Isaya 7:21 - Bhibhiliya Nya Guage

²¹ Ga litshigu lolo, moyo ni moyo a na fuya mombe mweyo nya ngadzi ni dzinvuta dzimbili,

Isaya 7:21 Iomraidhean Croise

Isaya 14:30

Matiwula nya sisiwana ma na khura, ni sisiwana si na lala ligovbe nya gutenge, gasi enu Vafilisitiya, nyi na mi songa khu ndzala, mitshaledwa yanu, yi na mbembiswa.

Isaya 17:2

Madhoropani ya Aroweri kha gu na khala gambe muthu; ma na khala malanga nya mitshambi, yi zumba umo, nyamba thurugisedwa khu vathu.

Isaya 27:10

Kholu lidhoropa nya gutiye li khade marumbi, kha gu na khala gambe muthu umo, li vbindrugedzide li khala giwula, va na havisela umo dzimombe, dzi lala umo, dzi hodza matamo ma tshadego.

Isaya 35:1

Giwula ni mafu nya gihala si na tsaka khu isoso; marumbi ma na kulungela, ma na buga senge nya gumbure nya nga makhonwa.

Isaya 37:30

Giyeyedzo gyago gi na bani giri egi: Mwagani momu u na hodza mipfhundre, khu mwaga nya wuvili, mu na hodza iso si na bugago sabune, aholu khu mwaga nya wuraru, mu na yala mu vbwera ni gulima marembwe mu hodza mihandro yakone.

Isaya 5:17

Khavbo avbo, dzinvuta dzi na hodza dhoropani kha nga wuhaviseloni gwawe; marembweni ga sitetema, gu na hodza umo vavbindri nya ndzila.

Isaya 7:25

Ni musigomoni gwatshavbo umo gu nga bani gu limwa, u na thava ni gu gu bela khu kotani nya sirangalabwa ni miba; gu na khala basi wuhaviselo nya dzimombe ni gu gandredzedwa khu dzinvuta.

Jeremiya 39:10

Aholu vale nya sisiwana vbakari nya vathu va nga bani vari mwalo thomba, Nebhuzaradhani, muthangeli nya dzighadhi a di va diga va khala tigoni ga Judha. Khu matshigu yale, a di va ninga gu sayisa marembwe nya miuvha ni malime.