Isaya 6:2 - Bhibhiliya Nya Guage

² Vbatshani gwaye gu di emide dziserafini; mweyo ni mweyo nya idzo, yi diri ni livbandre na limwedo mambapi; mambapi mavili ma di fenengedza khovbe, mambe mavili ma di fenengedza mawundru, dzi vbuvba khu mambapi mavili.

Isaya 6:2 Iomraidhean Croise

Genesi 17:3

Abrama a di noga, a tsitsa khovbe vbavbatshi, Nungungulu a mu embela, khuye:

1 Dzipfhumu 19:13

Gikhati Eliya a pwidego gupepa, a di fenengedza khovbe khu libhadzi; khavbo avbo, a di duga a khala vbamwanyatunu nya phago. Gu dita lito li ngata mu wudzisa, khilo: “Eliya, ginani u thumago avba.”

1 Dzipfhumu 22:19

Mikeya a di engedza a ganela, khuye: “Yingisa magana ya Pfhumu Nungungulu: Nyi wonide Pfhumu Nungungulu na khade vbagikhalotunu gwaye nya wufumu, na randredwe khu nyamudye ni nyambade khu sikwata nya sivangwa sa ndzadzini.

1 Dzipfhumu 6:24

Limbapi limwedo nya likerubhimi li diri ni livbandre mikono, limbe limbapi li diri ni pimo yoyo nilo, gukhugela mahegiso nya limbapi kala mahegiso nya limbe limbapi nya likerubhimi, gu enedza likhumi mikono.

1 Dzipfhumu 6:27

A di vega dzikerubhimi dzedzi khu vbakari nya nyumba ya ndrani, dzikerubhimi dzi di thawuludza dzimbapi dzawe; limbapi nya likerubhimi li di ghuma ndzari, ni limbapi nya limbe li di ghuma yimbe ndzari, gasi aya mambe mambapi yawe ma di tshangana vbakari nya nyumba.

1 Dzipfhumu 8:7

Kholu dzikerubhimi dzi di thawuludzide mambapi yawe vbawulangatunu nya Ngasa dzi fenengedza Ngasa ni mipingo yaye khu mambapi yawe.

Nehemiya 9:6

Uwe Pfhumu khuwe basi, u giride gupindruga gwa ndzadzini gu khusegidego ngudzu, ni mabutho yatshavbo nya sivangwa saye, mafu ni satshavbo si guromo umo, yiphwa ni satshavbo si manegago umo; khuwe u vbanyisago sivangwa satshavbo, ni sivangwa sa ndzadzini si ngu gu khozela.

Joba 1:6

Tshigu mwedo sanana sa Nungungulu si ngaya dzi wonegisa mbeli ga Pfhumu, Sathane nuye a diri navo.

Joba 15:15

Ambari Nungungulu kha tumbi sihathwa saye; ambari ndzadzini kha gu woni na gululamide,

Joba 4:18

Nungungulu kha tumbi ambari sithumi saye, ambari ga sirumwa saye a ngu wona sihoso;

Dzindzimo 103:20

Bongani Pfhumu Nungungulu enu dzingilozi dzaye, enu mu gu na ni tshivba mu landrisago milayo yaye ni gu yingisa magana yaye.

Dzindzimo 104:4

Wa gu gira dziphuvbo dzi khala dzingilozi dzago ni malavbelavbe nya nilo ma khala sithumi sago.

Dzindzimo 18:10

A di khilela likerubhimi a puruma, a vbuvba mambapini nya phuvbo.

Dzindzimo 89:7

Khu lisine Nungungulu a ngu thavisega tshanganoni nya sihathwa; a ngu thavisega guvbindra sivangwa satshavbo si mu randredego.

Ekisodha 25:20

Dzikerubhimi dzi na thawuludza dzimbapi dzawe vbatshani, dzi fenengedza gikhalo nya ditshedzo. Dzi na khedzisana, dzikhovbe dzawe dzi na nogela gikhalotunu nya ditshedzo.

Ekisodha 3:6

A di engedza gambe a mu embela, khuye: “Eni kheni Nungungulu wa vababe vago, Nungungulu wa Abrahama, Nungungulu wa Isaki ni Nungungulu wa Jakobe.” Mosi a di fenengedza khovbe yaye kholu, a di thava gu wona Nungungulu.

Ekisodha 37:9

Dzi di thawuludza mambapi vbatshani dzi gu fenengedza gikhalo nya ditshedzo, dza dzimbili dzikhovbe dzawe dzi di khedzisana, dzi khedzisa vbavbatshi, vbagikhalotunu nya ditshedzo.

Isaya 6:6

Khavbo avbo, serafini mweyo yi di vbuvba yi nyi tela; na yi pharide ligala nya nilo mandzani, yi nga vbalago khu gipharo vbagiluvelotunu.

Ezekiyeli 1:11

Dzikhovbe dzawe ni mambapi dzawe, si di hambanisidwe khu vbatshani, gimwegyo ni gimwegyo gi diri ni mambapi mavili, na ma yinganide limwedo ga limbe, mambapi ya mavili, dzi di gu fenengedza sivili dzaso.

Ezekiyeli 1:24

Nyi dipwa ligwaha nya dzimbapi dzawe, gikhati si nga bani si gu vbuvba. Gu di fanana ni ligwaha nya mati nya mangi, gu fanana ni lito la Pfhumu nya Tshivba Yatshavbo. A diri ligwaha nya guthise, nya gufanane ni ligwaha nya libutho nya masotshwa. Gikhati si emago si di neredza mambapi yawe.

Ezekiyeli 1:4

Nyi di khedza nyi wona gingulu gi nga bani gi guta khu Wuronga; lipfhi nya likhongolo, na liri ni nilo nya wukhongolo wu nga bani wu wenengedza malangani gwatshavbo, gu duga khu vbakari gwaye, gilo nya dzisimbi nya gukhedzige gi nga bani gi duga khu vbakari nya nilo.

Ezekiyeli 1:6

aholu gimwegyo ni gimwegyo nya iso gi diri ni dzikhovbe dzina ni mambapi mana.

Ezekiyeli 1:9

Dzimbapi dzawe dzi di yingana, mweyo ga yimbe. Sivangwa sisi si di gimbila guya mbeli, nyamba thendregedza.

Ezekiyeli 10:16

Gikhati dzikerubhimi dzi gimbilago, marodha ma di gimbila nayo; gikhati dzikerubhimi dzi tulago mambapi gasi guvbuvba, marodha ma di hongola nayo.

Ezekiyeli 10:21

Mweyo ni mweyo, yi diri ni dzikhovbe dzina ni mambapi mana, khu vbavbatshi nya mambapi, gu diri ni mandza nya gufanane ni ya muthu.

Dhaniyeli 7:10

Wu di duga tsongo nya nilo khu mbeli gwaye, a thumedwa khu mazanazana nya vathu; mbeli gwaye gu diri ni makhulukhulu nya vathu. Phathani gu di phedwa gu lamudwa mahungu, gu tudwa mabhuku.

Dhaniyeli 9:21

na nyi nga gu lombelela, a dita Gabriyeli, mwama yoyu nyi nga bani nyi mu wonide guhegulani khu giwoniso, na gu vbuvba khu guvbiredza ata nyi kuha khu gikhati nya phaso nya silambo.

Zakariya 3:4

Ngilozi yi di embela avo va nga bani va emide mbeli gwaye, khiyo: “Mu tshuleni dzingandzu dzaye nya gunyenyeze.” Khu hwane a embela Josuwa, khuye: “Wona, nyi gu duside sighoho sago, nyi gu ambagisa dzingandzu nya wuzundzo.”

Luka 1:10

Vathu vatshavbo va di tshala vbavbandze va lombelela khu gikhati nya guvbiswe libani.

Vahebheru 1:7

Nungungulu, a ngu ganela mayelano khu dzingilozi dzaye, khuye: “Nungungulu a gu rumela dzingilozi dzaye dzi khale maphuvbo, ni sithumi saye si khale malavbelavbe nya nilo.”

Gutuledwa 14:6

Nyi di wona gambe yimbe ngilozi na yi gu vbuvba ndzadzini. Yi diri ni Mahungu nya Yadi nya gupindruge, guta embela vathu va vbanyago mafuni, nya mafumbu, ni mahundzu, ni malimi yatshavbo.

Gutuledwa 4:8

Gimwegyo ni gimwegyo nya sirengo sesi gi na ni livbandre na limwedo mambapi nya gutale gwatshavbo khu maho, khu ndrani ni vbavbandze. Wutshigu ni mihani sa gu embelela nyamba garala, khiso: “U agide, U agide, U agide, Pfhumu Nungungulu nya Tshivba Yatshavbo, wule a nga bani ari uye, wule a gu uye, wule a na tago.”

Gutuledwa 7:11

Dzingilozi dzatshavbo dzi nga bani dzi randrede gikhalo nya wufumu, madhota ni sirengo sa sina, va di khidzima mbeli nya gikhalo nya wufumu va gu khozela Nungungulu, khavo:

Gutuledwa 8:13

Nyi di wona ngilozi na yi gu vbuvba ndzadzini, nyi yipwa na yi gu huwelela khu tshivba, khiyo: “Wowe! Wowe! Libango la vale va vbanyago mafuni, gikhati gu na pwalago gudzuma nya mipundru nya dzingilozi dza dzitharu dzi nga tshadego gu womba.”