Isaya 8:10 - Bhibhiliya Nya Guage

¹⁰ Ambari mwa gu hungani gikungo, gi na pfhungumudwa, ambari mwa gu lugani mano, kha mu na dugelela, kholu Nungungulu a na ni ethu.

Isaya 8:10 Iomraidhean Croise

Genesi 21:22

Matshigu yale, Abhimeleki a dita ni Fikoli, muthangeli nya dzinyimbi, ata embela Abrahama, khuye: “Nungungulu a ngu gu kategisa ga satshavbo u girago.

2 Samuweli 15:31

Khavbo avbo, va diya tivisa Dhavhidhe, khavo: “Ayitofeli nuye womo mugikungoni gya Abhisalamo.” Dhavhidhe a di ganela, khuye: “Pfhumu Nungungulu, hafumula wusingalagadzi wa Ayitofeli, wu khala wupumbu!”

2 Samuweli 17:23

Avbo Ayitofeli a nga wonago gukhuye makungo yaye kha ma landriswa, a di ghabhatisa buru yaye, a khuga a hongola dhoropani gwawe. A di mana sileletelo satshavbo sa ndrangani gwaye; khu hwane aya dzi hunga afa, a dzingwa thowoni ga babe waye.

2 Samuweli 17:4

Mawonelo yaya, ma di salalegisa Abhisalamo ni madhota yatshavbo ya na Israyeli.

2 Dzipfhumu 6:12

Moyo nya sithumi saye a di mu embela, khuye: “Ahihi, mufumeli ni mune wangu; muprofeti Elizewu a guromo tigoni ga Israyeli, khuye a tivisago ga mufumeli wa Israyeli, magana yatshavbo u ganelago ambari ni ayo u ganedego nuri khu makhuvini gwago.”

2 Dzikoronika 13:12

Wonani nya gukhenu Nungungulu a na ni ethu, thangide mbeli gumogo ni vaphasi vaye. Mipundru va wombago khya gu mi tivisani enu va na Israyeli; gasi mu si somi nyimbi mu dwana ni Pfhumu Nungungulu wa vababe vanu, kholu kha mu na dugelela.

Joba 5:12

Uye a ngu Pfhungumula makungo ya va nya mano, gasi mandza yawe ma si dugeleli ga makungo yawe.

Dzindzimo 21:12

kholu uwe u na va tutumisa u khwandra wulaho u va hekha girumbu, u gu va bayisa khu sighalala.

Dzindzimo 46:1

Nungungulu wuthavelo ni likhokhola lathu, muphasedzeli vbakari nya dzimhango.

Dzindzimo 46:11

Pfhumu Nungungulu nya Tshivba Yatshavbo womo vbakari gwathu; Nungungulu wa Jakobe khuye wuthavelo wathu.

Dzindzimo 46:7

Pfhumu Nungungulu nya Tshivba Yatshavbo womo vbakari gwathu; Nungungulu wa Jakobe khuye wuthavelo wathu.

Dzindzimo 46:8

Deluni, mu ta wona sigiro sa Pfhumu Nungungulu, khuye a girago siliwugiso mafuni.

Mavingu 21:30

Mwalo muthu a gengedego ni mapimo ambari wusingalagadzi, a vbindrago Pfhumu Nungungulu.

Isaya 14:27

Pfhumu Nungungulu nya Tshivba Yatshavbo a si hungide; khu mani a na gu si ganedzago, na? Gyandza gyaye a gi thawuludzide; khu mani a na gi bweledzago hwane?

Isaya 28:18

Gidzumeledzwano gyanu mu hungidego ni lufu gi na futwa, ni wupari mu hungidego ni litigo nya vafi, kha wu na tiya; ni avbo wu natago talo nya mati ni tsayiso wanu, mu na ta kukulutwa khuwo.

Isaya 41:10

u nga khali hwanga, kholu eni nyi nago; u nga vbeli tshivba, kholu eni kheni Nungungulu wago; nyi na gu tiyisa ni gu gu phasa, nyi gu seketela, nyi gu phara khu libogo langu la nyamudye nya gutumbege.

Isaya 43:5

Khu guralo u nga thavi, kholu eni nyi nago, nyi na wuyisa situgulwana sago gukhugela Khugadambo, nyi si tombanisa gukhugela Pfoladambo.

Isaya 7:14

Khu guralo, Pfhumu kamwe a na gu ninga giwonegiso gimwegyo a gu egi: “Nyamahegyane nya likendzi a na khura mimba a velega gyanana nya gikhwathana, a na gi riyago lina nya gupwani Emanuweli.”

Isaya 8:8

mati ma na bela tigoni ga Judha, kha nga ndrambi, ma langaladza vathu kala dzithamoni. Guanama nya mambapi yaye gu na fenengedza guanama nya litigo lago, uwe Emanuweli.

Isaya 9:6

Kholu hi velegedwe gyanana, hi ningidwe gyanana nya gikhwathana; wufumu womo magatani gwaye; ni lina laye li na ranwa pwani: “Singalagadzi nya Guliwugise, Nungungulu nya Tshivba, Babe nya Gupindruge, Pfhumu nya Gurule.”

Jeremiya 42:11

Mu nga khali hwanga khu gu thava mufumeli wa Bhabhiloni, mu thusedzedwago khuye; Pfhumu Nungungulu a ngu ganela khuye, mu nga mu thavi, kholu eni nyi nanu, gasi gu mi vbanyisa ni gu mi tshudzisa mandzani gwaye.

Jeremiya 46:28

Pfhumu Nungungulu a ngu ganela, khuye: U nga thavi, uwe githumi gyangu Jakobe, kholu eni nyi nago, nyi na mbembisa mayigo yatshavbo umo nyi nga gu phalalegiselago umo, gasi uwe, kha nyi na gu mbembisa, nyi na gu tsayisa khu lipimo kha nyi na gu diga nyamba gu tsayisa khu tshivba.

Gililo 3:37

Khu mani a gukhuye gi na girege gilo nya gukari, gi girega vbavbandze nya gurume ga Pfhumu, gani?

Joyele 3:9

Huwelelani esi ga mayigo, khenu: Dzi lulamiseleni guya nyimbitunu, khendzugisani dzindrena, masotshwa yatshavbo nya nyimbi ma tshangane ma ya litungatunu.

Agewu 1:13

Khavbo avbo, Agewu, girumwa gya Pfhumu Nungungulu, a di ganela ga vathu gukhedza khidzo a nga rumedwago khidzo khu Pfhumu Nungungulu, khuye: “Eni nyi womo vbakari gwanu, a ngu ganela Pfhumu Nungungulu.”

Mitengo 14:9

Mu nga wugelini Pfhumu Nungungulu, gambe mu nga thavi vathu va tigoni mule, kholu, avo va na khala guhodza gwanu. Va mwalo wuthavelo kholu Pfhumu Nungungulu a na ni ethu. Mu nga va thavi!”

Matewu 1:23

“Dzitini nya gukhenu gyagadzyana nya mbiri gi na khura mimba, gi velega gyanana nya gikhwathana gi na ranwago gupwani khigyo Emanuweli” (gu tshamusago, gupwani: “Nungungulu womo vbakari gwathu.”)

Matewu 28:20

Va hevbudzeni gu landrisa satshavbo iso nyi nga mi hevbudzani. Gasi eni nyi na bani nyiri nanu gikhati gyatshavbo, kala guhegisani nya litigo.”

Varoma 8:13

Kholu mwa gu landrisela mavbanyelo nya gudogolele gogo, mwa gu bela khu ndzila yi mi yisago gufani. Aholu mwa gu songani mithumo nya wughohi khu tshivba nya Liphuvbo nya Guage, mu na vbanya.

Varoma 8:31

Hi na khethu ginani khu silo sesi? Nungungulu a gu ema ni ethu, khu mani a na hi wugelago?

Dhewuteronome 20:1

Wa gu hongola litungatunu nya guye dwana nyimbi ni valala vago u wona dzikavalu, dzikareta ni vathu nya tengo nya wungi guvbindra uwe, u nga va thavi; kholu Pfhumu Nungungulu wago a nga gu dusago khu tigoni ga Egipito, a na ni uwe.

Josuwa 1:5

Matshigu yatshavbo nya guvbanye gwago mwalo a na tiyago gu ema mbeli gwago; kha nga idzo nyi giridego ga Mosi, nyi na gira gambe kharato avbo gwago; gima kha nyi na gu diga, ambari gu gu tshiya hwane.

1 Johane 4:4

Vanavangu, enu mwa gu lumba Nungungulu. Mu va pade vaprofeti nya malipha. Kholu, Liphuvbo mu gu nalo enu, li na ni tshivba guvbindra liphuvbo la vale va lumbago litigo leli.