Isaya 6:3 - Bhibhiliya Nya Guage

³ Mweyo ni mweyo, yi di khusa lito yi ganela ga dzimbe, khiyo: “Agide, Agide, Agide Pfhumu Nungungulu nya Tshivba Yatshavbo, mafuni gwatshavbo gu tade khu wudhumo waye.”

Isaya 6:3 Iomraidhean Croise

Ezira 3:11

Va di embelela ga Pfhumu Nungungulu ndzimo yeyi, khavo: “Khwadi wuhindzi waye ni Israyeli khwa gu kala gupindruga!” Vatshavbo vathu, va di khusedza malito va gira ligwaha nya likhongolo va kulungela ni gu dhumisa Pfhumu Nungungulu, khu gu tsitswa nya siseketelo nya nyumba yaye.

Dzindzimo 57:11

Nungungulu, wonegisa wugulu wago ndzadzini; Wudhumo wago wu na fenengedze litigo latshavbo.

Dzindzimo 66:2

Embani dzindzimo nya gukhusedze lina laye, yeyedzani githawo khu gu mu dhumisa!

Dzindzimo 72:19

Lina laye nya wudhumo, li na simame kala gupindruga, wudhumo waye wu na tadze litigo latshavbo! Amen! Amen!

Dzindzimo 8:2

Khu kanani nya sanana sidugwana ni esi sa beleni u thede tshivba, khu kotani ya valala vawe, si degudza ava va gu wugelago.

Dzindzimo 90:16

Yeyedza wugulu nya tshivba yago ga sithumi sago ni sanana sathu si na wone wudhumo wago!

Dzindzimo 97:6

Ndzadzini gwa gu tivisa gululama gwaye, ni mafuni va wona wudhumo waye.

Dzindzimo 99:3

Va na dhumise lina lago nya likhongolo nya guthavisege! Kholu li agide.

Dzindzimo 99:9

Rungudzani Pfhumu Nungungulu wathu, mu khozeleni gigomoni gwaye nya gukatege! Kholu, Pfhumu Nungungulu wathu agide!

Ekisodha 15:11

Khu mani a fananago nago, Uwe Pfhumu Nungungulu vbakari ga vanungungulu vatshavbo? Khu mani nya gungangamele gu fanana ni Uwe, a fanedego gu thawa ni gu rungudzwa? U giride siliwugiso.

Isaya 24:16

Gukhugela mahegiso nya litigo, hi pwide na gu embeledwa, gupwani: “Wudhumo ga uye a lulamidego!” Aholu eni nyari, kheni: Nyi vbede tshivba, nyi vbede tshivba! Libango langu! Valogovedzi, va ngu nyi logovedza! Kholu va gu logovedza, kha va garali khu nyi logovedza.

Isaya 40:5

Vathu vatshavbo va na wona wudhumo wa Pfhumu Nungungulu, va na si pima gukhavo khu Pfhumu Nungungulu a ganedego isoso khu wurumba waye.”

Isaya 54:5

Kholu Muvangi wago, khuye a gu mwama wago; lina laye a gu uye Pfhumu Nungungulu nya Tshivba Yatshavbo; Mudzegisi wago, khoyu a Agidego wa Israyeli; a ranwago gupwani Nungungulu nya litigo latshavbo.

Ezekiyeli 43:2

Nyi di wona wudhumo wa Nungungulu wa Israyeli, wu nga bani wu guta khu Khugadambo. Lito laye li di gu fanana ni gudzuma nya mavimbi nya mati, ni mafu ma di ngangamela khu kotani nya wudhumo waye.

Ezekiyeli 44:4

Khu hwane, mwama a di nyi dzega kala mbeli nya Nyumba ya Nungungulu, khu mwanya wa phuvbo ga Wuronga, nyi di khedza nyi wona gukheni wudhumo wa Pfhumu Nungungulu wu tadzide Nyumbani gwa Pfhumu Nungungulu; khavbo avbo, nyi di thega khu khovbe vbavbatshi.

Habhakuka 2:14

Kholu litigo li na tala khu wugengeli nya guti wudhumo wa Pfhumu Nungungulu kha nga mati ma tadzago linene.

Zakariya 14:9

Pfhumu Nungungulu a na bani ari uye Pfhumu nya litigo latshavbo; litshigu lolo, Pfhumu Nungungulu a na bani ari moyo basi, ni lina laye li na bani liri ilo longa basi.

Mitengo 14:21

Aholu, khu lisine, kha nga olu nyi vbanyago ni wudhumo wa Pfhumu Nungungulu wu na tadzago litigo, nyi ngu tiyisa gukheni

Vaefeso 1:18

Nya gu lomba gukheni a wenengedze mapimo yanu, gasi mu pime gutumba muni mu ranedwago, muti gutala nya dzithomba a dzi vegisedego afela guya ninga va nya guaga;