Isaya 61:10 - Bhibhiliya Nya Guage

¹⁰ Nyi na nengela ngudzu ga Pfhumu Nungungulu, hefemulo wangu wu na tsakela Nungungulu wangu; kholu a nyi ambagiside guambala nya guvbanyise, a nyi fenengedza khu mwendra nya gululame. Gukhwatshi khu mudzegi a dzi mburisedego khu gihugu nya buzo, kha nga nyamayi nya khundzwa a dzi mburiselago khu dziphera nya ndralama.

Isaya 61:10 Iomraidhean Croise

Genesi 24:53

Gi di dusa sombo nya parata, sombo nya ndralama ni guambala gi ninga Rebheka; gi ninga gambe sombo nya lisima ga ndriyaye ni ga mayi waye.

2 Dzikoronika 6:41

Khu guralo, uwe Pfhumu Nungungulu, khuga U ta khala wulanga wago nya guhefemule, uwe gumogo ni Ngasa nya tshivba yago; Pfhumu Nungungulu, vaphasi vago va na fenengedzwe khu guvbanyisa gwago, ni sihathwa sago si na nengele khu wuwadi.

Nehemiya 8:10

Nehemiya a di va embela gambe, khuye: “Indrani mu ya hodza dzinyama nya gunone, mu sela ni wadwa nya gutshambe ni gulombela, mu rumela navo guhodza vale va ngamba dzi dongisela; kholu litshigu leli nya likhongolo li agisedwe Pfhumu Nungungulu; mu nga garadzegi kholu; litsako la Pfhumu khilo li gu tshivba yathu.”

Joba 29:14

Nyi di ambala gululama, gu khala gifenengelo gyangu.

Dzindzimo 132:16

Nyi na ninga vaphasi vago nya mhamba tshivba nya gu lamule vambe, va na kulungela khu gutsaka vale va khodwago gwaye.

Dzindzimo 132:9

Gikhati gyatshavbo vaphasi vago nya mhamba va na gire esi si lulamidego, avo va khodwago gwago va na kulungele khu gutsaka.

Dzindzimo 28:7

Pfhumu Nungungulu tshivba ni gitshangu gyangu, monyo wangu wa gu tumba uye; nyi phasidwe, givili gyangu gi ngu thungedzela, nyi ngu bonga khu monyo wangu watshavbo.

Dzindzimo 35:9

Hefemulo wangu wu na nengela ga Pfhumu Nungungulu, nyi na tsaka khu gu vbanyiswa khuye.

Gizimba 1:10

Sigundru sago si mburisedwe khu dziphera nya sugu ni thamoni gwago gumburisedwe khu wulungu nya gukhedzige.

Isaya 12:1

Ga litshigu lolo, u na embelela, khuwe: “Nyi ngu gu bonga uwe Pfhumu Nungungulu, kholu, ambari nyi gu gorosidego, olu U duside likhulo lago avbo gwangu. Uwe u ngu nyi tangadzisa.”

Isaya 12:2

Wona nya gukhuwe, Nungungulu muvbanyisi wangu; nyi na mu tumba nyi si thavi gilo, kholu, Pfhumu Nungungulu khuye tshivba yangu ni ndzimo yangu; uye khade muvbanyisi wangu.

Isaya 17:10

Kholu u divade Nungungulu nya guvbanyiswe gwago, u divaledwa khu Likhokhola nya wuthavelo wago. Khu guralo, u di lima marembwe nya misimbo nya wumburi, u yala dzimbewu nya gudhumise vanungungulu va nya mayigo.

Isaya 25:1

Uwe Pfhumu, khuwe Nungungulu wangu; nyi na khusedza ni gudhumisa lina lago, kholu u giride silo nya gusamadzise; u landriside khu gutumbega ni gutiya makungo u ma hungidego khu gale.

Isaya 25:9

Khu litshigu lolo, va na ganela, khavo: “Wonani, oyu khu Nungungulu wathu, hi mu tumbidego a na hi vbanyisa, khuye Pfhumu Nungungulu, oyu hi mu viredego, hi na tsake hi nengele khu guvbanyisa gwaye!”

Isaya 35:10

Avo va na tshudziswago khu Pfhumu Nungungulu, va na bwelela va wuya Siyoni, na va gu kulungela khu gutsaka; Va na fenengedzwa mihungoni gwawe, khu litsako nyamba vbela. Va na taledwa khu gutsaka ni gunengela; gulila ni wuvi si na bani si vbindride gwawe.

Isaya 41:16

U na si vbevbera, si vbuvbiswa khu phuvbo; si phalalegiswa khu gipupwane; aholu uwe u na nengela khu Pfhumu Nungungulu, u zundzega ga oyu a Agidego wa Israyeli.

Isaya 48:18

Oh! Nari pwani u di yingiside milayo yangu! Gurula gwago gu di hadza gu goga kha nga tsongo, ni gululama gwago, gu di hadza gu fanana ni mavimbi nya linene;

Isaya 49:18

Khusedza maho u khedza malangani gwatshavbo; vatshavbo ava va tshanganidego, va gu wuya avbo gwago; khu lisine, nyi ngu sambanya khu guvbanya gwangu, a ngu ganela Pfhumu Nungungulu, gukheni, vathu vava vatshavbo, u nata dzi mburisa khavo kha nga guambala, u hunga khavo wulungu thamoni gukhwatshi u nyamayi nya khundzwa.

Isaya 49:4

Aholu eni nyi di pimisa monyoni gwangu, kheni: Nyi thumide mahala, nyi vbedzide tshivba yangu nyamba wuyedwa khu gilo. Ambari khu guralo, Pfhumu Nungungulu, a na nyi ninga fanelo ni tshatshazelo wangu; hakhelo yangu, yomo ga Nungungulu wangu.

Isaya 51:11

Gu na gira kharato ga vale va tshudzisidwego khu Nungungulu, va na wuya Siyoni na va gu womba mikulungwane, gutsaka gu si hegisigo gu na wonega dzikhovbeni gwawe, gunengela ni litsako si na manega vbakari gwawe, gima kha va na ngapwa gambe guvbisa ni gudilela.

Isaya 51:3

Kholu Pfhumu Nungungulu a na tangadzisa Siyoni, ni gupwa gisiro khu malanga yatshavbo ma khadego marumbi; giwula gyaye, a na gi gira gi fanana ni Edheni, marumbi yaye ma fanana ni lithembwe la Pfhumu Nungungulu. Umomo gu na manega litsako ni gughiya, gu na manega gubonga ni dzindzimo nya sizimba.

Isaya 52:1

Khendzuga! Khendzuga, Siyoni, ambala tshivba yago. Ambala guambala gwago nya wumburi, uwe Jerusalema, Lidhoropa nya gukatege; kholu gima kha va na bela gambe ndrani gwago va nyamba hana wugwera ni vale va dzi nyenyezisidego.

Isaya 56:7

avo navo nyi na va dzega nyi va yisa gigomoni gwangu nya gukatege, nyi ya va tsakisa Nyumbani gwangu nya Milombelo. Miphaso yawe nya guvbiswe ni dzimhamba dzawe, si na hakhwa siluveloni gwangu, kholu Nyumba yangu yi na ranwa nyumba nya Milombelo ga mayigo yatshavbo.

Isaya 58:14

khu guralo, u na mana gutsaka ga Pfhumu Nungungulu, nyi na gu khadzisa vbatshani nya sigomo u zundzega, nyi gu gira u khala gihodzathomba ya babe wago Jakobe; kholu Pfhumu Nungungulu a ganede khu likana laye.

Isaya 61:3

Ni gu degudza vatshavbo vale va lilago va Siyoni, ni gu va ambagisa gihugu wulangani nya nguma, ni mafura nya gutsake, wulangani nya gililo, ni ngandzu nya wuzundzo, wulangani nya wuvi; gasi va ranwe gupwani misimbo nya gululame, yi yadwego khu Pfhumu Nungungulu gasi gu dzi dhumisa khiyo.

Isaya 65:18

Aholu mu na tsaka mu nengela khu satshavbo iso nyi na gu si vangago; kholu wonani lidhoropa la Jerusalema, nyi na li gira nari ilo li tsakisago vathu vangu, ni vathu vaye va khala na va nengede.

Jeremiya 2:32

Ina yomo mbiri yi divaledwago khu dziphera nya gu dzi mburisele, mwendro khundzwa yi divaledwago khu keka waye, gani? Aholu vathu vangu va nyi divade, khu gipandre nya matshigu nyambana tengo.

Ezekiyeli 42:14

Gikhati vaphasi nya mhamba va belago, kha va na duga khu wulangani nya guage va hongola likupakupani la vbavbandze, aholu va na vega mule guambala va thumidego khugo, kholu ugo gu agide; va ambala gumbe guambala, khavbo va na dzi kodzago gu hidzimela ga wulanga wu lumbago vathu.”

Habhakuka 3:18

ambari khu guralo, eni nyi na khusedza Pfhumu Nungungulu, nyi nengela ga Nungungulu nya guvbanyise gwangu.

Zakariya 10:7

Va na Efrayimi va na khala kha nga ndrena, myonyo yawe yi na nengela gukhwatshi va di sela vbinyu. Ina, sanana sawe si na wona satshavbo sesi, si nengela. Myonyo yawe yi na tsakela Pfhumu Nungungulu.

Zakariya 3:5

A di ganela gambe, khuye: “Mu ambagiseni gihugu nya guage hungoni.” Va di mu ambagisa gihugu nya guage gumogo ni dzingandzu; ngilozi ya Pfhumu Nungungulu na yi gu si wona.

Luka 15:22

Aholu babe wule a di ruma sithumi saye, khuye: ‘Resani khu guvbiredza ngandzu yile nya gumbure ngudzu muta mu ambagisa; mu ambagiseni phera nyalani ni silato migondroni gwaye.

Varoma 13:14

Aholu ambalani Pfhumu Jesu Kristo, mu nga dzi digi mu gu sengwa khu gudogolela nya tumbunugo nya wuthu.

Varoma 14:17

Kholu Mufumo wa Nungungulu, khandri mahungu nya guhodze ni gusela, aholu, mahungu nya gululame, nya gurule ni gunengela gutago khu Liphuvbo nya Guage.

Varoma 3:22

gululama gutago khu ga Nungungulu khu gukhodwa ga Jesu Kristo, A gu tshanganisa naye watshavbo a khodwago, kholu gu mwalo guhambana vbakari nya vathu.

Varoma 5:11

Gambe khandri iso basi. Ethu hi na ni gunengela nya gukhongolo ngudzu mbeli gwa Nungungulu khu kota ya Jesu Kristo, a gu uye hi manago khuye gutshangana ni Nungungulu.

Vagalatiya 3:27

Kholu enu mwatshavbo mu bhapatisidwego, mu tshanganisidwe ni Kristo, mu ambade Kristo.

Vafilipi 3:9

Satshavbo nya gu si wona nga ndzilo khu gufela gu mana Kristo nyi hengela naye guvbanya. Eni nya gu vbanya wulongoni gwa Nungungulu, khandri khu kota nya gulandrise Nayo, kholu wulongo nya wadi ni Nungungulu wa gu hungwa khu gukhodwa.

Vafilipi 4:4

Nengelani ga Pfhumu; nyi ngu engedza gu mi embela, nengelani.

1 Pedro 1:8

Enu mu ngu mu haladza, ambari mu ngamba mu wona; mu ngu khodwa gwaye, ambari mu si mu wonigo olu. Khu guralo, enu mu ngu nengela khu gutsaka nya gukhongolo ngudzu, ni wudhumo wu tandrwago gu ganedwa khu magana.

Gutuledwa 21:2

Eni Johane, nyi di wona gambe na gu tshiga khu ndzadzini, khiyo ga Nungungulu, Lidhoropa nya gukatege, Jerusalema guphya, gu dzi dongisedego nga nyamayi a dzi mburisedego gasi guya hakha mwama waye.

Gutuledwa 21:9

Khavbo avbo, nyi di wona ngilozi mweyo nya dzile nya livbandre na dzimbili dzingilozi dza Nungungulu dzi nga bani dzi pharide livbandre na sivili sikombe nya gutale khu livbandre na sivili sitsayiso, yi dita gwangu yita, khiyo: “Delu! Nyi na gu yeyedza Mwangadzi wa Nvutana.”

Gutuledwa 4:4

Na si randrede gikhalo gegi nya wufumu, si diromo magumavili na sina sikhalo nya wufumu, avbo gu nga bani gu khade magumavili na mana madhota, ma na ambade dzingandzu nya guage ni sihugu nya wufumu, nya gugirwe khu ndralama.

1 Samuweli 2:1

Ana a di lombelela a ganela, khuye: “Monyo wangu wu ngu nengela ga Pfhumu Nungungulu, ni hefemulo wangu, wu ngu rungudza Pfhumu Nungungulu; likana langu, li ngu hega valala vangu, kholu nyi ngu tsakela guvbanyisa gwago.