Isaya 60:1 - Bhibhiliya Nya Guage

¹ Jerusalema, khuga u ema u ngangamela, kholu, wenengedzo wago wu vbohide! Wudhumo wa Pfhumu Nungungulu wu ngu wenengedza vbatshani gwago.

Isaya 60:1 Iomraidhean Croise

Dzindzimo 102:16

Kholu Pfhumu Nungungulu a na vbahedza nyaluphye Siyoni a dzi wonegisa khu wudhumo waye.

Dzindzimo 87:3

Uwe lidhoropa la Nungungulu, si ngu tsakisa iso vathu va ganelago, khu gu gu zundza.

Isaya 2:5

Enu livelego la Jakobe deluni, hi gimbile guwonegelani ga Pfhumu Nungungulu.

Isaya 24:23

Khu guralo, ngima wu na khala dzitshoni, ni lidambo li na hembuludwa, kholu Pfhumu Nungungulu nya Tshivba Yatshavbo, a na fuma gigomoni gya Siyoni ni dhoropani ga Jerusalema; a na yeyedza wudhumo waye mbeli ga madhota yaye.

Isaya 28:5

Ga litshigu lolo, Pfhumu Nungungulu nya Tshivba Yatshavbo a na khala gihugu nya wuzundzo ni wumburi ga mitshaledwa nya vathu vaye.

Isaya 35:2

Khu kharato si na rumbuga senge, si kulungela khu gunengela, si embelela khu gutsaka; va na ningwa wudhumo wa Libhanoni, ni wa Saromi, ni gungangamela nya gigomo Karameli; vathu va na wona wudhumo wa Pfhumu Nungungulu, ni gungangamela ga Nungungulu wathu.

Isaya 4:5

Pfhumu Nungungulu a na gira lipfhi a fenengedza vbatshani nya gigomo gya Siyoni ni umo va tshanganelago umo vathu, a na gu fenengedza khu lipfhi mihani yile, vbawutshigutunu, gu tuviga wutshi ni gungangamela nya nilo; kholu gungangamela ga Pfhumu gu na gu fenengedza khu maphuvbo yatshavbo.

Isaya 42:6

Eni, Pfhumu Nungungulu, nyi gu ranide guta thuma gululama, nyi na gu phara khu libogo, nyi gu sayisa, nyi na gu gira mutshanganisi nya vathu ni wenengedzo wa va nya mayigo;

Isaya 58:8

Wa gu gira kharalo, mwenge wago wu na wenga kha nga Wuronga, silondra sago kha si na hwela guvbola, gululama gu na thanga mbeli gwago, u na vhikedwa khu wudhumo wa Pfhumu Nungungulu.

Isaya 62:1

Khu kotani nya lihaladzo nyi gu nalo ni Siyoni, kha nyi na degula, khu lihaladzo langu ga Jerusalema, gima kha nyi na hefemula, kala gululama gwago gu duga kha nga wuronga, guvbanyisa gwago, kha nga mwenge wu khondrago.

Isaya 62:2

Mayigo ma na wona gululama gwago, ni vafumeli vatshavbo, va na wona wudhumo wago; u na ranwa khu lina nya liphya u na riywago khu Pfhumu Nungungulu.

Isaya 66:11

Kholu mu na mama mu khura, khu mahwe nya gutangadzise gwaye; gasi mu buza mu bwelo khavbo mu tsakiswa khu gu tala ni gungangamela nya wudhumo waye.”

Isaya 9:2

Vathu va nga bani va gimbila gidemani va wonide wenengedzo nya wukhongolo, ni avo va nga bani va vbanyela mutsani nya lufu, wu wonegide gwawe wenengedzo.

Ezekiyeli 43:4

Wudhumo wa Pfhumu Nungungulu wu di bela Nyumbani ga Nungungulu khu mwanya wu nga bani wu khedzide phuvbo ga Khugadambo.

Matewu 4:16

Vathu va nga bani va gu vbanyela mugidemani, va wonide wenengedzo nya wukhongolo ni avo va nga bani va gu vbanyela mugusivbalani nya lufu, va tumbulugedwe khu wenengedzo.”

Matewu 5:16

Khu kharato wu na dzure mwenge wanu mahoni nya vathu, gasi, va wone mithumo yanu nya yadi, va dhumise Babe wanu a guromo Ndzadzini.

Luka 2:32

Uye khuye wenengedzo wu na gu wenengedzago va nya mayigo, Uye gambe gidhumo gya Israyeli, ngamo yago.”

Johane 1:9

Lito li diri wenengedzo nya lisine, wu ngatago mafuni gasi guta wenengedza muthu watshavbo.

Johane 12:46

Eni nyi dzude tigoni kha nga wenengedzo gasi muthu watshavbo a khodwago gwangu a si khali gidemani.

Johane 3:19

“Igyo gi na va mbembisago, khegi: Guwonegela gu dzude mafuni, aholu vathu va di gola ngudzu gidema guvbindra guwonegela, kholu mithumo yawe yi vivbide.

Johane 8:12

Jesu a di va embela gambe, khuye: “Eni kheni wenengedzo nya litigo. Uye a nyi landrelago kha na gimbila gidemani, aholu a na bani ari ni guwonegela nya guvbanye.”

Vaefeso 5:14

kholu silo satshavbo sa gu khala guwonegelani, sa gu wenengedzwa. Khidzo gu ganedwago pwani: “Khendzuga uwe u ladego, wuga khu ga vafudego, Kristo a na gu wenengedza.”

Vaefeso 5:8

Enu, gale mu di gu vbanya gidemani. Gasi olu, mu nga tshanganiswa ni Pfhumu, mu womo guwonegelani. Khavbo avbo, dzi phareni kha nga vathu va vbanyago safani nya mihani.

Vafilipi 2:15

mu yeyedza kharati gukhenu mu vathu nya gululame, nya dzifanelo, gukhenu mu sanana sa Nungungulu, mu khala na mu agide nyambana gihoso vbakari nya vathu nya guwegele nya guvivbedwe khu monyo. Guvbwetega mu ngangamela vbakari nya vathu vovo kha nga myenge ya mafuni,

1 Pedro 4:14

Enu mu kategide mwa gu vadwa khu kotani nya lina la Kristo, kholu, gu yeyedza gupwani Liphuvbo nya wudhumo a gu Liphuvbo la Nungungulu lomo avbo gwanu.

Gutuledwa 21:11

Lidhoropa li di ngangamela khu wudhumo wa Nungungulu. Gu aga gwaye gu di gira nga giwindri nya gukhedzige ngudzu nga giwindri nya jasiperi nya guage nga libona.

Gutuledwa 21:23

Lidhoropa lakone khali vbweti lidambo, ambari ngima gu wenengedza, kholu la gu wenengedzwa khu wudhumo wa Nungungulu, wenengedzo waye khu Nvutana.

Gutuledwa 22:5

Gima kha gu na manega gambe wutshigu; kha gu na vbwetega safa nya mwenge, ambari guwenengedza nya lidambo, kholu Pfhumu Nungungulu a na wenengedza vbatshani gwawe, avo va na fuma khu gupindruga nya gupindruge.