Isaya 66:1 - Bhibhiliya Nya Guage

¹ Pfhumu Nungungulu a ngu ganela kharati, khuye: Ndzadzini gikhalo gyangu nya wufumu, ni mafuni gigandredzelo nya migondro yangu. Gasi lifumbu muni nya nyumba mu hadzago gu nyi vbahela, ni gasi wulanga muni nyi yelago gu hefemula avbo, na?

Isaya 66:1 Iomraidhean Croise

1 Dzipfhumu 8:27

Ina kamwe, lisine nya gupwani, Nungungulu a ngu khala mafuni, gani? Ambari ndzadzini ni ndzadzini gwa ndzadzini gu si gu enedzigo, ginani nyumba yeyi nyi gu vbahedego?

1 Dzikoronika 28:2

Mufumeli Dhavhidhe a di khuga a ema, a ganela, khuye: Vandriyangu ni enu vathu vangu, nyi yingiseni: Nyi di suvide gu vbaha nyumba nya gukhale umo Ngasa nya Gidzumeledzwano ya Pfhumu Nungungulu, ni gigandredzelo nya migondro ya Nungungulu wathu, eni nyi dongisede iso nya guvbahe khiso.

2 Dzikoronika 2:5

Nyumba nyi vbwetago guvbaha, yi na bani yiri yikhongolo, kholu Nungungulu wathu, khongolo guvbindra vanungungulu vatshavbo.

2 Dzikoronika 6:18

Ina kamwe Nungungulu, a ngu kodza guvbanya ni vathu mafuni momu, gani? Nga khedza ndzadzini ni gupindruga ga dzindzadzi gu si gu eneligo, ginani ginyumbana gegi nyi gu vbahedego?

Dzindzimo 11:4

Aholu, Pfhumu Nungungulu womo nyumbani gwaye nya guage; Pfhumu Nungungulu a na ni gikhalo nya wufumu waye ndzadzini, maho yaye ma ngu khedzisa tigoni, a wona sanana nya vathu.

Dzindzimo 132:7

Hi na bele nyumbani gwaye nya guage; hi na khidzime mbeli nya gigandredzelo nya migondro yaye.

Dzindzimo 99:9

Rungudzani Pfhumu Nungungulu wathu, mu khozeleni gigomoni gwaye nya gukatege! Kholu, Pfhumu Nungungulu wathu agide!

Isaya 57:15

Kholu a gu ganela kharati, wule a Khusegidego, a guromo vbatshani ngudzu, a vbanyago kala gupindruga; uye a gu ni lina li Agidego, khuye: “Eni nya gu vbanyela wulanga wu agidego wu guromo vbatshani ngudzu, aholu nya gu vbanya gambe gumogo ni avo va khuvekidego ni vale va vbedego tshivba, gasi gu tiyisa vale va vbedego tshivba ni gu tiyisa myonyo ya vale va khuvegidego.

Isaya 60:13

U na ningwa thomba ya Libhanoni; misimbo nya mipinyu, misena ni misiringa, gasi guta mburisa wulanga wangu nya miphaso, nyi dhumisa wulanga yi gandredzelago avbo migondro yangu.

Jeremiya 23:24

Mwa gu alakanya gukhenu womo muthu a dzi kodzago gu sihala nyamba mu wona eni, gani? A ngu ganela Pfhumu Nungungulu, khuye: Ina kha mu dziti nya gukhenu eni nyi womo malangani yatshavbo ndzadzini ni mafuni, gani?

Malakiya 1:11

Aholu gukhugela Khugadambo kala Muhwadambo. Lina langu likhongolo ngudzu vbakari nya mayigo; malangani gwatshavbo va ngu nyi rungudza, va vbisa libani khu lina langu, va nyi girela miphaso yi agidego, kholu lina langu likhongolo vbakari nya mayigo, a ngu ganela Pfhumu Nungungulu nya Tshivba Yatshavbo.

Matewu 12:6

Nyi ngu mu embelani nya gukheni avba womo uye a gu khongolo guvbindra Nyumba ya Nungungulu.

Matewu 24:2

Aholu a di va hakha, khuye: “Mu ngu si wona satshavbo sesi? Khu lisine nyi ngu mi embeleni nya gukheni kha gi na tshala giwindri vbatshani nya giwindri gikwawe satshavbo si na pfhungumudwa.”

Mithumo 17:24

Nungungulu a vangidego mafu ni satshavbo esi si guromo mafuni, a gu uye Pfhumu ya ndzadzini ni mafuni. Kha khali dzinyumbani nya gugirwe khu mandza nya vathu.