Isaya 8:19 - Bhibhiliya Nya Guage

¹⁹ Vambe va na mi kutsedzela, khavo: Wudzisani maphuvbo ya vale va fudego ni valoli nya dzisolo va ngurangurago ni gu lembelana; ina kamwe va na Israyeli va gu bani vari ni mahungu kha va na ngaya wudzisa Nungungulu wawe, gani? Ina avo va vbanyago va ngu yela guya wudzisa avo va fudego, gani?

Isaya 8:19 Iomraidhean Croise

Genesi 41:24

Aholu sivbila sesi nya guwondre, si di midza sile nya livbandre na sivili sivbila nya sikhongolo. Nyi embede silo sesi dzinyanga, aholu mwalo ni moyo a nga dzi kodzago gu nyi tshamusela.

2 Dzipfhumu 1:3

Aholu Ngilozi ya Pfhumu Nungungulu yi di embela Eliya, Mutesibhi, magana yaya, khiyo: “Khuga, u ya wonana ni myango ya mufumeli wa Samariya, u yi embela, khuwe: Ina omu tigoni ga Israyeli, mwalo Nungungulu nya gukala u ya wudzisa Bhahali-Zebhubi, nungungulu wa Ekoroni, gani?

2 Dzipfhumu 21:6

A di gira miphaselo khu gu vbisa gyanana gyaye niloni; a namarela umo nya wunyanga ni wuloyi; a di wumba dzinyanga nya gufembe ni vanyadzisolo, a simama gu gira guvivba mbeli ga Pfhumu Nungungulu, kala a mu gorogisa ngudzu.

2 Dzipfhumu 23:24

Josiya, a di lundra gambe vanyadzisolo, va nya gufemba, sithungulu, sifananiso ni manyala yatshavbo ma nga bani na ma gu wonega tigoni ga Judha ni Jerusalema, gasi gu tiyisa magana nya Nayo, ma nga bani ma lovidwe umo nya Libhuku li nga tugudwago khu muphasi nya khongolo nya mhamba Hilikiya, Nyumbani ga Pfhumu Nungungulu.

1 Dzikoronika 10:13

A di fisa kharato Sawule khu kotani nya gighoho a giridego ga Pfhumu Nungungulu, khu kotani nyamba landrisa magana ya Pfhumu Nungungulu, ni guya wudzisa ni gu lomba gu phaswa khu muloli nya dzisolo,

2 Dzikoronika 33:6

Vbiside niloni sanana saye nya madzaha sa mahembeni gwaye, kovani ga Bheni-Hinomi, a dzi ningede ga va nyadzisolo, ga va nyasikwembo ni dzinyanga, a dzi ningela ga va nyamaphuvbo nya guvivbe ni valoyi, thumide ngudzu mithumo nya guvivbe mbeli ga Pfhumu Nungungulu gasi gu mu gorosa.

Dzindzimo 106:28

Va di khozela gambe nungungulu nya gupwani khu Bhahali-Peyori, va hodza dzimhamba dza vanungungulu nya gufe.

Isaya 19:3

Hefemulo wa Vagipiti wu na titivala ndrani gwawe, nyi na phalalegisa makungo yawe, va na ya wudzisa wusingalagadzi ga sifananiso sawe, ni ga vale va khozelago va nya gufa ni valoli nya dzisolo.

Isaya 26:14

Vathu vava, va fude, gima kha va na wuga gambe; va dzingidwe marowoni, kha va na duga khumo, kholu u va tsayiside u va mbembisa, u fuviside malina yawe va si alakanywi gambe.

Isaya 29:4

U na theswa vbavbatshi, u na ganela nuri vbavbatshi nya mafu, lito lago khu vbavbatshi nya kudzudzwane, li na duga na liri mwalo tshivba, lito lago li na pwala vbavbatshi nya mafu li fanana ni lito nya gikono; li na womba ndrodzi khu vbavbatshi nya kudzudzwane.

Isaya 30:2

Va belago ndzilani va hongola tigoni ga Egipito nyamba nyi wudzisa, vaya vbweta guvhikedwa khu tshivba ya Faro, ni gu sihala mutsani ga Egipito!

Isaya 45:11

Pfhumu Nungungulu, Nyaguage wa Israyeli, Wule a gu wumbidego, a ngu ganela kharati, khuye: Ina mu na nyi wudzisani mayelano khu iso si nga gutago ga sanana sangu, gani? Mwendro gu nyi leletela khu mahungu nya thumo nya mandza yangu, gani?

Isaya 47:12

Ema kharato ni wunyanga wago ni gutala nya mirendre yago, ni wuloyi wago u wu thumisidego gukhugela wumbirini wago, mwendro si na gu phasa gu dzi tshula mhangoni.

Isaya 47:13

Olu u garade khu gu gimbilagimbila ga vagengeli nya vangi u lomba wusingalagadzi! Va na dzi wonegise olu va gu vbanyisa vale va girago wutumbe khu sivangwa sa ndzadzini, avo va matigo magimbilelo nya dzinyeledzi ni gupima misihalo, gasi va kodze gu tivisa iso si na gu gu dugelelago khu ngima ni ngima.

Jeremiya 10:10

Aholu Pfhumu Nungungulu khuye nya lisine; uye Nungungulu a vbanyago; ni Mufumeli nya gupindruge. A gu goroga, litigo la gu ndrendremela, ni mayigo kha ma tiyi gu ema mbeli nya likhulo laye.

Jeremiya 27:9

Khu guralo, mu nga yingiseni vaprofeti vanu, valoli vanu nya dzisolo, valori vanu nya dzindroro, dzinyanga dzanu gumogo ni va nya gufemba ni va nya wuloyi vanu, va gu ganela gwanu, khavo: Mu nga thumelini mufumeli wa Bhabhiloni.

Levhi 19:31

Mu nga khidzimeli maphuvbo nya vafi, mu ngayi ga vanyamandriki, mwendro ga va nya gulola dzisolo mu ya wudzisa gilo. Mu nga dzi nyenyezisi khisoso. Eni kheni Pfhumu Nungungulu wanu.

Levhi 20:6

Muthu ayago ga vanyasikwembu, ni va nya gulola dzisolo, a dzi ningedzela gukhodwa ga silo soso, Eni nyi na mu wugela nyi mu fuvisa vbakari ga va na gyawe.

Mikeya 5:12

Nyi na vbedza wuloyi wa mandzani gwago; khu na nga mana gambe va nya gu lola dzisolo;

Mithumo 16:16

Tshigu mwedo, na hi gu hongola nombelotunu, hi di khingwa khu nyamahegyane moyo nya khumbi, a nga bani ari ni mandriki nya wutumbe; uye a di fumisa ngudzu vaphari vaye khu gulola gwaye.

Dhewuteronome 18:10

A nga manegi vbakari gwanu ni moyo nya gugire phaso khu guvbisa mwamana waye mwendro nyamahegyane waye niloni, gambe a nga manegi oyu nya guthumise wunyanga, ni gulola dzisolo, va nya gufemba ni wuloyi;

Dhewuteronome 18:11

nya gugire sisamadziso, va nya gutshwayina, va nya sikwembu, dzinyanga ni va nya guwudzisa vafi;

1 Vatesalonika 1:9

Khu guralo, vatshavbo va gu ganela khu mahakhelo mu nga hi hakhani khayo ni gu digani vanungungulu nya malipha, mu thumela Nungungulu nya guvbanye, nya lisine.

2 Pedro 2:1

Matshigu ya gale, va manegide vaprofeti nya malipha vbakari nya vathu, khu kharato gambe, va na manega vahevbudzi nya malipha vbakari gwanu. Va na hevbudza sihevbudzo nya gupfhungumule, nya malipha, va na danga Muhevbudzi a nga va vbanyisago. Isoso si na va gira va mbembiswa nyamba hwela.

1 Samuweli 28:11

Khu guralo, nyamayi a di mu embela, khuye: “Nyi gu ranela mani khu mahungu yoyo?” Uye a di mu hakha, khuye: “Nyi ranele Samuweli?”

1 Samuweli 28:16

Samuweli a di mu embela, khuye: Khu ginani u nyi wudzisago, narigu Pfhumu Nungungulu a gu digide a vbindrugedza a khala nala wago?

1 Samuweli 28:7

Khavbo avbo, Sawule a di embela sithumi saye, khuye: “Nyi vbweteleni nyamayi a gu na ni sikwembu, gasi nyi ya mu wudzisa.” Sithumi saye si di mu embela, khiso: Womo nyamayi moyo tigoni ga Eni-Dhori a gu ni liphuvbo nya gusasule.

1 Samuweli 28:8

Sawule a di tshula guambala gwaye nya wufumu, a dzi siha a ambala gumbe, a dzega vama vavili, a hongola navo ga nyamayi wule ni vbawutshigutunu; aya mu embela, khuye: “Nya gu gu lomba gukheni sikwembu sago si nyi sasuve gasi guti mwendro nyi ngu yela gu hongola ga wule nyi na gu embelago lina laye.”