Isaya 66:10 - Bhibhiliya Nya Guage

¹⁰ Tsakani enu mwatshavbo mu golago Jerusalema, mu nengela gumogo naye, enu mwatshavbo mu lidego khuye.

Isaya 66:10 Iomraidhean Croise

Dzindzimo 122:6

Lombelelani gasi gu manege gurula Jerusalema! Va na vbanye na va tangade avo va gu golago.

Dzindzimo 137:6

Nya gumba gu alakanya uwe Jerusalema, lidimi langu li na tsharamele kanani gwangu, nya gumba tsakela uwe guvbindra silo satshavbo.

Dzindzimo 26:8

Pfhumu Nungungulu, eni nyi ngu gola wumburi nya Nyumba yago, ni wulanga wu wonegago avbo wudhumo wago.

Isaya 25:9

Khu litshigu lolo, va na ganela, khavo: “Wonani, oyu khu Nungungulu wathu, hi mu tumbidego a na hi vbanyisa, khuye Pfhumu Nungungulu, oyu hi mu viredego, hi na tsake hi nengele khu guvbanyisa gwaye!”

Isaya 35:2

Khu kharato si na rumbuga senge, si kulungela khu gunengela, si embelela khu gutsaka; va na ningwa wudhumo wa Libhanoni, ni wa Saromi, ni gungangamela nya gigomo Karameli; vathu va na wona wudhumo wa Pfhumu Nungungulu, ni gungangamela ga Nungungulu wathu.

Isaya 44:23

Embelelani khu gutsaka, enu ndzadzini, kholu si giridwe khu Pfhumu Nungungulu! Wombani mikulungwane enu mu guromo guetani nya mafu! Embani sizimba khu gunengela, enu sigomo, magabi ni misimbo yaye yatshavbo, kholu Pfhumu Nungungulu tshudziside Jakobe, a dzi dhumisa khu Israyeli.

Isaya 51:3

Kholu Pfhumu Nungungulu a na tangadzisa Siyoni, ni gupwa gisiro khu malanga yatshavbo ma khadego marumbi; giwula gyaye, a na gi gira gi fanana ni Edheni, marumbi yaye ma fanana ni lithembwe la Pfhumu Nungungulu. Umomo gu na manega litsako ni gughiya, gu na manega gubonga ni dzindzimo nya sizimba.

Isaya 65:18

Aholu mu na tsaka mu nengela khu satshavbo iso nyi na gu si vangago; kholu wonani lidhoropa la Jerusalema, nyi na li gira nari ilo li tsakisago vathu vangu, ni vathu vaye va khala na va nengede.

Isaya 9:3

U andriside vathu vava, u engedzela gutsaka gwawe; va ngu nengela mbeli gwago, kha nga vale va tsakago guvbwerani, ni vale va kabanago silo va phangidego nyimbitunu.

Ezekiyeli 9:4

A di mu embela, khuye: “Gimbila-gimbila dhoropani ga Jerusalema, u vega gifungo giwomboni ga vale va lilago ni gudilela khu kotani nya guvivbe gwatshavbo gu girwago umomo.”

Dhewuteronome 32:43

Nengelani enu mayigo, gumogo ni vathu vaye, kholu Pfhumu Nungungulu a na phodzela novba wa sithumi saye a na si phodzela vbatshani ga valala vaye, a na pwela wuhindzi litigo laye ni vathu vaye.