Isaya 6:1 - Bhibhiliya Nya Guage

¹ Khu mwaga a fudego khuwo mufumeli Uziya, nyi wonide Pfhumu na khade vbagikhalotunu nya gikhongolo nya wufumu nya gukhugege, guambala gwaye gu di fenengedza Nyumba nya Miphaso.

Isaya 6:1 Iomraidhean Croise

1 Dzipfhumu 22:19

Mikeya a di engedza a ganela, khuye: “Yingisa magana ya Pfhumu Nungungulu: Nyi wonide Pfhumu Nungungulu na khade vbagikhalotunu gwaye nya wufumu, na randredwe khu nyamudye ni nyambade khu sikwata nya sivangwa sa ndzadzini.

2 Dzipfhumu 15:7

Azariya lade gumogo ni vavelegi vaye, va mu dzingide vbafuvbi ni vavelegi vaye Dhoropani ga Dhavhidhe; wulangani gwaye fumide mwanaye Jotamo.

2 Dzikoronika 18:18

Mikeya a di engedza, khuye: “Olu yingisani lito la Pfhumu Nungungulu: Nyi di wona Pfhumu Nungungulu na khade vbagikhalotunu gwaye nya wufumu, nari gumogo ni dzinyimbi dzaye dza ndzadzini, na dzi emide khu nyamudye gwaye gumogo ni nyambade gwaye.”

Joba 42:5

Nyi di gupwa basi khu dzindzeve, gasi olu nyi ngu gu wona khu maho yangu.

Dzindzimo 108:5

Uwe Nungungulu, nonedza wugulu wago vbatshani ndzadzini, u tadza litigo khu gungangamela nya wudhumo wago.

Dzindzimo 113:5

Khu mani a fananago ni Pfhumu Nungungulu wathu, gikhalo gyaye nya wufumu gyomo vbatshani ngudzu;

Dzindzimo 46:10

Rulani, mu dzitini gukhenu: Eni nyi Nungungulu nyi guromo vbatshani nyi ngu khusedzwa vbakari nya mayigo, nyi ngu zundzwa khu litigo.

Ekisodha 24:9

Mosi, Aroni, Nadhabhi, Abhiyu gumogo ni livbandre na mavili magumi madhota ya Israyeli va di lita gigomoni,

Isaya 1:1

Giwoniso gya Isaya, mwamana wa Amosi, a gi wonidego khu kotani ya Judha ni Jerusalema, matshiguni ya Uziya, Jotamo; Akazi; ni Ezekhiya; vafumeli va Judha.

Isaya 12:4

Ga litshigu lolo, mu na embelela ndzimo yeyi, khenu: “Bongani Pfhumu Nungungulu, mu khozela lina laye, pwadzelani mayigo sigiro saye, ma tiviseni khenu, lina laye likhongolo.

Isaya 57:15

Kholu a gu ganela kharati, wule a Khusegidego, a guromo vbatshani ngudzu, a vbanyago kala gupindruga; uye a gu ni lina li Agidego, khuye: “Eni nya gu vbanyela wulanga wu agidego wu guromo vbatshani ngudzu, aholu nya gu vbanya gambe gumogo ni avo va khuvekidego ni vale va vbedego tshivba, gasi gu tiyisa vale va vbedego tshivba ni gu tiyisa myonyo ya vale va khuvegidego.

Isaya 66:1

Pfhumu Nungungulu a ngu ganela kharati, khuye: Ndzadzini gikhalo gyangu nya wufumu, ni mafuni gigandredzelo nya migondro yangu. Gasi lifumbu muni nya nyumba mu hadzago gu nyi vbahela, ni gasi wulanga muni nyi yelago gu hefemula avbo, na?

Ezekiyeli 1:1

Khu litshigu nya livbandre, nya ngima nya wu na, nya mwaga nya magumararu, eni nyi diri vbakari ga vale va vbagedwego, vbafuvbi ni tsongo wa Kebhari, gu di tulega ndzadzini, nyi di wona siwoniso khu ga Nungungulu.

Ezekiyeli 10:1

Nyi di khusa maho nyi khedza vbatshani nya langwe, nyi wona gilo nya gufanane ni giwindri nya safira gi nga bani giromo vbatshani nya mihungo nya dzikerubhimi, na gi gu fanana ni gikhalo nya wufumu.

Ezekiyeli 10:4

Khu guralo, wudhumo wa Pfhumu Nungungulu wu di duga khu vbatshani nya dzikerubhimi wu ya ema vbamwanyatunu nya Nyumba ya Nungungulu. Lipfhi li di tadza Nyumba ya Nungungulu, ni likupakupa li di manwa khu gungangamela nya wudhumo wa Pfhumu Nungungulu.

Dhaniyeli 10:17

Ina nyi nga dzi kodza kharini gu ganela nago uwe mune wangu? Kholu, gukhugela olu nyi garade, nyi vbede tshivba.

Dhaniyeli 7:9

Na nyi nga gu khevisela, gu di vegwa sikhalo nya wufumu, a dita khala avbo moyo nya lidhota. Dzingandzu dzaye dzi di agide nga thondrwane; ni ndzudzu wa hungoni gwaye, wu di fanana ni mawoya nya wumburi nya nvuta, gikhalo gyaye nya wufumu, gi di fanana ni malavbelavbe nya nilo, marodha yaye, ma di fanana ni gudzura nya nilo.

Mitengo 12:8

Uye nya gu ganela naye likana khu likana, khovbe ni khovbe, nasiri khu sipimaniso; kholu uye a ngu wona mufananiso wa Pfhumu Nungungulu. Olu, khu ginani mu ngamba thava gu lemba githumi gyangu Mosi, na?”

Matewu 25:31

“Gikhati Mwamana wa Muthu a na gu tago na tade khu gidhumo gyaye, nari ni satshavbo sihathwa ni dzingilozi dzatshavbo, gumogo naye a nata khala vbagikhalotunu gwaye nya wufumu.

Johane 1:18

Mwalo muthu a wonidego Nungungulu. Mwanaye wa moyo a gu Nungungulu, a guromo monyoni ga Babe, khuye a nga hi tulela gu muti.

Johane 12:41

Isaya ganede esi kholu a di tuledwe gu wona gidhumo gya Jesu.

1 Thimoti 6:16

Khuye basi a sifigo. Uye khade gungangamelani gu si vbohedwigo khu muthu. Mwalo a mu wonidego, gambe mwalo a dzi kodzago gu mu wona. Ga uye, wudhumo ni tshivba kala gupindruga! Amen.

Gutuledwa 15:8

Nyumba ya Nungungulu yi di tala khu wutshi nya tshivba ni gidhumo gya Nungungulu. Mwalo muthu a nga dzi kodza gu bela Nyumbani ga Nungungulu, gu si gu vbedzisegi satshavbo sitsayiso sile nya livbandre na sivili, si nga bani si pharidwe khu livbandre na dzimbili dzingilozi.

Gutuledwa 20:11

Nyi di wona gambe gikhalo nya gikhongolo nya wufumu nya guage ni wule a nga bani a khade ga igyo. Mahoni gwaye ndzadzi ni mafu si di mwalalega nyamba wonega gambe.

Gutuledwa 3:21

“Wule a na palago nyi na mu dzumedzisa gu khala naye vbagikhalotunu gwangu nya wufumu kha nga eni neni nyi nga palago nyi khadego vbagikhalotunu nya wufumu wa Babe wangu.

Gutuledwa 4:10

madhota yatshavbo nya magumavili na mana ma gu khidzima mbeli ga wule a khadego vbagikhalotunu nya wufumu, gasi gu khozela wule a vbanyago kala gupindruga, va gu tshula sihugu sawe nya wufumu va si vega mbeli nya gikhalo nya wufumu, na va gukhavo:

Gutuledwa 4:2

Khavbo avbo, nyi di dzegela gu beledwa khu Liphuvbo, nyi di wona gikhalo nya wufumu ndzadzini, na khade avbo muthu nya gukari;

Gutuledwa 4:3

uye a nga bani a khade avbo, a di khedziga kha nga giwindri nya jasiperi nigyo nya saridhoniya. Gikhalo gyogyo gi diromo khu vbakari nya wulaho wa ndzadzini, nya gukhedzige kha nga giwindri nya esmeralidha.

Gutuledwa 4:9

Gikhati sirengo sesi si dhumisago ni gu rungudza ni gu bonga wule a khadego vbagikhalotunu nya wufumu, a gu uye a vbanyago kala gupindruga,

Gutuledwa 5:1

Khavbo avbo, nyi di wona libhuku mandzani ga nyamudye ga wule a khadego vbagikhalotunu nya wufumu; li di lovidwe khu ndrani ni vbavbandze, li lemwa khu livbandre na sivili sifungo.

Gutuledwa 5:7

Khavbo avbo, Nvutana yi di ta hakha libhuku khu mandzani ga nyamudye ga wule a khadego vbagikhalotunu nya wufumu.

Gutuledwa 6:16

va di embela sigomo ni siwindri, khavo: “Hi thegeleni mu hi siha ga wule a khadego vbagikhalotunu nya wufumu, ni ga likhulo la Nvutana,