Isaya 8:22 - Bhibhiliya Nya Guage

²² Va na khedza mafuni, gambe va na wona tshanisa, gidema ni wuvi nya wukhongolo ngudzu; khu hwane, va na rinywa gidemani nya guthise.

Isaya 8:22 Iomraidhean Croise

Joba 18:18

Va na duswa guwonegelani va rinywa mugidemani; va lundrwa tigoni gwatshavbo.

Ekisodha 10:21

Khavbo avbo, Pfhumu Nungungulu a di embela Mosi, khuye: “Khusedza mandza yago u nonedza ndzadzini, gu na manega gidema tigoni ga Egipito, gidema nya gu vathu va na gimbila khu gu phuphuthela!”

Ekisodha 10:22

Mosi a di khusedza mandza a nonedza ndzadzini, gidema nya guthise gi di fenengedza tigoni gwatshavbo ga Egipito, hugo phum, gipimo nya matshigu mararu.

Mavingu 14:32

Muthu nya guvivbedwe khu monyo, a na theswa khu mithumo yaye, aholu muthu nya gululame ambari na gu fude a na ni gitumbo.

Isaya 30:6

Gitiviso mayelano ni sirengo si guromo Marandzi, va gu rwega iso va fumidego ni dzithomba dzawe ga dziburu ni dzingameriya, va tsemakanya litigo nya sigaradzo ni wuvi, avbo gutago khavbo nghala, nya ngadzi neyi nya matune, gumogo ni nyoga nya mamba ni dzinyoga nya guvbuvbe, va yisa tigoni ga Egipito, ga vathu va gumba phaswa khavo.

Isaya 5:30

Khu litshigu lolo, va na bhongela Judha, kha nga gubhonga nya linene, uye a na khedzago tigoni, a na wona basi gidema ni gutshaniseka, lidambo li na pfhupedziswa khu mapfhi nya guthise.

Isaya 50:11

Gasi enu mu khuthago nilo, ni gu wu furugedzela gasi wu khondre, mu na thegela umo nya malavbelavbe nya nilo mu wu khondrisidego mwabune, mu vbiswa khu dzitshahe nya gukhondre dzi pirigago, isoso si nata khu gu rumedwa khu gyandza gyangu, mu nafa khu tshanisa nya yikhongolo.

Isaya 50:3

Nyi ngu ambagisa ndzadzini khu gidema nyi gu fenengedza khu mwendra nya gilendra.”

Isaya 59:9

Khu guralo, gulamudwa gu ngari hwindzo ni ethu, guvbanyiswa kha gu vbohi vbafuvbi gwathu. Ha gu vbweta wenengedzo, ha gu wona gidema basi; hi vbweta gu gimbila khu safa nya mihani, aholu hi mana gidema.

Isaya 60:2

Wona gidema nya guthise gi fenengedzide litigo ni wutshigu wu fenengedzide mahundzu nya vathu; aholu vbatshani, wu ngu wonega wenengedzo wa Pfhumu Nungungulu, ni wudhumo waye wu ngu ngangamela avbo gwago.

Isaya 8:20

Nga khedzani umo nya Nayo ni wufakazi! Wa gumba ganela khu maganelelo yaya, vathu gima kha va na wona gugya.

Isaya 9:1

Aholu vathu va randredwego khu sigaradzo, gima kha va na wona gambe gidema. Ga matshigu ma vbindridego, Nungungulu thede dzitshoni litigo la Zebhuloni ni la Nafitali; aholu guhegisani, a na zundza ndzila ya phwani, khisikheyi nya tsongo wa Joridhani, ni Galileya wa va nya mayigo.

Isaya 9:20

Va gu pila gitsuwu khu nyamudye, va gu simama gupwa ndzala, va gu hodza khu nyambade, aholu va gupwa ndzala; muthu ni muthu a gu hodza nyama ya muthu kwawe.

Jeremiya 13:16

Dhumisani Pfhumu Nungungulu wanu, gu si gu vbohi gidema, migondro yanu yi si gu tshunganeli musigomoni nya guthise; avbo mu na gu khedziselago guwonegela, aholu uye a na gu vbindrugedza a resa wutshigu ni gidema nya guthise.

Jeremiya 23:12

Khu guralo, dzindzila dzawe dzi na fanana ni wulanga nya gukwirige; va na redwa va thegela gidemani; kholu nyi na resa gwawe dzitshanisa khu mwaga nya tsayiso wawe; a ngu ganela Pfhumu Nungungulu.

Matewu 22:13

Khavbo avbo, mufumeli a di embela sithumi saye, khuye: ‘Mu hungeni mawogo ni mawundru, mu mu dzudzuga vbavbandze, mugidemani. Avbovbo a na ya lila ni gu ketsa magwaha.’

Matewu 24:29

“Aholu hwane nya tshanisa yoyo, lidambo li na sivbala, ni ngima kha na wenengedza; dzinyeledzi dzi na thegela khu Ndzadzini, ni dzitshivba nya ndzadzi dzi na dzudzwa.

Matewu 8:12

gasi va mune thomba va na rinywa vbavbandze, mugidemani, avbo va na guya lilago ni gu ketsa magwaha.”

Judha 1:13

mavimbi nya guvbenye ya linene, ma gugumugago ma pupuma liguvi nya siguro sawe nya dzitshoni; nga dzinyeledzi dzi legalegago, dzi vegedwego wulanga gidemani nya guthise ngudzu, kala gupindruga.

Gutuledwa 16:10

Ngilozi nya livbandre yi di vbaladza gikombe gyaye vbatshani nya gikhalo nya wufumu nya girengo, mufumo wa iyo wu di fenengedzwa khu gidema. Vathu va di dzi hodzedzela malimi khu wuvi.