Isaya 66:3 - Bhibhiliya Nya Guage

³ Muthu a payago mombe, a ngu fanana ni oyu a songago muthu; oyu a payago nvutana a gira khiyo phaselo, a gu fanana ni oyu a tshomborosago thamo nya yimbwa; oyu a ningelago ningelo khu wuguvbi, a gu fanana ni oyu a ningelago khu novba nya khumba; uye a vbisago libani, a gu fanana ni uye a khozelago sifananiso. Kha nga olu avo va dzi hathedego dzindzila dzawe wurumba, mihefemulo yawe yi na tsakela silo nya gunyenyeze.

Isaya 66:3 Iomraidhean Croise

Mavingu 15:8

Phaso wa vathu nya guvivbedwe khu monyo, manyala ga Pfhumu Nungungulu, aholu nombelo wa vathu nya gululame, khuwo wu mu tsakisago.

Mavingu 21:27

Mhamba ya muthu nya guvivbedwe khu monyo yi nyenyezide mahoni ga Pfhumu, ngudzungudzu a gu yi ningela khu maalakanyo nya guvivbe.

Isaya 44:19

Vbakari gwawe mwalo ni moyo a alakanyago uye a gu ni guti mwendro gupimisa, gasi a ganela, khuye: “Gipandre nya mapulango nyi khuthide khigyo nilo nyi phula guhodza, magala yakone nyi vawula khayo nyama, nyi hodza; ina nyi ngu dzi kodza gu dzega gipandre gi tshadego nya mapulango nyi gira gifananiso nya gu dzi nyenyezise, gani? Ina nyi ngu yela gu khidzima nyi khozela gifananiso nya simbo, gani?”

Isaya 53:6

Ethu hatshavbo hi di gu legalega kha nga dzinvuta nya gudzimele; muthu ni muthu a di gu bela khu yaye ndzila, aholu, Pfhumu Nungungulu a di mu rwega guvivba gwa ethu hatshavbo.

Isaya 57:17

Khu kotani nya makolo yaye nya guvivbe ya Israyele, gu nyi giride nyi khuveka nyi tsayisa vathu; ni gu mi sihela khovbe yangu, aholu khu guyeyisa gwaye, a di landra ndzila yi godwago khu monyo waye.

Isaya 65:12

nyi na mi resela nenu libango, mwatshavbo mu na songwa khu matshari nyamba vbuluga ni moyo. Kholu nyi mi ranide gambe kha mwa nyi ninga phindrulo, nyi ganede, gambe kha mwa yingisa magana yangu; aholu mu di gira silo nya guvivbe mbeli gwangu, mu hathani gu gira ugo gu gumba nyi nengedzisa.”

Isaya 65:2

Litshigu latshavbo nyi khusedzide mandza yangu, gasi gu rana vathu vava nya guyeyise, va gimbilago khu ndzila nya guwegele, va landrisela silo si godwago khu myonyo yawe.

Isaya 66:17

A na mbembisa vatshavbo avo va dzi agisago ni gu dzi handza, gasi gu bela mahangeni va landrisela nungungulu nya nyamayi a guromo khu vbakari, va hodzago nyama nya khumba, ni silo nya gunyenyeze ni magondzo.

Jeremiya 6:20

Ma gu nyi phasa ginani mabani mu nyi reselago khu tigoni ga Sabha, ni mafura nya gunungele mu nyi reselago khu mayigoni ya hwindzo? Miphaso yanu nya guvbiswe ni dzimhamba dzanu kha dzi nyi nengedzisi.

Levhi 2:2

A na dzega wuguvbi a ningela ga vaphasi nya mhamba, sanana sa Aroni. Moyo wawe, a na baga gyandza nya wuguvbi wu thedwego mafura ni libani latshavbo; muphasi nya mhamba a na si vbisa vbagiluvelotunu si khala gialakanyiso, kha nga phaso nya gunungele gwadi wu salalegisago Pfhumu Nungungulu.

Agewu 2:14

Khavbo avbo, Agewu a di va ninga phindrulo a va embela, khuye: Si na girega kharato ga vathu vava, ni ga lifumbu leli, mbeli nya khovbe yangu, a ngu ganela Pfhumu Nungungulu; kharati thumo watshavbo wa mandzani gwawe, ni satshavbo vayago naso gu ya luva vbale, si nyenyezide!

Dhewuteronome 14:8

Mu nga hodzini khumba, ambari yi gu ni sitsendro nya gupandrwe, aholu kha yi tsagudzeli nyawuvili, yi nyenyezide gwanu. Esi mu nga hodzi nyama yawe, ambari gu kuha girumbi gyawe.

Dhewuteronome 23:18

Khu guralo, u nga tshuki u yisa Nyumbani ga Pfhumu Nungungulu wago, dzitsapawu dzi manwago khu ndzila yeyi nya wubhayi nya vanyamayi mwendro nya vama, mwendro gulivba khidzo gusambanya gwago; kholu wubhemba nya wukhongeli nya malipha wu nyenyezide mahoni ga Pfhumu Nungungulu.

Valamuli 10:14

Lilani ga vanungungulu mu va hathidego; va na mi vbulugise ga litshigu nya sigaradzo sanu.”

Valamuli 21:25

Khu matshigu yoyo, tigoni ga Israyeli gu diri mwalo mufumeli, khu guralo, muthu ni muthu a di gira iso a nga bani a si wona na si lulamide mahoni gwaye.

Valamuli 5:8

Avbo va na Israyeli, va nga bani va vbweta vambe vanungungulu, nyimbi yi di bela dzinyangwani gwawe, gu di si manegi gitshangu mwendro litshari, vbakari nya magumana magumi mazana (40. 000) ya Israyeli.