Isaya 61:2 - Bhibhiliya Nya Guage

² Pfhumu Nungungulu a nyi rumede guya tivisa mwaga nya wadi ni litshigu nya gu dzi phodzele ga Nungungulu wathu; ni gu tangadzisa vale va lilago.

Isaya 61:2 Iomraidhean Croise

Isaya 1:24

Khu guralo, a ngu ganela Pfhumu Nungungulu nya Tshivba Yatshavbo, nya Dzitshivbe wa Israyeli, khuye: Wonani! Nyi na guhula likhulo langu vbatshani ga vale va nyi vengago, nyi na phodza ga valala vangu.

Isaya 13:6

Wombani huwa khu guvbisega, kholu Litshigu la Pfhumu Nungungulu li vbohide; la guta khiyo ga uye nya Tshivba Yatshavbo gasi guta mbembisa.

Isaya 2:12

Kholu Litshigu la Pfhumu, Nungungulu nya Tshivba Yatshavbo, li nata ga va nya matshandza ni ga va nya gu dzi khusedza, ni ga vatshavbo va nya gu dzi gugumugisa gasi va vbwasamiswa;

Isaya 25:8

A na fuvisa gufa kala gupindruga; Mune Pfhumu Nungungulu a na bavbula marongo dzikhovbeni gwatshavbo, a na dusa dzitshoni ga vathu vaye mafuni gwatshavbo, kholu Pfhumu Nungungulu ganede kharato.

Isaya 34:2

Kholu Pfhumu Nungungulu a gorogede mayigo yatshavbo; ni likhulo laye lomo vbatshani nya mabutho yawe; uye a ma ningede ma songetedwa ni gu mbembisedwa muphelo.

Isaya 34:8

Kholu gu na bani guri litshigu nya guphodze ga Pfhumu Nungungulu, ni mwaga nya gubweledzele valala, khu kotani ya Siyoni.

Isaya 35:4

Embelani avo va vbedego tshivba, khenu: “Tiyani, mu nga thavi! Kha mu mu woni oyu Nungungulu wanu, a tago guta mi phodzela, gasi gu bweledzela valala vanu, guvivba va mi giredego. Uye a nguta khu wurumba waye, gasi guta mi vbanyisa.”

Isaya 40:1

“Tangadzisani, tangadzisani vathu vangu, a ngu ganela Nungungulu wanu!”

Isaya 49:8

Pfhumu Nungungulu a ngu engedza a ganela kharati, khuye: Khu gikhati gi vbwetegago, nyi gu yingiside, khu litshigu nya guvbanyise nyi gu phaside, nyi gu sayisa u khala uwe gidzumeledzwano ni vathu, gasi u wusedza litigo, ni gu va kavedzela dzithomba dzi ghohetedwego;

Isaya 51:12

Eni kheni kamwe nyi na gu mi tangadzisago; gasi uwe, khuwe mani, nya gukala u thava vathu va fago va hina, mwendro sanana nya vathu si na bangago gu fanana ni mwasi?

Isaya 57:18

Eni nyi wonide dzindzila dzawe, aholu nyi na va vbanyisa; gambe nyi na va gimbidzisa khu ndzila bwelo khavbo nyi va tangadzisa nyaluphye, ni vale va lilago.

Isaya 58:5

Ina guhala nyi gu golago, khugo ogu nya gu muthu a mana litshigu a songa hefemulo waye, a nogisa hungo waye kha nga tshava ni gu puluwundra vbavbatshi nya saku ni gu phorola nguma vbatalatunu; ina khugo ogu guhala nya gukala gu tsakisa Pfhumu Nungungulu, gani?

Isaya 60:10

Va nya mayigo va na vbahedza makhokhola yago, ni vafumeli vawe va na gu thumela, kholu nyi gu tsayiside khu likhulo langu, aholu khu wuhigo wangu, nyi gu pwede wuhindzi.

Isaya 66:14

Avbo mu na wonago silo sesi si na gu girega, myonyo yanu yi na tsaka, ni marambo ma na nyuga nga mwasi nya nyenvu; kholu tshivba ya Pfhumu Nungungulu, yi na dzi wonegisa ga sithumi saye, aholu likhulo laye li na wugela valala vaye.

Jeremiya 31:13

Vanyamahegyane va na hana dzingoma khu gutsaka, gumogo ni madzaha ni sikhosane; nyi na vbindrugedza gulila gwawe khu litsako, gambe nyi na va tangadzisa; nyi vbindrugedza gutshaniseka gwawe khu gunengela.

Jeremiya 46:10

Kholu eli khilo litshigu li lumbago Mune, Pfhumu Nungungulu nya Tshivba Yatshavbo. A na bani nari litshigu nya guphodze, a dzi phodzela ga valala vaye; matshari ma na sasela kala ma kodwa, ma na leva khu novba wawe; kholu Pfhumu Nungungulu nya Tshivba Yatshavbo, a na ni phaso nya mhamba tigoni ga Wuronga, bambe nya tsongo wa Ewufrate.

Mikeya 3:8

Aholu khu lisine eni nyi tade khu tshivba nya Liphuvbo la Pfhumu Nungungulu nyi tade khu mapimo nya gululame ni gumbana hwanga, gasi gu huwelela va na Jakobe khu gu ndraga gwawe nya nayo ni gu yeyedza sighoho sa na Israyeli.

Matewu 5:4

Va kategide vale va lilago, kholu va na tangadziswa.

Luka 4:19

ni gu tivisa mwaga nya wuhigo wa Pfhumu.”

Luka 6:21

Mu kategide enu, mu gu ni ndzala olu; kholu mu na khuriswa. Mu kategide enu, mu lilago olu; kholu mu na hegela.

2 Vakorinto 6:2

Kholu Uye a ngu ganela, khuye: “Nyi gu pwide khu gikhati nya gyadi, nyi gu phaside khu litshigu nya guvbanyiswe.” Khigyo egi gikhati nya gyadi. Khilo eli litshigu nya guvbanyiswe.

1 Vatesalonika 2:16

Va gu vbweta gu himbedzela gu tshumayela ni gu vbanyiswa va nya mayigo. Khu guralo, va tadzide pimo nya sighoho sawe. Aholu, likhulo la Nungungulu li va fenengedzide.