Isaya 61:7 - Bhibhiliya Nya Guage

⁷ Wulangani nya dzitshoni va dzi manego vathu vangu, va na hakha nyondro mbili, ni ga givalo ni gipoyilo mu gi manego, mu na hakhani gambe khu gu wuyelela nyondro mbili dzithomba nya mayigo yawe, mu na khalani khu gunengela ni litsako kala gupindruga.

Isaya 61:7 Iomraidhean Croise

2 Dzipfhumu 2:9

Hwane nya gu bani va tshatugide, Eliya a di embela Elizewu, khuye: “Nyi lombe igyo u gi vbwetago, gasi nyi gu girela olu na nyi si gu duswi avbo gwago.” Elizewu a di mu embela, khuye: “Nya gu vbweta gukheni nyi mana giningwa nya liphuvbo lago gi wuyedzedwago khu guvili.”

Joba 42:10

Khavbo avbo, Pfhumu Nungungulu a di tshudzisa Joba, gikhati uye a nga bani a gu lombelela khu dzipari dzaye; Pfhumu Nungungulu a di mu bweledzela khu nyondro mbili ga satshavbo esi a nga bani nari naso.

Dzindzimo 126:5

Avo va yalago na va gu lila, va na vbwera na va gu tsaka.

Dzindzimo 16:11

U na nyi yeyedza ndzila nya guvbanye, nyi na tala khu gutsaka mbeli gwago, nyi napwa gutshamba nyamudye gwago kala gupindruga.

Isaya 35:10

Avo va na tshudziswago khu Pfhumu Nungungulu, va na bwelela va wuya Siyoni, na va gu kulungela khu gutsaka; Va na fenengedzwa mihungoni gwawe, khu litsako nyamba vbela. Va na taledwa khu gutsaka ni gunengela; gulila ni wuvi si na bani si vbindride gwawe.

Isaya 40:2

Ganelani khu gutsaka ga Jerusalema, mu mu tiyisa hwambo, khenu gusaniseka nya wugumbi waye guvbede, sighoho saye si futidwe, kholu eni Pfhumu Nungungulu, nyi va vetide gukhedza khu sighoho va giridego.

Isaya 51:11

Gu na gira kharato ga vale va tshudzisidwego khu Nungungulu, va na wuya Siyoni na va gu womba mikulungwane, gutsaka gu si hegisigo gu na wonega dzikhovbeni gwawe, gunengela ni litsako si na manega vbakari gwawe, gima kha va na ngapwa gambe guvbisa ni gudilela.

Isaya 54:4

U nga khali hwanga, kholu khu na nga theswa dzitshoni; u nga vbisegi, kholu mwalo a na gu poyilago; u na divaledwa khu dzitshoni u dzi manidego wumbirini gwago, gambe khu na alakanya givalo u gi manidego khu gu fedwa khu mwama wago.

Isaya 60:15

Ambari u nga bani u digidwe ni gu nyenywa, avbo nya gu, ni moyo a si vbindri khavbo gwago, aholu eni nyi na gu vbindrugedza u khala wuzundzo ni gunengela ga mimelana yatshavbo yi nga gutago.

Isaya 60:21

Vathu vatshavbo va tigoni gwago va na bani vari vathu nya gululame, va na lumbwa khu litigo kala gupindruga; avo va na bani vari pfhundre nyi wu yadego, thumo nya mandza yangu gasi va fela gu wonegisa wudhumo wangu.

Isaya 65:13

Khu guralo, Mune, Pfhumu Nungungulu, a ngu ganela kharati, khuye: Wonani nya gukhenu sithumi sangu si na hodza si khura, aholu enu, mu na tshaniseka khu ndzala; sithumi sangu si na sela mati, aholu enu, mu dagarela khu lidora, sithumi sangu si na nengela, aholu enu, mu na khala dzitshoni;

Sofoniya 3:19

Wona nya gukhuwe, khu gikhati gyogyo nyi na mbembisa valala vago vatshavbo; nyi vbanyisa silima ni gu wuyisela vatshavbo va nga bani va tutumisidwe; dzitshoni dzawe dzi na vbindrugedza dzi khala litsako, guzundzega ni ndruma yanu yi na phalalega ni mayigo yatshavbo ma nga bani ma mi poyila.

Zakariya 8:12

Kholu mbewu yi na andra, lithembwe nya miuvha li na ninga mihandro yaye, mafu ma na ninga dzimbewu, ni ndzadzi yi na tshisa thondrwane yaye; nyi na gira gu mitshaledwa nya vathu vava va hakhe satshavbo sesi kha nga thomba.

Zakariya 9:12

Bwelelani likhokholani gwanu enu sibotshwa, mu tadego khu gutumba; muhuno nyi ngu tivisa gukheni nyi na mi bweledzela satshavbo khu nyondro mbili.

Matewu 25:46

Ava vana hongola gusanisekani nya gupindruge; gasi va nya ndruda vana hongola guvbanyani nya gupindruge.”

2 Vakorinto 4:17

Kholu gusaniseka gwathu nya guvbevbuge nya gikhatinyana gwa gu hi dongisela guya bela wudhumoni nya wukhongolo nyamba vbela, wudhumo wu vbindrago gusaniseka gwatshavbo.

Dhewuteronome 21:17

A na ninge githawo ga gyanana nya matiwula gya nyamayi wule a si mu goligo, a mu ninga nyondro mbili nya thomba yaye yatshavbo. Kholu oyu matiwula nya tshivba yaye; gi na ni fanelo nya matiwula.”

2 Vatesalonika 2:16

Uye mune Jesu Kristo, Pfhumu yathu, ni Nungungulu Babe wathu a nga hi haladzago, khu wuwadi waye, a hi ningide tshivba nya gutiye, ni gutumba nya gukhongolo ngudzu.