Isaya 59:2 - Bhibhiliya Nya Guage

² Aholu, guvivba gwanu khugo gu mi hambanisago ni Nungungulu wanu; sighoho sanu si sihide khovbe yaye gasi a si mi yingisi.

Isaya 59:2 Iomraidhean Croise

Mavingu 15:29

Pfhumu Nungungulu kha hidzimeli vbafuvbi ga va nya guvivbedwa khu monyo, aholu a na yingisa milombelo ya va nya gululama.

Isaya 1:15

Avbo mu khusedzago mandza yanu mu lombelela, eni nya gu siha khovbe yangu; ambari mwa gu engedzela milombelo yanu, eni kha nyi na mi yingisa, kholu mandza yanu ma tade khu novba.

Isaya 50:1

Pfhumu Nungungulu a ngu ganela kharati, khuye: “Lomo hayi lidangalila nya musi li fakazago gukhilo nyi hude mayi wanu? Mwendro khu mani nyi gu na ni mangava naye, nyi mu rengisidego gwanu? Wonani gukhenu khu kotani nya sighoho sanu, khiso si mi rengisidego, gambe mayi wanu hudwe khu kotani nya sighoho sanu.

Isaya 57:17

Khu kotani nya makolo yaye nya guvivbe ya Israyele, gu nyi giride nyi khuveka nyi tsayisa vathu; ni gu mi sihela khovbe yangu, aholu khu guyeyisa gwaye, a di landra ndzila yi godwago khu monyo waye.

Isaya 58:4

Wonani nya gukhenu, mwa gu hala na mu gu ganedzisana ni gu dwanisana, na mu gu vetana khu sibhakela nya dzihanyi; mwa gu hala kharato, nombelo wanu kha wu na vboha ndzadzini.

Jeremiya 5:25

Guvivba gwanu gu ngu ndreyisa silo sesi, ni sighoho sanu si ngu hidzimisa makategwa hwindzo nanu.

Gililo 1:8

Jerusalema ghohide ngudzu; khu guralo, a dzi nyenyeziside. Vatshavbo va nga bani va mu zundza, olu va gu mu poyila, khu gu wona wumbwiri waye. Uye abune a ngu dzi wona a sihala khu dzitshoni. Tet

Ezekiyeli 39:29

Gima kha nyi na va sihela gambe khovbe yangu, khu guralo, nyi na guhula Liphuvbo langu ga va na Israyeli,” a ngu ganela Mune, Pfhumu Nungungulu.

Mikeya 3:4

Khu guralo, mu na rana Pfhumu Nungungulu, aholu uye kha na mi hakha, gambe khu gikhati gyogyo uye a na mi sihela khovbe yaye, khu kotani nya mithumo nya guvivbe va nyi giredego.

Josuwa 7:11

Israyeli ghohide, a hambanisa gidzumeledzwano gyangu, gile Eni nyi nga mu leletelago, a dzega silo nya gulolele, va si siha, va si pata gumogo ni sibubu sawe.

1 Samuweli 4:3

Avbo va widego lizumbotunu vale va nga tshalago, madhota ya Israyeli ma di ganela, khayo: “Khu ginani Pfhumu Nungungulu a hi digidego muhuno hi padwa khu Vafilisitiya? Hongoleni Silo hi ya dzega Ngasa nya gidzumeledzwano gya Pfhumu Nungungulu, gasi Uye a manege vbakari gwathu, a hi vbulugisa mandzani ga valala vathu.”