Isaya 60:3 - Bhibhiliya Nya Guage

³ Mayigo ma na mana wenengedzo wago, ni vafumeli va na wona gungangamela nya wuronga wago.

Isaya 60:3 Iomraidhean Croise

Genesi 49:10

Ndronga nya wufumu kha ya na duga ga Judha, guruma kha gu na duga ga situgulwana saye, kala a gu vboha uye a fanelago gu ruma; oyu mayigo yatshavbo ma na mu yingelago.

Dzindzimo 102:16

Kholu Pfhumu Nungungulu a na vbahedza nyaluphye Siyoni a dzi wonegisa khu wudhumo waye.

Dzindzimo 102:22

gasi avbo va na tshanganago vathu nya mayigo, ni mifumo va khozela Pfhumu Nungungulu.

Dzindzimo 138:4

Vafumeli vatshavbo va mafuni va na dhumisa uwe Pfhumu Nungungulu, avbo va na pwago mahungu ya kanani gwago.

Dzindzimo 2:10

Gasi olu, enu vafumeli gengelani; dzumelani gu kawukwa, enu valamuli nya litigo!

Dzindzimo 22:27

Vathu va mafuni gwatshavbo va na muti Pfhumu Nungungulu va vbindrugedza avbo gwaye; mbeli gwaye mayigo yatshavbo ma na mu khozela.

Dzindzimo 68:29

Gukhugela Nyumbani gwago ya Jerusalema, iyo va tago vafumeli vata gu luva khu miningelo.

Dzindzimo 72:11

Vafumeli vatshavbo va na khidzime mbeli gwaye; mayigo yatshavbo ma na mu thumele.

Isaya 11:10

Ga litshigu lolo, va nya mayigo va na tutumela ga khamba wa Jese wu vegidwego kha nga ngavbya nya mayigo yatshavbo; ni wulanga a khalago avbo wu na zundzega.

Isaya 42:6

Eni, Pfhumu Nungungulu, nyi gu ranide guta thuma gululama, nyi na gu phara khu libogo, nyi gu sayisa, nyi na gu gira mutshanganisi nya vathu ni wenengedzo wa va nya mayigo;

Isaya 45:14

Pfhumu Nungungulu a ngu ganela kharati, khuye: “Thomba ya Egipito ni wugwewo wa Etiyopiya, ni vavbanyi va Sabha, vathu nya vadandrangulu, va nata gwago vata lumba uwe; avo va na landra khu hwane gwago na va hungidwe makhetshe; va na noga mbeli gwago, va gira milombelo avbo gwago, khavo: Khu lisine Nungungulu womo avbo gwago basi; vbavbandze gwaye, mwalo mumbe Nungungulu.”

Isaya 45:22

Wuyani avbo gwangu, mu na ta vbanyiswa enu mwatshavbo mutago khu mahegiso nya litigo; kholu eni kheni Nungungulu, mwalo mumbe.

Isaya 49:12

Wonani nya gukhenu va nata khu hwindzo, vambe va nata khu Wuronga, vambe khu Pfoladambo ni vambe khu tigoni ga Sinimi.

Isaya 49:23

Vafumeli va na khala vasayisi vago, ni dzipfhumugadzi dzawe, dzi na khala vamayi vago; va na noga mbeli gwago va tsitsa khu khovbe va dandzela kudzudzwane wa migondroni gwago. Khavbo avbo, u na si pima gukhuwe, eni kheni Pfhumu Nungungulu, avo va nyi tumbago kha va na thedwa dzitshoni.

Isaya 56:8

A ngu ganela kharati Mune, Pfhumu Nungungulu oyu a tombanisago vatshavbo va nga bani va dusidwe tigoni ga Israyeli, wari khuye: “Vbavbandze ga vale va tombanisidwego, nyi nga na gu tombanisa vambe.”

Isaya 60:10

Va nya mayigo va na vbahedza makhokhola yago, ni vafumeli vawe va na gu thumela, kholu nyi gu tsayiside khu likhulo langu, aholu khu wuhigo wangu, nyi gu pwede wuhindzi.

Isaya 60:16

U na sela mahwe ya va nya mayigo, u hodza thomba ya vafumeli. Khavbo avbo, u na dziti nya gukhuwe eni kheni Pfhumu Nungungulu, kheni Muvbanyisi ni Mudzegisi wago, nya Dzitshivbe wa Jakobe.

Isaya 62:2

Mayigo ma na wona gululama gwago, ni vafumeli vatshavbo, va na wona wudhumo wago; u na ranwa khu lina nya liphya u na riywago khu Pfhumu Nungungulu.

Isaya 66:12

Kholu Pfhumu Nungungulu a ngu ganela kharati, khuye: Wonani nya gukhenu nyi na mi resela gurula nya gungi, nya gukhwatshi tsongo wu khulungago, gumogo ni thomba nya mayigo, gukhwatshi gitsongwana gi gogago. Khavbo avbo, mu na mama, va mi wugarela mawogoni, va mi ladzisa vbamarumbitunu gwawe.

Amosi 9:12

gasi vathu vangu va fumela mitshaledwa ya Edhomi ni mayigo yatshavbo ma ranwago khu lina langu, a ngu ganela Pfhumu Nungungulu, a girago silo sesi.

Zakariya 2:11

Khu litshigu lolo, mayigo nya gutale ma na ta dzi tshanganisa ga Pfhumu Nungungulu, va na khala vathu vangu; nyi na vbanya vbakari gwago, khavbo u na dzitigo gukhuwe Pfhumu Nungungulu nya Tshivba Yatshavbo, a nyi rumede gwago.

Matewu 28:19

Khu kharato, indrani mu gimbila mu hevbudza mayigo yatshavbo, mu bhapatisa vathu khu lina la Babe, ni la Mwamana, ni la Liphuvbo nya Guage.

Luka 24:47

ni gupwani, khu lina laye, gu na hevbudzwa mayigoni gwatshavbo gu vbindrugedza mavbanyelo ni tsetselelo nya sighoho, gukhugela Jerusalema.

Johane 12:32

Gasi eni, gikhati nyi na khusedzwago vbatshani, nyi na ndrindra vathu vatshavbo vata gwangu.”

Mithumo 13:47

Kholu Pfhumu a hi rumide, khuye: Eni nyi gu vegide kha nga wenengedzo nya mayigo gasi u khale ndzila nya guvbanyiswe gwawe kala mahegiso nya litigo.

Mithumo 15:17

gasi vathu vatshavbo vale va nga tshadego va vbwete Pfhumu. Gumogo ni va nya mayigo vatshavbo va agisedwego Lina langu,

Gutuledwa 11:15

Ngilozi nya livbandre na dzimbili yi di womba pundru. Khavbo avbo, gu di pwala ndzadzini na va gu kulungela khu tshivba, khavo: “Olu, Mufumo nya litigo wa gu lumba Pfhumu yathu, ni Kristo a na fumago kala gupindruga nya gupindruge.”

Gutuledwa 21:24

Mayigo ma na gimbila vbakari nya safa nya wenengedzo waye. Ni vafumeli nya mayigo va nata, va resa dzithomba dzawe dhoropani.