Isaya 7:3 - Bhibhiliya Nya Guage

³ Pfhumu Nungungulu a di embela Isaya, khuye: “Olu duga gumogo ni mwanago Seyari-Yasube u khinga Akazi, u naya mu mana mahegiso nya sele nya litsiva li guromo Ndzilani nya lithembwe la Muhandzi,

Isaya 7:3 Iomraidhean Croise

2 Dzipfhumu 16:1

Khu mwaga nya likhumi na livbandre na mivili nya gufume ga Peka, mwamana wa Remaliya, a di phela gufuma Akazi, mwamana wa Jotamo, mufumeli wa Judha.

2 Dzipfhumu 18:17

Mufumeli wa Asiriya a di rumela khu Lakisi, guya Jerusalema ga Ezekhiya, Taritani, Rabhi-Sarisi, Rabisake, na vari ni gikwata nya gikhongolo nya nyimbi, va gwela va vboha Jerusalema, na va vbohide va di ya ema vbafuvbi ni litsiva li kembidwego la vbatshani li guromo ndzilani nya lithembwe la muhandzi.

2 Dzipfhumu 20:20

Yimbe mithumo ya Ezekhiya, tshivba yaye yatshavbo, idzo a vbahidego khidzo lidhamo ni sele nya gu ndrindre mati ma enedza dhoropani gwatshavbo gwa Jerusalema; satshavbo si lovidwe umo nya Libhuku nya Matimo ya Vafumeli va Judha.

Nehemiya 3:16

Nehemiya, mwamana wa Azibhuki, muthangeli nya gipandre nya litigo la Bheti-Zuri, a di vbahedza gukhugela vbafuvbi ni lithowo la Dhavhidhe, kala vbalidhamotunu li kembidwego gu relela nyumbani nya dzindrena.

Ekisodha 7:15

Indra ga Faro mindru vbadzimindrutunu, gikhati uye a dugago a hongola matini. U na mu lindrela bambe nya tsongo, nu pharide mandzani ndronga yile yi nga vbindrugedza yi khala nyoga.

Isaya 10:21

Vale va tshadego nya lihundzu la Jakobe va na vbindrugedza vata ga Nungungulu nya tshivba.

Isaya 22:10

mu sayela dzindranga dza Jerusalema ni gu pfhungumula dzinyumba nya gukari, gasi gu dzega siwindri sakone mu ya tiyisa khiso mabhiyo nya lidhoropa.

Isaya 22:11

Mu giride gambe lidhamo vbakari nya mabhiyo ya mavili, gasi gu thela mati ma nga bani ma romo ga lidhamo la gale, aholu kha mwa khedza vbatshani, mu wona uye a si giridego, ambari gu khathala khu wule a si giridego galegaleyo.

Isaya 36:2

Mufumeli wa Asiriya, a di rumela Rabhisaki, ndruna yaye, nari khu tigoni ga Lakisi, guta Jerusalema, ga mufumeli Ezekhiya, nari ni gikwata nya gikhongolo nya masotshwa; a ta ghova bambe ni sele nya lidhamu nya gulaphe ngudzu, vbafuvbi ni ndzila nya Lithembwe la Muhandzi.

Isaya 55:7

Muthu nya guvivbedwe khu monyo a na dige ndzila yaye nya guwegele, ni oyu nyamba lulama a na dige mipimiso yaye; a na vbindrugedze mavbanyelo a wuya ga Pfhumu Nungungulu, uye a na mu pwela gisiro, wuyani ga Nungungulu wathu, kholu tade khu wuhindzi ni gutsetselela.

Isaya 6:13

Aholu, gwa gu bani gu na tshade gipandre nya likhumi nya vathu va tigoni, gu na simama gu pfhungumudwa; gu fanana ni simbo nya munga ni nvula, ambari wa gu wu koka gu tshala gihuru, uwo wa gu thunga, kharato nugo ga mathungedwa yoyo, gu na dandra nyaluphye vathu va Nungungulu.”

Jeremiya 22:1

Pfhumu Nungungulu a ngu ganela kharati, khuye: Relela nyumbani ga mufumeli wa Judha, u ya mu tivisa magana yaya, khuwe:

Varoma 9:27

Isaya nuye a ngu ganela, na gu thula Israyeli, khuye. “Ambari tengo nya vathu va Israyeli wu tala kha nga fungo wa phwani, gu na vbanyiswa basi vadugwana.