Isaya 59:9 - Bhibhiliya Nya Guage

⁹ Khu guralo, gulamudwa gu ngari hwindzo ni ethu, guvbanyiswa kha gu vbohi vbafuvbi gwathu. Ha gu vbweta wenengedzo, ha gu wona gidema basi; hi vbweta gu gimbila khu safa nya mihani, aholu hi mana gidema.

Isaya 59:9 Iomraidhean Croise

Joba 19:8

Uye tshikide ndzila yangu, kha nyi kodzi guvbindra, fenengedzide khu gidema sindzilanani gwangu.

Joba 30:26

Nyi di gu khevisela silo nya sadi, gambe nyi dugeledwa khu dzimhango, nyi di gu lirela wenengedzo, gu dita gidema.

Dzindzimo 82:5

Sipumbu kha siti gilo, sa gu vbanya gidemani; giseketelo nya nayo ni gululama tigoni, gi ngu tsekatsekiswa.

Mavingu 4:19

Aholu ndzila ya va nya guvivbedwa khu myonyo ya gu fanana ni gidema nya guthise, va gumba wona ni gilo gi va ghumulago.

Isaya 5:30

Khu litshigu lolo, va na bhongela Judha, kha nga gubhonga nya linene, uye a na khedzago tigoni, a na wona basi gidema ni gutshaniseka, lidambo li na pfhupedziswa khu mapfhi nya guthise.

Isaya 59:11

Hatshavbothu ha gu bhonga kha nga sikankanka, hi dilela gu fanana ni sipomba; hi lindrela gulamudwa, aholu kha hi gu mani; hi lindrela guvbanyisa, ugo nugo gu manega hwindzo ni ethu.

Isaya 59:14

Kholu nayo wu thavide, ni gululama gu hidzimede hwindzo; lisine li thegede mitendrelani, ni gululama kha gu dzi kodzi gubela umo.

Isaya 59:8

Kha va vbweti ndzila yi resago gurula, ambari gu gimbila khu gululama; va dzi girede dzindzila nya guwegele, ni wevbini a yi landrago kha gu mani gurula.

Isaya 8:21

Vathu va na legalegiswa ni litigo na va gu tshaniswa ni gupwa ndzala; gikhati va na rerekago khu ndzala, va na vala mufumeli ni Nungungulu wawe, na va gu khedza vbatshani.

Isaya 8:22

Va na khedza mafuni, gambe va na wona tshanisa, gidema ni wuvi nya wukhongolo ngudzu; khu hwane, va na rinywa gidemani nya guthise.

Jeremiya 13:16

Dhumisani Pfhumu Nungungulu wanu, gu si gu vbohi gidema, migondro yanu yi si gu tshunganeli musigomoni nya guthise; avbo mu na gu khedziselago guwonegela, aholu uye a na gu vbindrugedza a resa wutshigu ni gidema nya guthise.

Jeremiya 14:19

Ina va na Judha u va digede muphelo, gani? Ina kamwe monyo wago wa gu swihala khu Siyoni, gani? Khu ginani u hi podego dzimbanga dzi si vboligo, na? Ha gu lindrela gurula, aholu gimwalo nya gyadi hi gi wonago; Ha gu khedzisela gikhati nya guvbanyiswe, aholu ha guta mana wuvi.

Jeremiya 8:15

Hi di gu lirela gukhethu hi na mana gurula, aholu kha ha mana gilo nya gutsakise; hi di khethu hi na mana gikhati nya gu vbodzisedwe, aholu hi di wona wughevenga.

Gililo 3:2

Uye a nyi dzegide a nyi gimbidzisa khu ndzila nya gidema nyamba wonegela.

Gililo 4:14

Va di legalega mudzindzilani kha nga sikhumu na va phorode khu novba, avbo gu ngamba manega ni moyo nya gutiyele gu kuha dzingandzu dzawe. Samec

Amosi 8:9

Khu litshigu lolo, a ngu ganela Pfhumu Nungungulu, Lidambo li na pfola gu ngari vbakari nya mihani, tigoni gu na sivbala khu gidema gu ngari safa nya mihani.

Mikeya 1:12

Kholu vathu va vbanyago Maroti vomo guvbisegani nya gukhongolo ngudzu na va gu lirela guvbanyiswa, aholu kha va na gu mana; kholu libango leli li rumedwe khu Pfhumu Nungungulu, li vboha kala vbanyangwatunu ga Jerusalema.

Habhakuka 1:13

Maho yago ma agide ngudzu ma si goligo gu wona guvivba, ma si tsakiswigo khu gu wona dzitshanisa, khu ginani u wonago va nya guvivbedwa khu monyo u degula, avbo uye nya guvivbedwe khu monyo, a midzago oyu a mu vbindrago khu gululama, na?

1 Vatesalonika 5:3

Gikhati vathu va ganelago, khavo: “Litigo li lade, gu mwalo gilo,” khavbo avbo gu natago, khu gipitipiti, gumbemba vbatshani gwawe. Va na khala nga nyamayi nya mimba gikhati a lumwago, kha va na vbuluga.