Isaya 59:1 - Bhibhiliya Nya Guage

¹ Wonani nya gukhenu gyandza gya Pfhumu kha gya khwenyela nya gu tandrege guvbanyisa; ambari ndzeve yaye kha ya segega, nyamba kodza gupwa.

Isaya 59:1 Iomraidhean Croise

Genesi 18:14

Ina gyomo gilo a gi tandregago Pfhumu Nungungulu, gani? Khu matshigu nya nga aya, mwaga wutago, nyi na wuya gambe khavba, Sara a na bani nari ni gyanana nya gikhwathana.

Dzindzimo 94:9

Ina oyu a nga gira dzindzeve, a na sindrwa gupwa, gani? Oyu a nga girago maho, a na padwa gu wona, gani?

Isaya 50:1

Pfhumu Nungungulu a ngu ganela kharati, khuye: “Lomo hayi lidangalila nya musi li fakazago gukhilo nyi hude mayi wanu? Mwendro khu mani nyi gu na ni mangava naye, nyi mu rengisidego gwanu? Wonani gukhenu khu kotani nya sighoho sanu, khiso si mi rengisidego, gambe mayi wanu hudwe khu kotani nya sighoho sanu.

Isaya 50:2

Khu ginani avbo nyi dzudego gwanu, a ngamba manega ni moyo nya gute dzi wonegisa? Avbo nyi nga rana, mwalo a nga thana? Ina mwa gu pimisa gukhenu libogo langu li rode ngudzu nyamba kodza gu mi dzegisa, gani? Mwendro nyi mwalo gambe tshivba nya gu mi dwanele, gani? Wonani nya gukhenu khu tshivba yangu nyi ngu vbwisa yiphwa, nyi vbindrugedza mitsongo yi khala giwula, dzindzandzi dzifa, dzi nunga khu gu hamuga mati.

Isaya 58:9

Khavbo avbo, wa gu rana Pfhumu Nungungulu, a na gu hakha; wa gu khusa lito u lomba guphaswa, Uye a na hakha, khuye: Nyi womo avba! Isoso si na kodzega basi mwa gu tshulani mikanga mu gu nayo, ni gu diga gu sungedza muthu khu nyala ni gu ganela silo nya malipha

Isaya 6:10

Bangisa myonyo ya vathu vava, u va sega dzindzeve ni maho yawe, gasi va sipwi khu dzindzeve dzawe, va si woni khu maho yawe, va si pimisi khu monyo wawe, gasi va vbindrugedza mavbanyelo nyi va vbanyisa.

Isaya 63:1

Khu mani muthu yoyu atago khu dhoropani ga Bhozira, tsindza wa Edhomi, na ambade dzingandzu nya gufuvile? Oyu a ambadego dzingandzu nya wuzundzo a gimbilago na tade khu tshivba yaye nya yikhongolo? Kheni oyu nyi ganelago khu gululama, na nyiri ni tshivba nya guvbanyise.

Isaya 65:24

Gikhati va lombelelago, nyi na va ninga phindrulo na va si gu vbedzi; na va nga guganela, eni nyi na va yingisa.

Jeremiya 14:9

Khu ginani u gira nga muthu a garadego, mwendro ndrena nyambana tshivba yi gumba kodza gu vbanyisa? Aholu uwe Pfhumu Nungungulu, u womo vbakari gwathu, ethu ha gu ranwa khu lina lago; u nga hi digi.

Jeremiya 32:17

Oh! Uwe Pfhumu Nungungulu wangu, khuwe u giridego ndzadzini ni mafuni khu tshivba yago nya yikhongolo ni libogo lago nya guthawuluge; avbo gwago gimwalo gi si kodzegigo.

Ezekiyeli 8:18

Khu guralo, nyi na va lamula khu likhulo; kha nyi na va pwela gisiro, gambe kha nyi na va tsetsa. Ambari va gu womba huwa dzindzeveni gwangu, kha nyi na va yingisa.”

Mikeya 2:7

Enu mu gu situgulwana sa Jakobe, ina Liphuvbo la Pfhumu Nungungulu li ngu vbiredza gu goroga, gani? Ina khayo aya mathumelo yaye, gani? Ina magana yangu ma ngu gira wuwadi ga wule a gimbilago khu ndzila nya gululame, gani?

Mitengo 11:23

Khu guralo, Pfhumu Nungungulu a di phindrula Mosi, khuye: “Ina tshivba ya Pfhumu Nungungulu yi di vbunguga, gani? Olu u na wona wabune gukhuwe esi nyi gu embelago si na girega mwendro kha si na girega.”

Matewu 13:15

Kholu myonyo ya vathu vava yi bangide, va segide dzindzeve ni maho yawe, gasi va si woni khu maho, va si yingisi khu dzindzeve, ni gu mana gwadi tshamuselo wakone, va vbindrugedze mavbanyelo, gasi eni nyi va vbanyise.’

Vahebheru 7:25

Khu guralo, uye a ngu dzi kodza gu vbanyisa, olu ni gikhati gyatshavbo, vale va hidzimelago ga Nungungulu khu uye, kholu a ngu vbanya kala gupindruga gasi gu lombelela khu avo ga Nungungulu.

1 Samuweli 4:3

Avbo va widego lizumbotunu vale va nga tshalago, madhota ya Israyeli ma di ganela, khayo: “Khu ginani Pfhumu Nungungulu a hi digidego muhuno hi padwa khu Vafilisitiya? Hongoleni Silo hi ya dzega Ngasa nya gidzumeledzwano gya Pfhumu Nungungulu, gasi Uye a manege vbakari gwathu, a hi vbulugisa mandzani ga valala vathu.”

1 Samuweli 8:18

Khu guralo, khu litshigu lolo, mu na lila khu kotani nya mufumeli mu na gu bani mu mu hathide; aholu khu gikhati gyogyo, Pfhumu Nungungulu kha na mi yingisa.”