Isaya 7:8 - Bhibhiliya Nya Guage

⁸ Kholu tsindza wa Siriya khu Dhamasiko, Ni mufumeli wa Dhamasiko, khu Rezimi; ndrani nya livbandre na limwedo magumi ni livbandre myaga, Efrayimi, a na mbembiswa muphelo, a si khali gambe litigo!

Isaya 7:8 Iomraidhean Croise

Genesi 14:15

Abrama a di kabanisa vathu vaye khu mitsawa a randrela valala a va pala ni vbakari nya wutshigu, a gu va tutumisa kala Hobha, nyambade ga Dhamasiko.

2 Samuweli 8:6

Dhavhidhe a di vega sikwata nya masotshwa nya gughadhe litigo la Dhamasiko; gasi Vaasiriya, va di khala sithumi ga Dhavhidhe, va mu livba khupo. Khu guralo, Pfhumu Nungungulu, a di ninga Dhavhidhe tshivba nya gupale gwatshavbo umo a nga bani na gu vbindra khumo.

Ezira 4:2

va dita ga Zorobhabheli ni ga vathangeli nya dzinyumba dza vababe vawe va va embela, khavo: “Hi digeni hi vbahe nethu gumogo nanu kholu ethu nethu ha gu vbweta Nungungulu wanu; kha nga idzo mu girago enu, ethu nethu hi ngu ningela miphaselo gukhugela litshigu lile Esari-Hadhomi, mufumeli wa Asiriya a hi rumedego eno.”

Isaya 8:4

Kholu, gyanana na gi si gu kodzi gu gu rana khigyo baba wangu, mwendro mayi wangu, thomba ya tigoni ga Dhamasiko ni gyuma gya Samariya, si na wandrwa si ya ningedwa ga mufumeli wa Asiriya.”

Isaya 9:11

Khu guralo, Pfhumu Nungungulu a na va wusela valala va Rezimi guta va dhumela, a wusa ni valala vaye khu gumogo basi.

Isaya 9:9

Vathu vava vatshavbo va na mati, Efrayimi gumogo ni vavbanyi va Samariya, avo va ganelago khu matshandza ni gu dzi khusedza, khavo:

Jeremiya 49:23

Mayelano khu Dhamasiko. Hamati ni Aripadhi va thedwe dzitshoni, kholu va pwide magana nya guvivbe, myonyo yawe yi tade khu rerema, ya gu vila kha nga mavimbi ya linene, nyamba rudziswa khu muthu.

Ezekiyeli 27:18

Dhamasiko, a di gu gira wugwewo nago, khu kotani nya wutetema wago, ni talo nya dzithomba dzago, va di guta va ta renga khu vbinyu ya Helibhoni ni seda ya Sahari.

Hoseya 13:1

Avbo Efrayimi a nga bani na gu ganela, vathu va di ndrendremela, a di khusedzidwe tigoni ga Israyeli. Aholu a dzi rwegide nandru khu gu khozela Bhahali, uye fude.