Isaya 8:21 - Bhibhiliya Nya Guage

²¹ Vathu va na legalegiswa ni litigo na va gu tshaniswa ni gupwa ndzala; gikhati va na rerekago khu ndzala, va na vala mufumeli ni Nungungulu wawe, na va gu khedza vbatshani.

Isaya 8:21 Iomraidhean Croise

2 Dzipfhumu 25:3

Khu litshigu nya livbandre na mana nya ngima nya wu na, ndzala yi di tshinga ngudzu dhoropani, vathu va di hamuga guhodza.

2 Dzipfhumu 6:33

Na nga guganela navo, wu di relela mwango wu ta mu embela, khuwo: “Wona nya gukhuwe libango leli la guta khiyo ga Pfhumu Nungungulu, ginani hi nga gu gi lirelago gambe khiyo ga Pfhumu Nungungulu, na?”

Joba 1:11

Aholu, wa gu khusedza libogo lago u kuha iso a gu naso, wona gwadi nya gukhuwe a na gu vala nu gu mu wona.”

Joba 18:12

Tshivba yawe yi na bani yiri ndzala, ni wusiwana, wu na va vbohela khu maphuvbo yatshavbo.

Joba 2:5

Nga thawuludza gyandza gyago, u kuha marambo ni nyama yaye, u na wona idzo a na gu gu vala khidzo, nu gu mu wona.”

Joba 2:9

Mwangadzi waye a di mu embela, khuye: “Gwa gu phasa ginani gu simama gululamani? Vala Nungungulu, ufe.”

Ekisodha 22:28

U nga nyenyi Pfhumu Nungungulu wago, gambe u nga vali muthangeli wanu.

Mavingu 19:3

Wupumbu nya muthu wu ngu ghoha guvbanya gwaye, monyo waye wa gu wugela Pfhumu Nungungulu.

Isaya 14:30

Matiwula nya sisiwana ma na khura, ni sisiwana si na lala ligovbe nya gutenge, gasi enu Vafilisitiya, nyi na mi songa khu ndzala, mitshaledwa yanu, yi na mbembiswa.

Isaya 51:19

Ga dzimhango dzedzi dza dzimbili dzi gu dugeledego; khu mani a gu bavbudego marongo? Gupfhungumudwa, gumbembiswa, ndzala ni gusasedwa! Khu mani mutangadzisi wago?

Isaya 59:9

Khu guralo, gulamudwa gu ngari hwindzo ni ethu, guvbanyiswa kha gu vbohi vbafuvbi gwathu. Ha gu vbweta wenengedzo, ha gu wona gidema basi; hi vbweta gu gimbila khu safa nya mihani, aholu hi mana gidema.

Isaya 65:13

Khu guralo, Mune, Pfhumu Nungungulu, a ngu ganela kharati, khuye: Wonani nya gukhenu sithumi sangu si na hodza si khura, aholu enu, mu na tshaniseka khu ndzala; sithumi sangu si na sela mati, aholu enu, mu dagarela khu lidora, sithumi sangu si na nengela, aholu enu, mu na khala dzitshoni;

Isaya 9:20

Va gu pila gitsuwu khu nyamudye, va gu simama gupwa ndzala, va gu hodza khu nyambade, aholu va gupwa ndzala; muthu ni muthu a gu hodza nyama ya muthu kwawe.

Isaya 9:21

Manasi a ngu dhumela Efrayimi, Efrayimi nuye a ngu dhumela Manasi; khu wuvili wawe va gu wugela Judha. Ambari khu guralo, likhulo laye kha li bosi gilo, ni libogo laye li nga thawulugide.

Jeremiya 14:18

Nya gu hongola gundze, nya gu wona vathu va sasedwego khu matshari, nya gu wuya dhoropani, nya gu wona avo va dagarelago khu ndzala; ambari vaprofeti ni vaphasi nya mhamba, va gu legalega tigoni nyamba pima gilo.

Jeremiya 52:6

Khu litshigu nya livbandre na mana nya ngima nya wu na, gu di manega ndzala nya yikhongolo dhoropani, avbo vathu vatshavbo va tigoni va nga hamugago gilo nya guhodze,

Levhi 24:11

Gyanana gya nyamayi nya Muisrayeli gi di hembulula gi vala Lina la Pfhumu Nungungulu; khavbo avbo, va di gi dzega va gi yisa ga Mosi. Mayi wakone a di ranwa pwani khu Selomiti, gyanana gya Dhebhiri, nya lihundzu la Dhani.

1 Samuweli 8:18

Khu guralo, khu litshigu lolo, mu na lila khu kotani nya mufumeli mu na gu bani mu mu hathide; aholu khu gikhati gyogyo, Pfhumu Nungungulu kha na mi yingisa.”