Isaya 64:1 - Bhibhiliya Nya Guage

¹ Oh! Nari gupwani u ngu pferula ndzadzini u tshiga! Sigomo si di hadza gu tsekatseka mbeli gwago!

Isaya 64:1 Iomraidhean Croise

Dzindzimo 46:6

Ma di thuruga mayigo, gu ndrendremela mifumo; Nungungulu a di pwadza lito laye, litigo li tsekatseka.

Dzindzimo 68:8

litigo li di kutsungwa; ndzadzini gu di tulega guwa ndzadzi mbeli gwago, Gigomo gya Sinayi gi di ndrendremela mbeli gwago, uwe Nungungulu wa Israyeli.

Dzindzimo 79:10

Kholu mayigo ma na wudzisa, khayo: Womo hayi Nungungulu wawe? Yeyedza vathu vovo hi wona gu phodzela nya novba wa vathu vago va nga wu vbaladza.

Ekisodha 19:11

Va na khale na va dzi dongisede litshigu nya wuraru, kholu khu litshigu nya wuraru, Pfhumu Nungungulu a na tshiga na gu wonwa khu vathu vatshavbo vbatshani nya gigomo gya Sinayi.

Ekisodha 3:8

Khu guralo, nyi tshigide gasi guta va tshudzisa mandzani ga Vagipiti, nyi va dusa tigoni momo, nyi va yisa tigoni nya gunone, nya guaname, tigoni gu gogago mahwe ni wulombe, litigo va vbanyago umo Vakhanani, Vahiti, Vaamori, Vaferezi, Vahevhi ni Vajebhuzi.

Isaya 41:15

Wona, nyi gu dongisede gitshindro nya giphya nya magwaha nya guvbire; u na vbula sigomo u si tshindra, sigomwana si vbindrugedza si gu khala kha nga mavivi.

Isaya 63:15

Khedza khu vbatshani yoyo ndzadzini, u wona khu nyumbani gwago nya guage ni wudhumo. Gomo hayi gukhathalela gwago ni mithumo yago nya tshivba? Wuwadi wa monyoni gwago ni wuhindzi wago, khu si giri gambe avbo gwathu!

Isaya 63:19

Hi khade kha nga vale va gu gima u si va fumeli, ni vale va gu gima va si gu ranwi khu lina lago.

Amosi 9:13

Wonani nya gukhenu ma nguta matshigu, a ngu ganela Pfhumu Nungungulu, mulimi a na gu fananago ni uye a vbwerago, ni uye a gamago dziuvha, a fanana ni oyu a yalago mbewu; sigomo si na ruta vhinya, sigomwana satshavbo si na nyiviliga.

Amosi 9:5

Kholu Mune, Pfhumu Nungungulu nya Tshivba Yatshavbo, khuye a khuhago mafu, ayo ma nyiviliga, vatshavbo va vbanyago umo va na lila; ma gugumuga mati yatshavbo gu fanana ni tsongo wa Nilo, bwelo havbo ma bosa gu fanana ni tsongo wa Egipito.

Zakariya 14:4

Khu litshigu lolo, a na ema khu migondro yaye mugigomoni nya Miolivha gi guromo mbeli nya lidhoropa la Jerusalema, khu phuvbo ga Khugadambo. Gigomo nya Miolivha gi khedzanidego ni Jerusalema khu Khugadambo kala Muhwadambo, gu na manega kova nya wukhongolo ngudzu. Gimbe gipandre nya gigomo gi na thegela Wuronga, gimbe gi thegela Marandzi.

Marko 1:10

Na gu duga khu matini, Jesu a di wona ndzadzi na yi tulegide, Liphuvbo li di mbaka vbatshani Gwaye kha nga lituva.

Gutuledwa 20:11

Nyi di wona gambe gikhalo nya gikhongolo nya wufumu nya guage ni wule a nga bani a khade ga igyo. Mahoni gwaye ndzadzi ni mafu si di mwalalega nyamba wonega gambe.