Isaya 7:16 - Bhibhiliya Nya Guage

¹⁶ Aholu, gyanana gegi, na gi si gu kodzi gu nyenya guvivba ni gu hatha wuwadi, mayigo ya vafumeli va vavili va gu thusedzelago ma na bani ma vbindrugedzide ma khala giwula.

Isaya 7:16 Iomraidhean Croise

2 Dzipfhumu 16:9

Mufumeli wa Asiriya a di mu yingisa, a gwela aya dwana ni Dhamasiko, a li wandra, a mola vathu vakone a va gira dzikhumbi, a va yisa Khiri, a songa Rezimi.

Isaya 8:14

Uye a na bani ari wulanga wanu nya miphaso; kholu a na khala kha nga giwindri nya gutshunganise ni givalo nya dzinyumba dza dzimbili dza Israyeli, ni naphwi nya gutshunganise vavbanyi va Jerusalema.

Isaya 8:4

Kholu, gyanana na gi si gu kodzi gu gu rana khigyo baba wangu, mwendro mayi wangu, thomba ya tigoni ga Dhamasiko ni gyuma gya Samariya, si na wandrwa si ya ningedwa ga mufumeli wa Asiriya.”

Isaya 9:11

Khu guralo, Pfhumu Nungungulu a na va wusela valala va Rezimi guta va dhumela, a wusa ni valala vaye khu gumogo basi.

Jeremiya 7:15

Nyi na mi dusani mbeli gwangu mu ya hwindzo ni eni, kha nga idzo nyi lundridego khidzo vandriyanu, livelego latshavbo la Efrayimi.

Hoseya 5:3

Efrayimi nyi ngu muti; Israyeli nuye kha na nyi sihalela, kholu, olu, uwe Efrayimi u dzi ningedzede wubhayini, litigo la Israyeli li nyenyezide.

Hoseya 5:9

Litshigu nya tsayiso, Efrayimi a na khungumudwa. Vbakari nya mahundzu ya va na Israyeli, nyi yeyedzide iso si na giregago.

Jona 4:11

Ina kha nyi yeli gu pwela gisiro lidhoropa nya likhongolo la Ninivha, eli li gu na ni guvbindra lizana ni magumavili mazana vathu, va si kodzigo gu hambanisa gyandza gya nyamudye nigyo gya nyambade, na liri ni sifuyo nya singi, gani?”

Dhewuteronome 1:39

Sanana sanu, mu nga khenu si na khala pfimba wa valala vanu; sanana sanu si si kodzigo gu hambanisa iso nya sadi niso nyamba sadi, iso si na gu bela. Khiso nyi na si ningago litigo leli, si li fumela.