Isaya 8:20 - Bhibhiliya Nya Guage

²⁰ Nga khedzani umo nya Nayo ni wufakazi! Wa gumba ganela khu maganelelo yaya, vathu gima kha va na wona gugya.

Isaya 8:20 Iomraidhean Croise

2 Pedro 1:19

Khavbo avbo, hi na ni gutumba ga Mahungu ma nga tiviswago khu vaprofeti, ma gukhayo: Mu ngu gira gwadi mwa gu yingisa mahungu yoyo, kholu, ma ngu fanana ni guwonegela gu wenengedzago gidemani kala gugya; thandra nya masase yi na wenengedze myonyoni gwanu.

Varoma 1:22

Va gu dzi randra vathu nya guti, aholu na vari sipumbu.

Johane 5:39

Enu mwa gu fulugutela Milowo na mu gu alakanya gu mana guvbanya nya gupindruge; khiyo kamwe Milowo yi fakazago khu eni.

Mithumo 17:11

Vajudha va Bhereya va diri ni myonyo nya yadi guvbindra va Tesalonika. Va di hakha magana khu githawo, va gu khedza Milowo matshigu yatshavbo gasi gu wona, khidzo, khandridzo gani.

Mikeya 3:6

Khu guralo, ligovbeni gwanu avbo mu na lalago, kha mu na wona siwoniso; gu na manega gidema, gasi mu si tuguli misihalo, vaprofeti vava, va na pfoledwa khu lidambo, litshigu lawe li khala gidema.

Jeremiya 8:9

Va nya guti va na thedwa dzitshoni, va na ndrendremela va modwa; kholu va hambanide ni magana ya Pfhumu Nungungulu; gasi guti muni gogo va gu nago?

Isaya 8:16

Vegedza wufakazi wangu, u namega nayo ga vapizane vangu.

Mavingu 4:18

Aholu ndzila ya va nya gululama ya gu wenengedza kha nga wuronga nya gugye, wu wenengedzago kala gu gira safa nya mihani.

Dzindzimo 119:130

Tshamuselo nya mahungu yago wu ngu tula maho, wu ngu ninga gupima va nya gusolega.

2 Pedro 1:9

Aholu, uye a gu mwalo naso silo sesi, a ngu fanana ni gikhumu, mwendro ni muthu nya gurole mapimo, a divaledwago khu gukhuye sighoho saye sa gale si tsetseledwe.

Matewu 22:29

Jesu a di va hakha, khuye: “Mu dzi pembide, khu gumbatini Milowo nya Guage ni tshivba ya Nungungulu.

Matewu 6:23

Aholu ma gu bani ma dwala, givili gyago gyatshavbo gi na khala mugidemani. Khu kharato, mwenge wu guromo milini gwago wa gu khala gidema, mili wago watshavbo wu na khala gidema nya guthise!

Hoseya 6:3

Hongoleni hi muti Pfhumu Nungungulu, hi na dzi garadze khu gu vbweta gu muti. Uye a nata gu fanana ni Wuronga, a nata avbo gwathu kha nga ndzadzi nya gilimo, ndzadzi nya maronga yi naganisago mafu, kha na tandrega guta hi phasa.

Isaya 1:10

Enu vathangeli va Sodhoma, yingisani magana ya Pfhumu Nungungulu; tulani dzindzeve enu vathu va Ghomora, mupwe nayo wa Nungungulu wathu.

Luka 10:26

Jesu a di mu hakha, khuye: “Gasi ginani gi lovidwego omu nya Nayo? Ahati uwe, wa gu hevbula kharini?”

Dzindzimo 78:5

Uye vegide nayo ga Israyeli, a ninga sileletelo sanana sa Jakobe a ruma vababe vathu gu hevbudza milayo yeyi ga sanana sathu,

Isaya 8:22

Va na khedza mafuni, gambe va na wona tshanisa, gidema ni wuvi nya wukhongolo ngudzu; khu hwane, va na rinywa gidemani nya guthise.

Jeremiya 6:16

Pfhumu Nungungulu a ngu ganela kharati, khuye: “Emani khu bambe nya ndzila mu wona, mu wudzisa khu sindzilana sa gale, mu wudzisani ndzila nya yadi, belani khiyo mu na ya mana gurula mihefemulo yanu. Aholu, mu di hakha, khenu: Kha hi na yi landra.”

Ezira 10:3

Khu guralo, olu hongoleni hi gira gidzumeledzwano ni Nungungulu wathu, gukhethu hi na tutumisa vanyamayi vatshavbo gumogo ni sanana si velegidwego khavo, kha nga gulaya ga Pfhumu, ni avo va ningago githawo khu sirumo sa Nungungulu wathu; esi si fanedego gu girwa khu gu landra nayo.

Marko 10:3

Uye a di va hakha, khuye: “Gasi umo nya Milowo, Mosi a di mi laya kharini ?”