Isaya 8:18 - Bhibhiliya Nya Guage

¹⁸ Nyi womo avba, gumogo ni sanana nyi ningidwego khu Pfhumu Nungungulu, gasi hi khala siyeyedzo ni siliwugiso tigoni ga Israyeli khu ga Pfhumu Nungungulu nya Tshivba Yatshavbo, a vbanyago gigomoni ga Siyoni.

Isaya 8:18 Iomraidhean Croise

Genesi 33:5

Khu hwane Esawu a di khusa maho a gu wona vanyamayi ni sanana, a wudzisa, khuye: “Va mani vago ava?” Jakobe a di phindrula, khuye: “Sanana esi Nungungulu a nyi ningidego eni githumi gyago.”

1 Dzikoronika 23:25

Kholu Dhavhidhe a di gu ganela, khuye: “Pfhumu Nungungulu wa na Israyeli a hefemudzide vathu vaye, a na khala Jerusalema, kala gupindruga.

Dzindzimo 22:30

Melego wawe wu na mu thumela; va na tivisa Pfhumu ga mimela ni mimelana yi nga gutago.

Dzindzimo 71:7

Nyi gihegiso ga vathu nya vangi, aholu uwe khuwe wuthavelo wangu.

Dzindzimo 9:11

Embelelani ga Pfhumu Nungungulu, a vbanyago Siyoni, tivisani sigiro saye vbakari nya mayigo.

Dzindzimo 9:12

Nungungulu a ngu alakanya avo va sanisekago, gima kha divaledwi khu gulila gwawe, a ngu tsayisa vasongi.

Isaya 12:6

Wombani mikulungwane mu tsaka, enu vavbanyi va Siyoni, kholu vbakari gwanu, khongolo khu Nyaguage wa Israyeli.”

Isaya 14:32

Va na ningwa phindrulo muni avo va rumedwago khu va nya mayigo vovo? Pfhumu Nungungulu khuye a vbahidego lidhoropa la Siyoni, gasi va mana wuthavelo vale va tshanisekago vbakari ga vathu vaye.

Isaya 20:3

Khavbo avbo, Pfhumu Nungungulu a di ganela, khuye: Kha nga edzi gi giridego githumi gyangu Isaya, a gimbidego myaga miraru wumbwiri ni gumba ambala silato, giyeyedzo ni gitiviso ga Egipito ni ga Etiyopiya, khiso si na gu va dugelelago,

Isaya 24:23

Khu guralo, ngima wu na khala dzitshoni, ni lidambo li na hembuludwa, kholu Pfhumu Nungungulu nya Tshivba Yatshavbo, a na fuma gigomoni gya Siyoni ni dhoropani ga Jerusalema; a na yeyedza wudhumo waye mbeli ga madhota yaye.

Isaya 53:10

Khu guralo, Pfhumu Nungungulu a di tsakiswa khu gu mu lemedza khu sigaradzo; a ningela womi waye gasi gu girwa mhamba nya guhandze sighoho, a na wona livelego laye, ni guvbanya matshigu nya gulaphe; khu mandzani gwaye gu na tadzisega gugola ga Pfhumu Nungungulu.

Isaya 7:16

Aholu, gyanana gegi, na gi si gu kodzi gu nyenya guvivba ni gu hatha wuwadi, mayigo ya vafumeli va vavili va gu thusedzelago ma na bani ma vbindrugedzide ma khala giwula.

Isaya 7:3

Pfhumu Nungungulu a di embela Isaya, khuye: “Olu duga gumogo ni mwanago Seyari-Yasube u khinga Akazi, u naya mu mana mahegiso nya sele nya litsiva li guromo Ndzilani nya lithembwe la Muhandzi,

Isaya 8:3

Khu gikhati gyogyo, nyi di hengela malawu ni muprofeti nya nyamayi, uye a di khura mimba a velega gyanana nya gikhwathana. Pfhumu Nungungulu a di nyi embela, khuye: “Gi riye lina, khuwe: Vbiredza-Guphanga-Vbiredzela-Gusasela.

Jeremiya 44:29

Pfhumu Nungungulu a ngu ganela, khuye: Eyi yi na bani yiri ndzila nya gu yeyedze ga enu nyi na gu mi tsayisago ga wulanga wowu, gasi mu dziti nya gukhenu magana yangu ma ngu tadzisega, khu gu wonani libango li na gu thegelago vbatshani gwanu.

Ezekiyeli 12:6

Wu vbagare vathu vatshavbo na va gu gu wona, u wu rwala na li gu pfola lidambo. Fenengedza khovbe yago gasi u si woni gilo gya tigoni, kholu, eni nyi giride khu uwe giyeyedzo ga vathu va Israyeli.”

Ezekiyeli 14:8

Nyi na dwana ni muthu yoyo, nyi mu gira giwonelo ni gilo nya gihegiso. Nyi na mu mbembisa vbakari nya vathu vangu, mu na dzitini nya gukhenu Eni kheni Pfhumu Nungungulu.

Ezekiyeli 4:3

Dzega litindzalo nya dzisimbi, u li vega kha nga libhiyo nya dzisimbi, vbakari gwago ni lidhoropa, u li khedza; kharato li na bani li randredwe, gambe u na li randrela; isoso si na khala giyeyedzo ga va na Israyeli.

Zakariya 3:8

Olu, upwa gwadi, uwe Josuwa, muphasi nya khongolo nya mhamba, uwe gumogo ni vangana vago va khalago mbeli gwago, kholu enu mu giwoniso nya guvbanyiswe gu natago; Eni nyi na resa githumi gyangu nya gupwani Lithungedwa.

Zakariya 8:3

Pfhumu Nungungulu a ngu ganela kharati, khuye: “Nyi na bwelela Siyoni, nyi ya vbanya vbakari nya lidhoropa la Jerusalema; Jerusalema gu na ranwa lidhoropa nya lisine, ni gigomo gya Pfhumu Nungungulu nya Tshivba Yatshavbo gi na ranwa gupwani Gigomo nya Guage.”

Luka 2:18

Vatshavbo va nga bani va gupwa, va di liwuga khiso si nga bani si gu ganedwa khu vahavisi.

Luka 2:34

Simiyoni a di va kategisa, a gu embela Mariya, mayi wa Jesu, khuye: “Gyanana gegi gi emisedwe gu khunguvanyisa ni gu wusa vathu nya vangi va na Israyeli; gi na vanga guganedzisana;

Dhewuteronome 28:46

Silo sesi si na dugelela ga uwe gumogo ni situgulwana sago kha nga giyeyedzo ni gisamadziso kala gupindruga.

Vahebheru 10:33

Vambe va di vadwa, va saniswa vbakari nya vathu; vambe va di ema gumogo va hengela navo gusanisekani gwawe.

Vahebheru 12:22

Aholu enu, mu vbohide gigomoni ga Siyoni, ni dhoropani ga Nungungulu a vbanyago, Jerusalema ga ndzadzini ni mazanazana nya dzingilozi dzaye.