Isaya 6:9 - Bhibhiliya Nya Guage

⁹ Khavbo avbo, Uye a di nyi embela, khuye: “Gimbila u ya embela vathu vovo, khuwe: Mu na pwa khu dzindzeve dzanu, aholu kha mu na si pima; mu na khedza khu maho yanu, aholu kha mu na wona gilo.”

Isaya 6:9 Iomraidhean Croise

Mavingu 28:5

Vathu nya guvivbedwe khu myonyo kha va siti iso nya gululame, aholu avo va vbwetago Pfhumu Nungungulu, va nguti silo satshavbo.

Isaya 28:13

Khu guralo, magana ya Pfhumu Nungungulu ma na khala milayo vbatshani nya milayo, milayo gu engedza yimbe milayo; nongameto vbatshani nya nongameto, nongameto wu engedza wumbe nongameto; sidugwana avba, sidugwana vbale; gasi gikhati va gimbilago, va thega khu nyagihwane; va tshunganiswa va modwa khu naphwi.

Isaya 29:10

Kholu, Pfhumu Nungungulu guhude vbatshani gwanu liphuvbo nya ligovbe nya likhongolo, a sega maho yanu, a gu vaprofeti; a fenengedza vathangeli vanu, a gu vama nya liwoni va tugulago misihalo.

Isaya 29:13

Kholu Pfhumu ganede, khuye: Kha nga olu vathu vava va hidzimelago avbo gwangu khu magana ma dugago khu kanani gwawe, va gu nyi dhumisa khu magana basi, aholu myonyo yawe yomo hwindzo ngudzu ni Eni, kholu githawo gyawe ni Eni gya gu manega basi khu milayo va mi hevbudego ni vathu.

Isaya 29:14

Khu guralo, nyi na simama gu gira mithumo nya gusamadzise vbakari nya vathu vava, eyi yi liwugisago ni guthurugisa; kholu guti ga va nya gugengela vawe gu na fuva, ni gupima ga vathu vawe nya gugengele gu na vbela.

Isaya 42:20

Uwe u ngu wona silo nya singi, aholu khu si vegedzi; ambari wa gu tula dzindzeve dzago, khu yingisi gilo.

Isaya 43:8

Wuyisani vathu va gu ni maho, aholu na vari sikhumu, ni avo va gu ni dzindzeve, aholu na vari sivbwiri.

Jeremiya 5:21

“Olu yingisani esi enu vathunu nya mapemi ni gumbana mapimo, mu gu na ni maho, aholu mu si woni; ni dzindzeve gambe kha mu yingisi.”

Ezekiyeli 12:2

“Mwamana wa muthu, uwe wa gu vbanya vbakari nya vathu nya gukanyise, avo va na ni maho gasi gu wona, aholu kha va woni; ni dzindzeve gasi gupwa, aholu kha vapwi, khu guralo, vathu nya gukanyise.

Hoseya 1:9

Pfhumu Nungungulu a di mu embela, khuye: Mu riye lina la Lo-Ami, gutshamusago gupwani khandri vathu vangu, kholu kha mwi vathu vangu, eni neni kha nyiri Nungungulu wanu.

Marko 4:12

gasi: Va khedzisa va wona, aholu va si woni gilo; va yingisa, aholu va si si mani; kholu, va nga vbindrugedza mavbanyelo va gu tsetseledwa sighoho sawe.

Luka 8:10

Jesu a di va hakha, khuye: “Ga enu, Nungungulu a ngu tivisa misihalo nya mufumo waye; gasi ga vambe, a gu ganela khu sipimaniso, gufela gukhuye va ronoge, aholu va si woni; vapwe aholu va si si pimi.

Johane 12:40

“A di va sega maho, a gu bangisa myonyo yawe, gasi va si woni khu maho, ni gumba pima khu myonyo yawe, gufela gu va si vbindrugedzi mavbanyelo, nyi va vbanyisa.”

Varoma 11:8

kha nga gu lovidwego umo nya Milowo nya Guage, pwani: “Nungungulu a di va gira va si theli kota; a va ninga maho nyamba wona, ni dzindzeve nyamba pwa, kala matshigu ya muhuno.”

Dhewuteronome 29:4

Eni nyi mi gimbidziside gipimo nya magumana myaga giwulani, aholu guambala gwanu mu nga bani mu ambala kha gwa kuwuluga ni silato sa migondroni gwanu kha sa hagala.