Isaya 64:8 - Bhibhiliya Nya Guage

⁸ Gasi olu, uwe Pfhumu Nungungulu, Uwe khuwe Babe wathu, ethu hi libumba, uwe khuwe muwumbi wathu; ethu hatshavbo hi thumo nya mandza yago.

Isaya 64:8 Iomraidhean Croise

Joba 10:3

Ina si ngu gu tsakisa gu khala khu gu nyi tsayisa, u si khathali khu thumo u giridego khu mandza yago u diga va nya guvivbedwa khu monyo va gira makungo va ma golago, gani?

Dzindzimo 100:3

Dzitini gukhenu Pfhumu khuye Nungungulu; Khuye a nga hi gira, ethu ha gu lumba uye; hi vathu vaye ni tshambi waye.

Dzindzimo 119:73

Uwe U nyi wumbide U nyi tiyisa khu mandza yago; nyi hevbudze guti milayo yago.

Dzindzimo 138:8

Pfhumu Nungungulu a na vbohisa mahegiso, thumo waye nya wadi a wu phedego gu wu gira avbo gwangu, Pfhumu Nungungulu, lihaladzo lago li ngu simama kala gupindruga, uwe Pfhumu Nungungulu, u nga digi ndzilani thumo nya mandza yago.

Dzindzimo 74:1

Uwe Nungungulu, khu ginani u hi digelago muphelo? Khu ginani u wuselago likhulo dzinvuta nya tshambi wago?

Dzindzimo 95:6

Deluni hi ta khidzima hi lombelela Pfhumu Nungungulu. Kholu khuye muvangi wathu.

Ekisodha 32:12

Khu ginani u vbwetago gu ninga wulanga Vagipiti va kodza gu ganela, khavo: Nungungulu a di gira litsoro a va dusa khu gufela guya va songa musigomoni, a va fuvisa mafuni! Rula monyo wago, u bosa likhulo lago, u vega hwindzo mapimo nya gugirele guvivba vathu vago!

Ekisodha 4:22

Uwe u na embela Faro, khuwe: “Pfhumu Nungungulu wari, khuye: Gyanana gyangu nya matiwula khu Israyeli.

Isaya 19:25

Kholu Pfhumu Nungungulu nya Tshivba Yatshavbo, a na va kategisa, a ganela, khuye: “Kategide Egipito, litigo langu, ni Asiriya, thumo nya mandza yangu, ni Israyeli, thomba yangu.”

Isaya 29:16

Sipumbunu! Ina muwumbi a ngu fananiswa ni libumba, gani? Ina gilo gi giridwego khu muwumbi waye, gi ngu kodza gu, khigyo: “Eni kha nya girwa khuye, gani?” Mwendro muthu a gu gira gilo, gilo gi ngu kodza gu embela mugiri waye, khigyo: “Uye khati gilo, gani?”

Isaya 43:25

Eni kamwe, kheni nyi futago sighoho sago, khu gugola gwangu, sighoho sago gima kha nyi na si alakanya gambe.

Isaya 43:7

kholu vatshavbo va ranwago khu lina langu, avo nyi va vangidego gasi va khala wudhumo wangu, kheni nyi va wumbidego nyi bwelo khavbo nyi va gira.”

Isaya 44:21

Dundruga silo sesi uwe Jakobe, ni uwe Israyeli, kholu nyi gu giride githumi gyangu. Nyi gu wumbide gasi gu khala githumi gyangu; uwe Israyeli, gima kha nyi na gu divala.

Isaya 44:24

Pfhumu Nungungulu, Mudzegisi wago, Oyu a gu wumbidego rumbuni ga mayi wago, a ngu ganela kharati, khuye: Eni kheni Pfhumu Nungungulu, nyi girago silo satshavbo, nyi giride ndzadzini, nyiri nyonga nyi ladza mafu, nyiri nyonga.

Isaya 45:11

Pfhumu Nungungulu, Nyaguage wa Israyeli, Wule a gu wumbidego, a ngu ganela kharati, khuye: Ina mu na nyi wudzisani mayelano khu iso si nga gutago ga sanana sangu, gani? Mwendro gu nyi leletela khu mahungu nya thumo nya mandza yangu, gani?

Isaya 45:9

Libango ga muthu a ganedzisanago ni muvangi wawe! Ina khali yi ngu ganedzisana ni muwumbi waye, gani? Ina libumba li ngu tshuka li ganedzisana ni muganyi walo, khilo: “Wa guvbweta gu wumba ginani?” Mwendro thumo wago, wu nga ganela, khuwo: “U mwalo landza, gani?”

Isaya 57:16

Khu guralo, kha nyi na mi singedza gikhati gyatshavbo, mwendro gu gira likhulo gikhati gyatshavbo; kholu mihefemulo nyi yi vangidego, yi nga vbeledwa khu tshivba mbeli gwangu.

Isaya 60:21

Vathu vatshavbo va tigoni gwago va na bani vari vathu nya gululame, va na lumbwa khu litigo kala gupindruga; avo va na bani vari pfhundre nyi wu yadego, thumo nya mandza yangu gasi va fela gu wonegisa wudhumo wangu.

Isaya 63:16

Aholu uwe khuwe Babe wathu, ambari Abrahama na si hiti, ni Jakobe a si khathali khu ethu; Uwe Pfhumu Nungungulu, khuwe Babe wathu; U Mudzegisi wathu, gukhugela guhegulani, khilo lina lago ilolo.

Isaya 63:8

Kholu Pfhumu a di ganela, khuye: “Khu lisine, avo vathu vangu, sanana sangu si na gumba nyi kanganyisa. Khu guralo, uye khade Muvbanyisi wawe.”

Isaya 9:6

Kholu hi velegedwe gyanana, hi ningidwe gyanana nya gikhwathana; wufumu womo magatani gwaye; ni lina laye li na ranwa pwani: “Singalagadzi nya Guliwugise, Nungungulu nya Tshivba, Babe nya Gupindruge, Pfhumu nya Gurule.”

Jeremiya 31:9

Va na wuya na va gu lila, nyi na va hetedza na nyi gu va bavbula marongo, nyi na va yisa mitsongoni nya mati khu ndzila nya gululame, mwalo a na tshunganelago; kholu Eni nyi womo kha nga babe wa Israyeli, ni Efrayimi khuye matiwula yangu.

Malakiya 2:10

Ina hatshavbothu hi mwalo babe moyo basi, gani? Ina khandruye Nungungulu wamoyo a hi vangidego, gani? Khu ginani hi venganago khu gyathu, hi nyenyezisa gidzumeledzwano gya vakokwe vathu?

Johane 8:41

Enu mwa gu gira mithumo ya babe wanu.” Avo va di khavo: “Kha ha velegedwa wubhayini. Hi na ni Babe moyo basi a gu Nungungulu.”

Vagalatiya 3:26

Khu gukhodwa enu mwatshavbo mu khade sanana sa Nungungulu, khu Kristo Jesu.

Vagalatiya 3:29

Na mu gu lumba Kristo, mu sanana sa Abrahama, mu na hakhani thomba yi tumbisidwego.

Vaefeso 2:10

Kholu khuye a nga hi wumbago; a hi vangide, a hi tshanganisa ni Kristo Jesu gasi hi mane guvbanya nya gutale khu mithumo ya yadi, mithumo Nungungulu a yi dongisedego khu gale gukhuye hi vbanya khiyo ethu.

Dhewuteronome 32:6

Ina khidzo kharati, mu bongago khidzo Pfhumu Nungungulu, enu vathu nya sipumbu, nya guhandruge, gani? Gasi khandruye babe wago, ni muvangi wago, gani? Khuye a gu wumbidego a wuya a gu tiyisa!

Dhewuteronome 9:29

“Khu guralo, khavo vathu vago ni thomba yago, u va dusidego wugumbini khu tshivba yago nya yikhongolo ni libogo lago nya wundrena.”