Isaya 57:5 - Bhibhiliya Nya Guage

⁵ enu mu dzi furumedzago khu sifananiso vbavbatshi nya misimbo nya minvula ni vbavbatshi nya misimbo yatshavbo yi nyugago, mu songa sanana sanu mikovani, mu gira khiso miphaso mitsongoni, ni dziphagoni nya siwindri, gani?

Isaya 57:5 Iomraidhean Croise

1 Dzipfhumu 14:23

Kholu avo navo, va di vbaha siluvelo malangani nya sigomo, ni gifananiso gya Asitaroti musigomoni gwatshavbo ni vbavbatshi nya misimbo yatshavbo nya gunyuge.

2 Dzipfhumu 17:10

Va di emisa sifananiso ni sithombe sa Asitaroti, malangani yatshavbo nya gukhugege ni vbavbatshi nya misimbo yatshavbo yi thelago mahagane nya gunyuge.

2 Dzipfhumu 17:7

Si giregide kharato, kholu va na Israyeli va di ghohede Pfhumu Nungungulu wawe, Uye a va dusidego khu tigoni ga Egipito, vbavbatshi nya gyandza gya Faro, mufumeli wa Egipito; va khozela vambe vanungungulu.

2 Dzipfhumu 23:10

A di nyenyezisa gambe Tofeti, wulanga nya guvbisedwe avbo, wu guromo kovani ga sanana sa Himoni, gasi gu si manegi ni moyo a yelago gu vbisa gyanana gyaye nya gikhwathana mwendro nya nyamahegyane a phasela Moloki.

2 Dzikoronika 28:3

Vbiside gambe mabani kovani wa gyanana gya Bheni-Hinomi, a vbisa ni sanana saye niloni, a landrela mavbanyelo ya va nya mayigo ava Pfhumu Nungungulu a va tutumisidego mbeli ga va na Israyeli.

Ekisodha 32:6

Khu mindru gakone, ni dzimindru, va di ningela dzimhamba nya miphaso nya guvbiswe ni dzimhamba nya gubonge. Vathu va di khala vbavbatshi va hodza, va sela, va khuga va hana, va gu ghiya.

Isaya 1:29

Mu na khala dzitshoni khu kotani nya miguhu yi nga bani yi mi tsakisa, mu thedwa dzitshoni khu marembwe mu ma hathidego.

Jeremiya 17:2

Sanana sawe sa gu alakanya siluvelo sawe, ni umo nya sifananiso sa Asera, ni vbavbatshi nya misimbo nya gunyuge ni musigomoni.

Jeremiya 2:20

Gukhugela gale, nyi fanyide kanga wago, nyi kavilela dzitshinga dzi nga bani dzi gu hungide, uwe u di ganela, khuwe: “Gima kha nyi na ghoha gambe aholu u di noga musigomoni satshavbo nya gulaphe, ni vbavbatshi nya misimbo yatshavbo nya gunyuge, u gira wuphuphulu.”

Jeremiya 3:13

Gu vbwetega basi gu dzumela gighoho gyago, kholu khwa tumbega gilo ga Pfhumu Nungungulu wago, u di khozela vanungungulu va nya mayigo vbavbatshi nya misimbo nya gunyuge, gambe khwa yingisa gilo lito langu; a ngu ganela Pfhumu Nungungulu.

Jeremiya 3:6

Pfhumu Nungungulu a di ganela gambe gikhatini gya mufumeli Josiya, khuye: U wonide iso a giridego Israyeli, muthu nyamba tumbega, gani? A di gwela sigomoni gwatshavbo nya gukhugege ni vbavbatshi nya misimbo nya gunyuge, a gira umo wuphuphulu waye watshavbo.

Jeremiya 32:35

Va di emisa siluvelo nya guphasele Bhahali, kovani wa mwamana wa Hinomi, gasi gu ya vbisa iyoyo sanana sawe nya sikhwathana ni iso nya sagadzyana, va vbisela Moloki, iso Eni nyi ngamba va ruma ambari gu vbindra khu hungoni gwangu, va gira manyala nya nga ayoyo, gasi gu thela va na Judha mugighohoni.

Jeremiya 50:38

Gu na manega gambe lihani, li vbwisa mitsongo yawe yi khala gihala nyambana mati! Kholu tigoni gwawe gu tade khu vanungungulu nya sifananiso si hambanisago mapimo nya vathu vawe.

Jeremiya 51:7

Litigo la Bhabhiloni li di gu fanana ni gikombe nya ndralama Pfhumu Nungungulu a pharidego mandzani, a sedza a levisa litigo latshavbo; mayigo ma di sela vbinyu yaye; khu guralo, ayo ma di handrugiswa mapimo.

Jeremiya 7:31

Va vbahide malanga nya gulaphe nya gukhozele umo tigoni ga Tofeti, kovani ga mwamana wa Hinomi, gasi guya vbisela umo sanana sawe nya sikhwathana nesi nya sagadzyana khu nilo; silo nyi ngamba va ruma ambari gu si alakanya monyoni gwangu.

Ezekiyeli 16:20

Gu diga isoso, u dzegide ambari ni sanana sago nya sikhwathana ni sagadzyana u nyi velegedego, u gira khiso miphaso, gasi si hodzwa khu sithombe soso. Ina khu guralo, wuphuphulu wago wu dugwana, gani?

Ezekiyeli 20:26

nyi di va diga va dzi nyenyezisa khu kotani nya miningelo yawe, ni gu gira miphaso nya guvbiswe sanana nya matiwula, gasi nyi va thela hwanga, va kodza gu nyiti gukhavo eni kheni Pfhumu Nungungulu.

Ezekiyeli 20:28

Kholu avbo nyi nga va resago ga litigo nyi va tumbiside gu va ninga, gikhati va nga wona vbale gigomo nya gulaphe, mwendro simbo nya khongolo, va di ya gira avbo miphaso yawe, va di gira miningelo yi nga bani yi wusa likhulo langu, va di gu bikela libani ni miningelo yawe nya mawadwa.

Ezekiyeli 20:31

Gikhati mu ningelago miningelo yanu, ni miphaso nya guvbise niloni sanana sanu, ina khandri mwa gu simama gu dzi nyenyezisa khu sifananiso sanu satshavbo, kala muhuno, gani? Ina eni nyi na mi dzumedzisa enu va na Israyeli, gukheni nyi wudziseni, gani? Nyi ngu sambanya khu guvbanya gwangu, gukheni: Kha nyi na mi diga mu nyi wudzisa, a ngu ganela Mune Pfhumu Nungungulu.

Ezekiyeli 6:13

Va na nyiti gukhavo kheni Pfhumu Nungungulu, gikhati sirumbi sa vathu vawe si na gu mbambamelago vbakari nya sifananiso sawe, ni bambe nya siluvelo sawe, ni musigigomoni gwatshavbo ni dzitshokhani gwatshavbo nya sigigomwana, vbavbatshi nya misimbo yatshavbo nya gunyuge, ni ga miguhu yatshavbo nya guaname, ni malangani yatshavbo va nga bani va gu vbisela umo libani sifananiso sawe nya vanungungulu.

Levhi 18:21

U nga ningeli ni moyo nya sanana sago, si girwa phaso nya guphasedwe Moloki, u nga nyenyezisa lina la Nungungulu wago. Eni kheni Pfhumu Nungungulu.

Mitengo 25:6

Khu guralo, gu dita moyo nya sanana sa Israyeli, a resa ga vandriyaye nyamayi moyo nya Mumedhiyani, na gu wonwa khu Mosi gumogo ni tshangano watshavbo wa va na Israyeli, avbo tshangano watshavbo wu nga bani wu gu lila vbamwanyatunu nya Tshatsha nya Tshangano.

Dhewuteronome 12:2

Mu naya khungumulela muphelo malanga yatshavbo va phaselago umo vanungungulu vawe vathu muya va fumelago: Vbatshani nya sigomo nya gulaphe ni sigomwana, ni vbavbatshi nya misimbo nya gunyuge;

Gutuledwa 18:3

Kholu mayigo yatshavbo ma sede wuvasi nya vbinyu nya likhulo nya wubhayi waye. Vafumeli vatshavbo va tigoni va bhayide naye. Ambari va nya wugwewo va tigoni va fumide khu kotani nya wubhayi waye.”