Isaya 7:23 - Bhibhiliya Nya Guage

²³ Khu litshigu lile gambe, lithembwe ni lithembwe nya miuvha li gu na ni likhumi mazana (1.000) misimbo, li ninganago likhumi mazana (1.000) singerengere nya parata, li na vbindrugedza li buga miba ni sirangalabwa.

Isaya 7:23 Iomraidhean Croise

Genesi 3:18

Mafu ma na velega basi miba ni sirangalabwa, uwe u na vbanya khu mwasi wu bugago thembweni.

Isaya 32:10

Kholu ndrani nya mwaga ni matshigu madugwana, enu vanyamayi mu dzipwago na mu khadzisegide, mu na ndrendremela; kholu nango nya guhavele dziuvha yi na vbela, ni nango nya guvbwere dzimbewu kha yi na manega.

Isaya 5:10

Umo nya likhumi dzindrima nya lithembwe nya miuvha, gu na duga basi vbinyu nya gutadze phongolo moyo; ni likhumi mipimo nya dzimbewu dzi yadwago, dza gu vbwerwa, dzi na dusa basi gitundru gimwegyo!”

Isaya 5:6

Nyi na li vbindrugedza li khala giwula, miuvha gima kha yi na avbuledwa gambe, mwendro gu limedwa, aholu umomo, gu na dandra miba ni sirangalabwa, nyi na ruma mapfhi ma si wisi ndzadzi umo.

Isaya 7:24

Umomo, gu na bedwa basi khu vale va gu ni malaho ni siholoma, kholu tigoni gwatshavbo gu na bani gu khumide khu sirangalabwa ni miba.

Jeremiya 4:26

Nyi di wona litigo nya gunone li vbindrugedza li khala giwula, madhoropa yaye yatshavbo ma di pfhungumudwe mbeli ga Pfhumu Nungungulu, khu kotani nya likhulo laye.

Ezekiyeli 12:20

Madhoropa ma khadwago khu vathu ma na khala marumbi, ni litigo li na khala giwula. Khu guralo, mu na dzitini gukhenu eni kheni Pfhumu Nungungulu.”

Hoseya 2:12

Nyi na mu thela dzitshoni mbeli ga sibhayi saye; mwalo a na gu mu vbulugisa mandzani gwangu.

Hoseya 9:6

Kholu wonani nya gukhenu va ngu tutuma va thava gusasedwa, aholu va na tombaniswa khu Egipito, va dzingwa khu Menifisi. Thomba yawe nya parata va yi golago, yi na pfhurela yi hodzwa khu muhwa; mitshatshani gwawe, gu na buga mwasi ni miba.

Matewu 21:33

“Yingisani gimbe gipimaniso: Babe moyo nya ndranga a di lima lithembwe, a yala miuvha, a gu bhiya, a gira gitshindro nya dziuvha ni gikoli nya gughadhe khavbo. Na vbedzide, a di li tshiyedza valimi a gu endra a hongola hwindzo.

Vahebheru 6:8

Aholu, mafu yale ma ningago likhabi nya miba basi, kha ma phasi gilo, ma gu vadwa khu Nungungulu ma hegisa khu gu vbiswa.