Isaya 8:11 - Bhibhiliya Nya Guage

¹¹ Kholu Pfhumu Nungungulu a nyi embede kharati, gikhati a nga nyi handzega mandza yaye nya tshivba, a gu nyi hambanisa ni ndzila ya vathu vava, khuye:

Isaya 8:11 Iomraidhean Croise

1 Dzipfhumu 18:46

Pfhumu Nungungulu a diri gumogo ni Eliya, uye a dzi hunga giwunu a tutuma mbeli, a thangela Akabi gu vboha nyangwani ga Jezireyeli.

Dzindzimo 32:8

Nyi na gu hevbudza nyi gu nonedza ndzila u na yi landrago; nyi na gu khedzisela, nyi khala singalagadzi wago.

Mavingu 1:15

Mwanangu, u nga tshuki u longoloka ni vathu nya nga avovo, ndreya ga ndzila va gimbilago khiyo.

Isaya 30:1

Pfhumu Nungungulu a ngu ganela kharati, khuye: Libango ga sanana nya guyeyise, si girago makungo ma gu sindri yangu ni gu gira gidzumeledzwano ni vambe vathu nyamba rumwa kheni, va fela gu engedzela gighoho vbatshani nya gighoho!

Jeremiya 15:19

Khu guralo, Pfhumu Nungungulu a ngu ganela kharati, khuye: “Wa gu dzi laya, u wuya eno gwangu, nyi na gu hakha u ta khala mbeli gwangu; wa gu ganela silo nya lisima u hambana niso nya guvivbe, uwe u na khala kha nga likana langu, vathu va na wuya iyo gwago, khandri uwe u na gu bwelelago iyo gwawe.

Jeremiya 20:7

Uwe Pfhumu Nungungulu u nyi kotode; uwe khuwe u gu ni tshivba guvbindra eni; tshivba yago yi ngu nyi pala, matshigu yatshavbo nya gu khala gihegiso, vathu vatshavbo va gu nyi hega.

Jeremiya 20:9

Khavbo avbo, nyi di, kheni: “Kha nyi na mu alakanya gambe, ambari gu ganela gambe khu lina laye;” aholu isoso si di manega monyoni gwangu kha nga nilo wu dzurago na wu sihade maramboni gwangu; nyi ngu zama gu wu segela, aholu kha nyi yi mani ndzila.

Ezekiyeli 3:14

Khavbo avbo, Liphuvbo li di nyi dusa khu vbale, hefemulo wangu na wu tade khu guvbisega ni likhulo, aholu gyandza nya tshivba gya Pfhumu Nungungulu gi diri ni eni.

Mithumo 4:20

Gasi ethu, kha hi dzi kodzi gumba pwadza vathuni iso hi nga si wonago ni gu sipwa.”