ma vbisago dzitshava ni mwasi nya gubange, kharato nugo, mikhamba yaye yi na hina ni senge saye si na vbuvba kha nga kudzudzwane, kholu va yeyiside Nayo wa Pfhumu Nungungulu, nya Tshivba Yatshavbo, ni gu bomba magana ya uye a Agidego wa Israyeli.

Isaya 7:4

u naya mu embela, khuwe: Dzi wonele, rula! U nga thavi ambari gu vbela tshivba khu kotani nya sihalyana sivili si tuvigago wutshi; khu kotani nya likhulo la Rezimi gumogo ni la Siriya, ni la mwamana wa Remaliya.

Isaya 7:6

Hongoleni hi ya wugela Judha, hi mu thusedzela, hi mu wandrela litigo, hi emisa mwamana wa Tabhiyali a fuma vbakari gwawe.

Isaya 7:9

Samariya tsindza wa Efrayimi, mufumeli wa Samariya, khu mwamana wa Remaliya, aholu mwa gumba khodwa, khu lisine, kha mu na simama mu vbanya, gima kha mu na tiya.”

Isaya 8:5

Pfhumu Nungungulu a di engedza a nyi embela, khuye:

Jeremiya 18:14

Ina musiwindrini ga Libhanoni gu ngu khala nyambana thondrwane, gani? Mwendro mitsongo ya sigomoni yi gogago mati nya gudzidzile nya gute khu hwindzo, ina yi ngu vbwa, gani?

Jeremiya 2:13

Kholu vathu vangu va nyi ghohede guvili, khesi: “Va hambanide ni eni nyi gu gifefe nya mati ma vbanyago, vaya dzi kembela milambo nya malufa nyamba tshengeledza mati.”

Jeremiya 2:18

Gasi olu, ga gu phasa ginani gu tutuma u bwelela Egipito, u ya sela mati nya tsongo wa Nilo? Gwa gu phasa ginani gu tutuma u hongola Asiriya, gasi u ya sela mati nya tsongo wa Ewufrate?

Luka 13:4

Ina mwa gu hingigedza nya gukhenu vale nya likhumi na livbandre na vararu va nga thegedwago khu langwe ya Silowe, va gufa, khavo vakone va nga bani vari ni nandru guvbindra vathu vatshavbo va Jerusalema, gani?

Johane 9:7

a gu gi embela, khuye: “Indra hamba lidhamuni ga Silowe” (gutshamusago pwani “Girumwa.”) Gikhumu gi di hongola giya hamba, gi wuya na gi gu wona.