Isaya 7:2 - Bhibhiliya Nya Guage

² Khu guralo, ndranga ya Dhavhidhe yi di tiviswa gupwani: “Siriya hungide pwanano ni va na Efrayimi.” Khavbo avbo, monyo wa Akazi, wu di ndrendremela gumogo ni vathu vaye, gu fanana ni misimbo ya khabini ya gu bani yi kutsungwa khu phuvbo.

Isaya 7:2 Iomraidhean Croise

2 Samuweli 7:16

Ndranga ni mufumo wago, si na simama kala gupindruga mbeli gwangu. Ni gikhalo nya wufumu wago gi na simama kala gupindruga.”

1 Dzipfhumu 11:32

Aholu uye a na tshala ni lihundzu limwedo basi, khu kotani nya lihaladzo nyi gu nalo ni githumi gyangu Dhavhidhe, ni lihaladzo nyi gu nalo khu Jerusalema, lidhoropa nyi li hathidego vbakari nya mahundzu yatshavbo ya Israyeli.

1 Dzipfhumu 12:16

Avbo vatshavbo va na Israyeli, va nga wona gukhavo mufumeli kha va yingisi, vathu va di engedza va ninga phindrulo ga mufumeli, khavo: “Gasi giavelo muni hi gi manego ethu ga Dhavhidhe? Thomba muni hi gu nayo ni mwamana wa Jese? Va na Israyeli, bwelelani mitshatshani gwanu! Uwe Dhavhidhe, wonelela wabune ndranga yago!”

1 Dzipfhumu 13:2

A dita laledza vbagiluvelotunu khu magana ya Pfhumu Nungungulu, khuye: “Giluvelo, giluvelo! Pfhumu Nungungulu, a ngu ganela kharati, khuye: Khumo nya lihundzu la Dhavhidhe, gu na velegwa gyanana gi na ranwago pwani Josiya, uye a na songa vbatshani gwago, vaphasi nya mhamba va malangani nya sigomo va gu vbiselago libani, va na gu vbisela khu marambo nya vathu.”

2 Dzikoronika 25:10

Khavbo avbo, Amaziya a di phaka masotshwa ma ngatago khu Efrayimi gasi ma hongola malangani yawe; aholu ayo ma di khondra khu likhulo, ma bwelela magaya gwawe, na ma gorogide ngudzu khu kotani ya na Judha.

2 Dzikoronika 28:12

Khavbo avbo, gu di duga vathangeli nya gukari va na Efrayimi, va wugela avo va nga bani va wuya khu nyimbitunu a gu ava: Azariya, mwamana wa Jowane, Bherekiya, mwamana wa Mesilemoti, Jeyizikiya, mwamana wa Salume, Amasa, mwamana wa Hadilayi,

Dzindzimo 11:1

Eni nya gu thavela ga Pfhumu Nungungulu. Khu ginani mu nyi embelago, khenu: “Thavela sigomoni nga ginyoni?”

Mavingu 28:1

Sighohi sa gu thava ambari sa gumba tutumiswa khu muthu, aholu, avo va lulamidego va gu tiya nga nghala.

Isaya 11:13

Khu guralo, a na vbedza lidiwo la Efrayimi, valala va Judha, va na mbembiswa; Efrayimi kha na girela gambe lidiwo Judha, ambari Judha nuye, kha na tshanisa Efrayimi.

Isaya 22:22

Nyi na vega magatani gwaye, pfhungulo ya nyumbani nya wufumu wa Dhavhidhe; uye a gu tula, mwalo a na kodzago gu sega, a gu sega, mwalo a na kodzago gu tula.

Isaya 37:27

Khu guralo, vavbanyi vaye va ngu pilega hwambo, va vbela tshivba ni gu khala dzitshoni, va fanana ni mwasi wa khabini, ni mwasi nya gunyuge, mwasi wu bugago vbatshani nya dzilangwe, ni sivbila si vbyago si si gu dandri.

Isaya 37:35

Kholu Eni nyi na vhikela lidhoropa leli, gasi gu li vbulugisa, khu kotani nya lina langu, ni lihaladzo nyi gu nalo khu githumi gyangu Dhavhidhe.

Isaya 6:13

Aholu, gwa gu bani gu na tshade gipandre nya likhumi nya vathu va tigoni, gu na simama gu pfhungumudwa; gu fanana ni simbo nya munga ni nvula, ambari wa gu wu koka gu tshala gihuru, uwo wa gu thunga, kharato nugo ga mathungedwa yoyo, gu na dandra nyaluphye vathu va Nungungulu.”

Isaya 7:13

Khavbo avbo, muprofeti Isaya, a di ganela, khuye: Olu yingisani gwadi, enu lihundzu la Dhavhidhe; Ina kha mu garali khu gu hodzisa mbukuta vathu, gani? Mwa guvbweta gambe gu hodzisa mbukuta Nungungulu wangu, gani?

Isaya 7:17

Aholu Pfhumu Nungungulu a na resa gwago, vbakari ga vathu vago, gumogo ni dzindranga dza babe wago, khiyo ga mufumeli wa Asiriya, matshigu nya gu gima ma si gu manegi, gukhugela litshigu Efrayimi a nga dzi pambulago ga Judha.

Isaya 7:5

Kholu Siriya gumogo ni Efrayimi ni mwamana wa Remaliya, va hungide gikungo nya guvivbe nya gu gusasele, khavo:

Isaya 8:12

“Mu nga ganeli gukhenu ghudzeghudze ga satshavbo esi vathu vava va gukhavo, ghudzeghudze, gambe mu nga thusedzedwi khu esi avo va si thavago.”

Isaya 9:9

Vathu vava vatshavbo va na mati, Efrayimi gumogo ni vavbanyi va Samariya, avo va ganelago khu matshandza ni gu dzi khusedza, khavo:

Jeremiya 21:12

Uwe nyumba ya Dhavhidhe! Pfhumu Nungungulu a ngu ganela kharati, khuye: Vbadzimindrutunu lamulani khu gululama, tshudzisani avo va tshaniswago, gasi likhulo langu li si dzuri nga nilo, li vbisa nyamba tshimwa khu muthu, khu kotani nya mithumo yanu nya guvivbe.

Hoseya 12:1

Efrayimi a gu gimbidziswa khu liphuvbo, litshigu latshavbo, a gu landrisela liphuvbo li furugedzago khu Khugadambo, a engedzela malipha ni dzihanyi. A gira pwanano ni Asiriya, aholu a rumela dzisagwati nya mafura tigoni ga Egipito.

Matewu 2:3

Mufumeli Herodhi, na pwide mahungu yaya, a di thuruga, gumogo ni vathu va Jerusalema gwatshavbo.