Isaya 64:9 - Bhibhiliya Nya Guage

⁹ Uwe, Pfhumu Nungungulu, u nga khuvegi ngudzu, ambari gu alakanyela gikhati gyatshavbo guvivba gwathu. Khu guralo, wona, ethu hi ngu gu lomba khethu: Ethu hatshavbo hi vathu vago.

Isaya 64:9 Iomraidhean Croise

2 Dzipfhumu 25:9

a ta vbisa Nyumba ya Pfhumu Nungungulu, nyumba ya mufumeli, gumogo ni dzinyumba dzatshavbo dza Jerusalema; a vbisa ni dzinyumba dzatshavbo dza vathangeli.

Dzindzimo 119:94

Nyi vbanyise, kholu eni nyi wago, nyi ngu landrisa sileletelo sago.

Dzindzimo 38:1

Pfhumu Nungungulu! U nga nyi tsayisi khu likhulo lago ambari gu nyi kawuka nu tade khu likhulo.

Dzindzimo 6:1

Pfhumu Nungungulu, u nga nyi kawuki nu tade khu likhulo, ambari gu nyi tsayisa nuri ni likhulo.

Dzindzimo 79:13

Gasi ethu hi gu vathu vago, dzinvuta nya tshambi wago ethu ni livelego lathu hi na gu dhumisa, hi embelela hi gu bonga kala gupindruga.

Isaya 43:25

Eni kamwe, kheni nyi futago sighoho sago, khu gugola gwangu, sighoho sago gima kha nyi na si alakanya gambe.

Isaya 57:17

Khu kotani nya makolo yaye nya guvivbe ya Israyele, gu nyi giride nyi khuveka nyi tsayisa vathu; ni gu mi sihela khovbe yangu, aholu khu guyeyisa gwaye, a di landra ndzila yi godwago khu monyo waye.

Isaya 60:10

Va nya mayigo va na vbahedza makhokhola yago, ni vafumeli vawe va na gu thumela, kholu nyi gu tsayiside khu likhulo langu, aholu khu wuhigo wangu, nyi gu pwede wuhindzi.

Isaya 63:18

Khu gikhati gidugwana, vathu vago nya gukatege va dzegide litigo va li fumela; valala vathu va gandredzede nyumba yago nya guage.

Isaya 63:19

Hi khade kha nga vale va gu gima u si va fumeli, ni vale va gu gima va si gu ranwi khu lina lago.

Isaya 63:8

Kholu Pfhumu a di ganela, khuye: “Khu lisine, avo vathu vangu, sanana sangu si na gumba nyi kanganyisa. Khu guralo, uye khade Muvbanyisi wawe.”

Jeremiya 10:24

Nyi tsayise uwe Pfhumu Nungungulu, khu gululama nasiri khu dzihanyi, gasi nyi si mbembi.

Jeremiya 3:12

Indra khu phuvbo ga Wuronga u ya huwelela magana yaya, khuwe: Pfhumu Nungungulu a ngu rana Israyeli, khuye: Wuya eno gwangu, ambari u ndreyidego. Kholu nyi na gu pwela wuhindzi, kha nyi na gu girela likhulo; a ngu ganela Pfhumu Nungungulu.

Jeremiya 44:21

“Ina libani mu vbisidego enu ni vababe vanu, vafumeli vanu, manganagana yanu ni vathu vatshavbo va tigoni, madhoropani ga Judha ni makondroni ya Jerusalema, ina mwa gu pimisa gukhenu Pfhumu Nungungulu kha si alakanyi, a si divade, gani?

Gililo 2:7

Pfhumu kha tsakiswa khu giluvelo gyaye, a di nyenya ni wulanga waye nya miphaso; a ningela mandzani ga valala dzindzari nya makhokhola yaye, va kulungela Nyumbani gwa Pfhumu Nungungulu, nga matshigu nya tshangano nya buzo. Heti

Gililo 5:18

Kholu gigomo gya Siyoni gi sasedwe gi khala marumbi, gwa gu gimbilagimbila umo migehe.

Gililo 5:20

Ina u na hi divala gikhati gyatshavbo, gani? Ni gu hi pfhurarela khu gikhati nya gingi, gani?

Gililo 5:22

Ina kamwe u hi digede muphelo, gani? Ina u ngari ni likhulo ngudzu khethu, gani?

Ezekiyeli 29:16

“Egipito gima kha na tumbega gambe ga litigo la Israyeli, aholu gu na gira gialakanyiso nya guvivbe a giridego gikhati va lombidwego giphaso. Khavbo va na dzitigo gukhavo kheni Mune Pfhumu Nungungulu.”

Levhi 26:31

Madhoropa yanu nyi na ma gira marumbi, nyi khungumulela malanga yanu nya miphaso, gima kha nyi na tsakiswa khu gunungela nya mahema nya miphaso yanu.

Habhakuka 3:2

Uwe Pfhumu Nungungulu, nyi pwide na gu ganedwa khu ndruma yago; nya gu wona sigiro sago Pfhumu Nungungulu, nya gu ndrendremela. Wusedza nyaluphye mithumo yago matshigwanaya; ma tidwa ga gikhati gegi gyathu; likhulo lago, li alakanye khu wuhindzi.

Malakiya 1:4

Ambari Edhomi a gukhuye: Litigo lathu li pfhungumudwe, aholu ethu hi na vbahedza marumbi; khu guralo, Pfhumu Nungungulu nya Tshivba Yatshavbo a ngu ganela kharati, khuye: Avo va na vbahedza, aholu eni nyi na ma khungumula; ambari Edhomi a gukhuye va na li rana litigo nyambana gukhodwa. Litigo lile Pfhumu Nungungulu a gorogidego khilo gikhati gyatshavbo.

2 Pedro 2:17

Vathu vovo, va khade nga milambo nyambana mati, nga mapfhi ma pengiswago khu phuvbo; Nungungulu a va hathede wulanga nya gidema nya guthise ngudzu kala gupindruga.

Gutuledwa 20:10

Sathane a nga va pengisago, a di rinywa tsivani nya nilo ni solufa, avba gu nga bani guromo girengo ni muprofeti nya malipha; avbo va na mana gutshaniseka nya gukhongolo wutshigu ni mihani kala gupindruga.