Isaya 6:5 - Bhibhiliya Nya Guage

⁵ Khavbo avbo, nyi di ganela, kheni: “Libango langu! Nyi fude! Kholu nyi muthu nya likana nya gunyenyeze, nyi vbanyago vbakari ga vathu nya gunyenyeze, maho yangu ma wonide Mufumeli, Pfhumu Nungungulu nya Tshivba Yatshavbo!”

Isaya 6:5 Iomraidhean Croise

Genesi 32:31

Li di gu khuga lidambo gikhati Jakobe a dugidego khu Penuweli, na gu ndzodola khu kotani nya nyonga yaye yi nga khuyuswago.

Dzindzimo 24:10

Khu mani Mufumeli yoyo nya Wudhumo? Khu Pfhumu Nungungulu nya Tshivba Yatshavbo. Khuye a gu Mufumeli nya Wudhumo.

Ekisodha 24:10

va ya wona Nungungulu wa Israyeli. Vbavbatshi nya migondro yaye gu di romo gilo nya gufanane ni giwindri nya guvatwe nya safira, nya guphatime kha nga ndzadzini.

Ekisodha 3:6

A di engedza gambe a mu embela, khuye: “Eni kheni Nungungulu wa vababe vago, Nungungulu wa Abrahama, Nungungulu wa Isaki ni Nungungulu wa Jakobe.” Mosi a di fenengedza khovbe yaye kholu, a di thava gu wona Nungungulu.

Ekisodha 33:20

A di engedza gambe, khuye: “Aholu uwe khu dzi kodzi gu wona khovbe yangu, kholu muthu kha dzi kodzi gu nyi wona a wuya a simama guvbanya.”

Ekisodha 4:10

Khavbo avbo, Mosi a di embela Pfhumu Nungungulu, khuye: “U na nyi divalela, Pfhumu yangu, eni khandri nyi muthu nya gukodze gu ganela, kholu gukhugela gale ni gale, eni nyi muthu nya gilimiti ni gukangamela gu ganela.”

Ekisodha 6:12

Aholu Mosi a di ganela ga Pfhumu Nungungulu, khuye: “Wona gukhuwe sanana sa Israyeli kha si nyi yingisi. A na nyi yingisa kharini Faro, olu eni nyi si kodzigo gu ganela?”

Ekisodha 6:30

Khavbo avbo, Mosi a di hakha Pfhumu Nungungulu, khuye: “Wona nya gukhuwe eni kha nyi kodzi gu ganela; a na nyi yingisa kharini Faro?”

Isaya 24:16

Gukhugela mahegiso nya litigo, hi pwide na gu embeledwa, gupwani: “Wudhumo ga uye a lulamidego!” Aholu eni nyari, kheni: Nyi vbede tshivba, nyi vbede tshivba! Libango langu! Valogovedzi, va ngu nyi logovedza! Kholu va gu logovedza, kha va garali khu nyi logovedza.

Isaya 29:13

Kholu Pfhumu ganede, khuye: Kha nga olu vathu vava va hidzimelago avbo gwangu khu magana ma dugago khu kanani gwawe, va gu nyi dhumisa khu magana basi, aholu myonyo yawe yomo hwindzo ngudzu ni Eni, kholu githawo gyawe ni Eni gya gu manega basi khu milayo va mi hevbudego ni vathu.

Isaya 33:17

A na wona wumburi wa mufumeli khu maho yaye, va wona litigo li ladzidego kala hwindzo.

Isaya 59:3

Kholu mandza yanu ma nyenyezisidwe khu novba, ni dzinyala dzanu dzi tade khu guvivba; khu maganani gwanu gu duga malipha, ni malimi yanu, ma gu ganela guvivba.

Isaya 64:6

Aholu ethu hatshavbo hi womo kha nga wule a nyenyezidego, ni gululama gwathu gwatshavbo, kha nga mwendra nya gunyenyeze; hatshavbo hi ngu wu na kha nga mahagane, ni guvivba gwathu, gwa gu fanana ni phuvbo yi hi vbuvbisago.

Jeremiya 1:6

Khavbo avbo, eni nyi di hakha, kheni: “Oh! Pfhumu Nungungulu! Wona nya gukhuwe kha nyi kodzi gu ganela; kholu eni nyi ngari gyanana.”

Jeremiya 51:57

Pfhumu Nungungulu a ngu ganela, khuye: “Nyi na levisa vathangeli ni vagengeli vawe, vafumeli, dzindruna ni masotshwa yawe, va na lala ligovbe nya gupindruge nyamba khendzuga gambe; a ngu ganela Mufumeli, lina laye a gu uye Pfhumu, Nungungulu nya Tshivba Yatshavbo.

Ezekiyeli 12:2

“Mwamana wa muthu, uwe wa gu vbanya vbakari nya vathu nya gukanyise, avo va na ni maho gasi gu wona, aholu kha va woni; ni dzindzeve gasi gupwa, aholu kha vapwi, khu guralo, vathu nya gukanyise.

Ezekiyeli 33:31

Avo va guta gwago kha nga giolovedzo gyawe, va gu khala mbeli gwago gasi gu yingisa magana yago, aholu kha va ma landrisi. Va gu ganela khu magana khavo va ngu nyi gola, narigu khu myonyoni gwawe va gu alakanyela bhindzu nyambana fanelo.

Dhaniyeli 9:20

Na nyi nga guganela ni gu lombelela, nyi dawulela sighoho sangu ni sighoho sa vathu vangu va na Israyeli, nyi resa gilombo gyangu ga Pfhumu Nungungulu wangu, khu kotani nya gigomo gyaye nya gukatege,

Habhakuka 3:16

Avbo nyi nga mupwago, monyo wangu wu di ndrendremela, khu lito laye, sigundru sangu si di ndrendremela, maramboni gwangu gu bela guhina, eni na nyi gu ndrendremela; a na nyi hefemudze litshigu nya wuvi na nyi tangade, avbo a na gutago ata wugela vathu a va tsayisa.

Mitengo 17:12

Khavbo avbo, va na Israyeli va di ganela ga Mosi va mu embela, khavo: “A gu bani nari kharato hi vbede, hi fude! Hi na bani hi fude ethu hatshavbo!

Valamuli 13:22

Aholu Manowa, a di embela mwangadzi waye, khuye: “Khu lisine hi nafa, kholu hi wonide Nungungulu.”

Valamuli 6:22

Khavbo avbo, Gidhiyoni a di wona gukhuye a diri Ngilozi ya Pfhumu Nungungulu; a di ganela, khuye: “Oh, Pfhumu nya Tshivba Yatshavbo! Nyi wonide Ngilozi ya Pfhumu Nungungulu khovbe ni khovbe!”