Isaya 6:12 - Bhibhiliya Nya Guage

¹² Kala Pfhumu Nungungulu a tutumise vathu vaya hwindzo nya lidhoropa, tigoni gwatshavbo gu khala nyambana muthu.

Isaya 6:12 Iomraidhean Croise

2 Dzipfhumu 25:11

Nebhuzaradhani a di dzega avo va nga bani va tshade dhoropani ni avo va nga bani va dzi ningede ga mufumeli wa Bhabhiloni, ni mimbe mitshaledwa nya vathu vatshavbo, Nebhuzaradhani, muthangeli nya vawoneleli, a di va vbagela a va yisa Bhabhiloni.

2 Dzipfhumu 25:21

Va diya songwa Ribala khu mufumeli wa Bhabhiloni, tigoni ga Hamati; Judha a di duswa tigoni gwaye a vbagedwa a yiswa hwindzo ni litigo laye.

Isaya 13:12

Nyi na gira vathu va kala guvbindra ndralama nya guhutwe, va na hamugega guvbindra ndralama ya Ofiri.

Isaya 26:15

Gambe, uwe Pfhumu Nungungulu, u engedzede vathu vava, u va engedzede va tala va gu ambagiside wudhumo, u andriside mivbingano nya litigo lawe latshavbo.

Isaya 5:9

Pfhumu Nungungulu nya Tshivba Yatshavbo, ganede dzindzeveni gwangu nyi mupwa, khuye: “Khu lisine, dzindranga dzatshavbo dzi na vbindrugedza dzi khala giwula, ni mudzinyumbani nya dzikhongolo nya gumbure, gu na tshala nyambana muthu.

Jeremiya 12:7

Nyi digide gu tangadzisa ndranga yangu, nyi digide thomba yangu; nyi ningela gigodwa gyangu mandzani ga valala vaye.

Jeremiya 15:4

Nyi na va ningela va khala gihegiso ga mifumo yatshavbo ya mafuni; khu kotani ya Manasi, mwamana wa Ezekhiya, mufumeli wa Judha, khu satshavbo iso a giridego Jerusalema.

Jeremiya 4:29

Madhoropa yatshavbo ma na tutuma ma thava khu kotani nya ligwaha nya vakhileli nya dzikavalu ni vakhwandri nya siholoma, vathu vaye va na thava va ya sihala sipoponi ni dziphagoni; madhoropa yatshavbo ma na khala na mari marumbi nyamba khadwa khu muthu.

Jeremiya 52:27

Mufumeli wa Bhabhiloni a di ya va songa dhoropani ga Ribala, umo nya gipandre gya Hamati; khu guralo, Judha a di vbagedwa a yiswa hwindzo ni tigoni gwaye.

Gililo 5:20

Ina u na hi divala gikhati gyatshavbo, gani? Ni gu hi pfhurarela khu gikhati nya gingi, gani?

Sofoniya 1:3

Nyi na mbembisa vathu ni sirengo; nyi vbedza sinyoni sa damboni ni dzindzandzi dza phwani; avo va khunguvanyisago vakwawe ni va nya guvivbedwa khu monyo, nyi na fuvisa vathu mafuni, a ngu ganela Pfhumu Nungungulu.

Varoma 11:15

Olu khu gu pfhuraredwa gwawe, litigo li manidego wuhigo nya gutshanganiswe ni Nungungulu, guwani esi si na dugelelago gikhati va na hakhwago nyaluphye? Ni ava va nga bani va fude va na vbanya.

Dhewuteronome 28:64

Pfhumu Nungungulu a na mi phalalegisa ga mayigo yatshavbo gukhugela mahegiso kala mambe mahegiso nya litigo; iyoyo mu na ya thumela vanungungulu nya guvatwe khu misimbo ni siwindri, avo mu si vatigo ambari vababe vanu navo va ngamba vati.