Isaya 59:7 - Bhibhiliya Nya Guage

⁷ Migondro yawe ya gu tutumela guvivbani yi gu vbiredza, gasi guya songa muthu nyambana nandru; maalakanyo yawe khya gu gira guvivba, umo va gimbilago, gu sasela ni gumbembisa basi.

Isaya 59:7 Iomraidhean Croise

Mavingu 1:16

Kholu avo va gu tutumela umo nya guvivbe, va vbiredzela gu vbaladza novba.

Mavingu 15:26

Makungo ya vathu nya guvivbedwe khu myonyo, ma nyenyezide mbeli ga Pfhumu Nungungulu, aholu Uye a gu tsakiswa khu magana nya vathu va agidego.

Mavingu 24:9

Maalakanyo nya gipumbu, khu gu gira gighoho, muthu nya matshoho nyenyezide ga vatshavbo.

Mavingu 6:17

Maho nya gu dzi gugumugise, lidimi nya guganele malipha, mandza ma vbaladzago novba nyambana nandru,

Mavingu 6:18

monyo wu lugago makungo nyambasi yadi migondro yi tutumelago gu gira silo nya guvivbe,

Isaya 15:5

Monyo wangu wu ngu lila khu kotani ya Mowabhi; vathu vaye nya guthavisege, va thavede tigoni ga Zowari, gu fanana ni gimombyana nya myaga miraru; kholu va gu lila na va gu gwela khu gigomo gya Luwiti, va gimbila na gu womba huwa khu ndzila yiyago Horonayimi, na va guwomba dzihuwa nya wuvi.

Isaya 32:6

Kholu gipumbu gya gu ganela wupumbu. Ni monyo waye wa gu pimisa basi gu gira silo nya guvivbe ni wughevenga. A gu ganela guvivba a wugela Phumu Nungungulu, a mu liphela. Kha khathali khu gu ninga guhodza vandzale, ni gu ninga mati nya gusele ga wule apwago lidora.

Isaya 55:7

Muthu nya guvivbedwe khu monyo a na dige ndzila yaye nya guwegele, ni oyu nyamba lulama a na dige mipimiso yaye; a na vbindrugedze mavbanyelo a wuya ga Pfhumu Nungungulu, uye a na mu pwela gisiro, wuyani ga Nungungulu wathu, kholu tade khu wuhindzi ni gutsetselela.

Isaya 59:3

Kholu mandza yanu ma nyenyezisidwe khu novba, ni dzinyala dzanu dzi tade khu guvivba; khu maganani gwanu gu duga malipha, ni malimi yanu, ma gu ganela guvivba.

Isaya 60:18

Kha gu na pwala gambe gu ganedwa khu dzihanyi tigoni gwago, khu vaphangi mwendro vapfhungumuli, mivbinganoni gwago. “U na rana mabhiyo yago khuwe “Guvbanyisa” ni dzinyangwa dzago khuwe “Rungudzo.”

Isaya 65:2

Litshigu latshavbo nyi khusedzide mandza yangu, gasi gu rana vathu vava nya guyeyise, va gimbilago khu ndzila nya guwegele, va landrisela silo si godwago khu myonyo yawe.

Isaya 66:18

Kholu mithumo yawe ni mipimiso yawe, nyi ngu yiti! Gi nguta gikhati nyi na gu tombanisago mayigo ni malimi yatshavbo; va nata vata wona wudhumo wangu.

Isaya 66:4

Khu guralo, eni neni nyi na va girela sigaradzo nya sikhongolo, nyi na resa vbatshani gwawe iso si na gu va thelago hwanga; kholu nyi ranide, gambe mwalo a nga nyi hakhago, nyi ganede, gima kha va yingisa; aholu va di gira ugo gu nyenyezidego mbeli gwangu ni gu hatha gu gira iso nyi si si goligo.

Jeremiya 22:17

Aholu, maho ni monyo wago, ma gu vbweta gu wona basi gu tsakiswa khu dzithomba, ni gu vbaladza novba wu gu mwalo nandru, ni gu fuma vathu khu dzihanyi ni wughevenga.

Jeremiya 41:7

Avbo va nga belago vbakari nya lidhoropa, Ismayeli, mwamana wa Netaniya, gumogo ni vama a nga bani nari navo, va di va songa va va rinya namboni.

Gililo 4:13

Libango leli, li vangidwe khu sighoho sa vaprofeti ni sihoso sa vaphasi vawe nya mhamba, va gu avo va songidego vathu nya gululame, va vbaladza novba wawe dhoropani. Nuni

Ezekiyeli 18:12

A tshanisa sisiwana ni vahamugi, a gira wuvafa, a si bweledzi esi a fiyaridego. A khozela sifananiso ni gu gira mithumo nya guvivbe.

Ezekiyeli 22:6

Wona gukhuwe vathangeli vatshavbo va Israyeli, moyo ni moyo nya avo, gukhedza khu tshivba yaye, gimwalo gimbe va nga bani va gira, vbavbandze nya guvbaladze novba basi.

Ezekiyeli 9:9

Uye a di nyi hakha, khuye: “Guvivba ga va na Israyeli ni ga va na Judha, gukhongolo ngudzu; litigo li tade khu novba wu vbaladzidwego, ni lidhoropa li tade khu wudambane. Avo va gu ganela, khavo: Pfhumu Nungungulu dugide tigoni momu; kha hi woni.

Mikeya 7:2

Va nya gululama va fuvide tigoni; gu mwalo gambe vbakari nya vathu uye a lulamidego; vatshavbo vomo va dzi lulamisela gasi gu vbaladza novba; moyo ni moyo womo gu demba ndriyaye khu ligoga.

Matewu 2:16

Khavbo avbo, Herodhi, na wonide khuye pembidwe khu vagengeli vale, a di goroga ngudzu, a ruma gusongetedwa sanana satshavbo nya sikhwathana sa Bhetlehema ni mayigwana yaye yatshavbo, iso si nga bani si si gu vbindrisi myaga mivili, gu landrisa matshigu a nga embedwago khu vagengeli, gikhati a nga va wudzisago.

Gutuledwa 17:6

Nyi di wona nyamayi wule na gu levide khu novba wa va nya gukatega ni novba wa dzifakazi dza Jesu; na nyi mu wone nyi di liwuga ngudzu.