Isaya 8:17 - Bhibhiliya Nya Guage

¹⁷ Nyi na tumba Pfhumu Nungungulu, wule a sihelago khovbe yaye sanana sa Jakobe, nyi na vega gitumbo gyangu avbo gwaye.

Isaya 8:17 Iomraidhean Croise

Genesi 49:18

Nya gu khedzisela guvbanyisa gwago, Uwe Pfhumu Nungungulu!

Joba 13:24

Khu ginani u nyi sihelago khovbe yago, u nyi gira nga nala wago?

Joba 14:14

Naripwani muthu a gufa, a ngu dzi kodza guwuga a vbanya gambe, nyi di hadza gu tiyisela sigaradzoni gwangu gwatshavbo kala nyi wona gutshudziswa gwangu.

Joba 35:14

Nya nga olu u nga ganelago khuwe khu mu woni, mahungu yago momo mbeli gwaye; khu guralo, mu lirele.

Dzindzimo 130:5

Hefemulo wangu wa gu tumba uwe Pfhumu Nungungulu; eni nya gu lirela magana yago.

Dzindzimo 27:14

Tumba Pfhumu Nungungulu u tiya, tiyisa monyo wago, u tumba Pfhumu Nungungulu.

Dzindzimo 33:20

Mihefemulo yathu ya gu khevisela Pfhumu Nungungulu, khuye muphasedzeli ni muvhikeli wathu.

Dzindzimo 37:34

Tumba Pfhumu Nungungulu, u landrisa ndzila yaye; uye a na gu khusedza a gu ninga gu fumela litigo, u na wona gumbemba gwa va nya guvivba.

Dzindzimo 39:7

Gasi eni, Pfhumu, nya gu tumba ginani? Uwe khuwe gitumbo gyangu.

Dzindzimo 40:1

Nyi tumbide Pfhumu Nungungulu khu monyo wangu watshavbo; Uye a di noga a nyi yingisa gikhati nyi nga lomba giphaso.

Isaya 1:15

Avbo mu khusedzago mandza yanu mu lombelela, eni nya gu siha khovbe yangu; ambari mwa gu engedzela milombelo yanu, eni kha nyi na mi yingisa, kholu mandza yanu ma tade khu novba.

Isaya 25:9

Khu litshigu lolo, va na ganela, khavo: “Wonani, oyu khu Nungungulu wathu, hi mu tumbidego a na hi vbanyisa, khuye Pfhumu Nungungulu, oyu hi mu viredego, hi na tsake hi nengele khu guvbanyisa gwaye!”

Isaya 26:8

Hi ngu lirela gulamula gwago Pfhumu Nungungulu. Gusuva gwathu nya gukhongolo, khu gu alakanya lina lago.

Isaya 30:18

Ambari khu guralo, Pfhumu Nungungulu a ngu lirela litshigu nya gu mi pwele wuhindzi; Uye a na simama a mi pwela wusiwana, kholu Pfhumu Nungungulu nya gululame; va kategide vatshavbo vale va mu tumbago.

Isaya 33:2

Pfhumu Nungungulu, hi pwele wusiwana, kholu ethu ha gu tumba uwe! Khala uwe tshivba yathu khu litshigu ni litshigu li gyago, ni muvbanyisi wathu gikhatini nya mhango.

Isaya 45:15

Khu lisine, uwe u Nungungulu nya sihalo, uwe u Nungungulu ni Muvbanyisi wa Israyeli.

Isaya 50:10

Khu mani vbakari gwanu a ningago githawo Pfhumu Nungungulu, a yingisago lito la githumi gyaye? A gu gimbila mugidemani nyambana wenengedzo, a na tumbe lina la Pfhumu Nungungulu, a na vege gitumbo gyaye ga Nungungulu waye.

Isaya 54:8

Khu gupwa likhulo, nyi gu sihede khovbe yangu khu gikhatinyana; aholu, khu wuhindzi nya gupindruge nyi na gu pwela gisiro; a ngu ganela Pfhumu Nungungulu Mudzegisi wago.

Isaya 57:17

Khu kotani nya makolo yaye nya guvivbe ya Israyele, gu nyi giride nyi khuveka nyi tsayisa vathu; ni gu mi sihela khovbe yangu, aholu khu guyeyisa gwaye, a di landra ndzila yi godwago khu monyo waye.

Isaya 59:2

Aholu, guvivba gwanu khugo gu mi hambanisago ni Nungungulu wanu; sighoho sanu si sihide khovbe yaye gasi a si mi yingisi.

Isaya 64:4

Kholu gukhugela gikhati gya gale, gu si gu pwali silo nya nga esi, ambari khu dzindzeve, mwalo a si pwidego, mwendro khu maho gu wona Mumbe Nungungulu, vbavbandze ga uwe, u girelago nya singi vale va gu tumbago.

Isaya 64:6

Aholu ethu hatshavbo hi womo kha nga wule a nyenyezidego, ni gululama gwathu gwatshavbo, kha nga mwendra nya gunyenyeze; hatshavbo hi ngu wu na kha nga mahagane, ni guvivba gwathu, gwa gu fanana ni phuvbo yi hi vbuvbisago.

Isaya 64:7

Olu mwalo ni muthu moyo a lombelelago khu lina lago, gambe mwalo ni moyo a hidzimelago vbafuvbi gwago; kholu u ngu hi sihela khovbe yago, u ngu hi mbembisa khu kotani nya guvivbe gwathu.

Jeremiya 33:5

Va bela khumo gasi gu dwana ni Vakalidhiya, gasi nyi li tadza khu sirumbi nya vathu nyi va songidego khu likhulo langu, avo nyi va sihedego khovbe yangu khu kotani nya sighoho va giridego dhoropani momu.

Hoseya 12:6

Khu guralo, vbindrugedza u wuya ga Nungungulu wago, gira wuwadi ni gululama u tumba Nungungulu wago gikhati gyatshavbo

Mikeya 3:4

Khu guralo, mu na rana Pfhumu Nungungulu, aholu uye kha na mi hakha, gambe khu gikhati gyogyo uye a na mi sihela khovbe yaye, khu kotani nya mithumo nya guvivbe va nyi giredego.

Mikeya 7:7

Gasi eni, nyi na tumba Pfhumu Nungungulu; nyi na namarela ga Nungungulu a gu muvbulugisi wangu; kholu Nungungulu wangu a na nyipwa.

Habhakuka 2:3

Kholu giwoniso gi na vbedza gikhati nya gukari, gya gu ganela khu matshigu nya guhegise, gima kha gi na lipha; ambari gya gu hwela, gi lindrele, kholu gi nata, kha gi na hwela.

Luka 2:38

Uye nuye a di vboha khu gikhati gile, a di dhumisa Nungungulu gumogo ni gu ganela khu gyanana gile ga vatshavbo va nga bani va gu lindrela guvbanyiswa ga Jerusalema.

Luka 24:27

Khavbo avbo, a di va tshamusela milowo yatshavbo yi nga bani yi ganela khu uye, guphela khu Mosi kala gu vbedza vaprofeti vatshavbo.

Dhewuteronome 32:20

A ganela, khuye: Nyi na va sihela khovbe yangu, nyi na wona khu mevbini mahegiso yawe, kholu avo melana nya guyeyise, a gu sanana nyamba tumbega.

1 Vatesalonika 1:10

Olu, na mu gu lindrela guwuya ga Mwanaye, Jesu, khu Ndzadzini, oyu a mu wusidego khu ga vafudego, a na hi vbulugisa ga libango li na gutago.

2 Vatesalonika 3:5

Pfhumu yi na khusedze myonyo yanu lihaladzoni ga Nungungulu, gasi mu virela Kristo khu gutumba.

Vahebheru 2:13

A ngu ganela gambe, khuye: “Ga Nungungulu nyi na vega gutumba gwangu gwatshavbo.” A engedza gambe, khuye: “Kheni oyu gumogo ni sanana Nungungulu a nyi ningidego.”

Vahebheru 9:28

Khu magirelo ya mamowo, Kristo nuye, ningedwe gumogo basi a gu khala mhamba nya guhandze sighoho nya vathu nya vangi. A na wuya nya wuvili, nasiri guta handza gambe sighoho, aholu, guta vbanyisa ava va virelago uye.