Isaya 57:2 - Bhibhiliya Nya Guage

² A na bela gurulani; avo va gimbidego khu gululama va na hefemula dawuni gwawe.

Isaya 57:2 Iomraidhean Croise

Genesi 17:1

Abrama a diri ni livbandre na mama magumi ni livbandre na mina (99) myaga nya guvelegwe gwaye, Pfhumu Nungungulu a di dzi wonegisa gwaye a gu mu embela, khuye: “Eni kheni Nungungulu nya Tshivba Yatshavbo. Gimbila mbeli gwangu nu lulamide.

2 Dzikoronika 16:14

Va di mu dzinga ga lithowo a nga dzi girelago abune Dhoropani ga Dhavhidhe; va di mu ladzisa vbadawutunu nya gutale khu mahema nya gunungele nya yatshavbo mafumbu nya mafura ma dongisedwego khu vagengeli va wutigo thumo wowu nya gugire mafura nya gunungele, va mu vbisela mabani nya gutale ngudzu.

Joba 3:17

Thowoni nya vafi, va nya guvivbedwa khu monyo kha va nga gu sanisa vathu, avo va garadego, va ngu mana guhefemula.

Dzindzimo 37:37

Khedzisa muthu a vbeledego u wona muthu nya gululame; kholu muthu nya gurule a na mana vatugulu.

Muhevbudzi 12:7

Khu kharato kudzudzwane wu na bwelele mafuni wu dugedego umo, ni hefemulo wu bwelela ga Nungungulu a wu giridego.

Isaya 14:18

Vafumeli vatshavbo nya mayigo, va dzingidwe khu wuzundzo, moyo ni moyo thowoni gwaye.

Isaya 26:7

Ndzila ya wule a lulamidego khya lisine, uwe u lulamidego guvbindrisa, agisa ndzila ya vale va lulamidego.

Jeremiya 6:16

Pfhumu Nungungulu a ngu ganela kharati, khuye: “Emani khu bambe nya ndzila mu wona, mu wudzisa khu sindzilana sa gale, mu wudzisani ndzila nya yadi, belani khiyo mu na ya mana gurula mihefemulo yanu. Aholu, mu di hakha, khenu: Kha hi na yi landra.”

Ezekiyeli 32:25

Va mu dongisede lidawu vbakari nya vafi, a randredwa khu marowo nya vathu vaye. Vatshavbo kha va hana wugwera, va songetedwe khu matshari, kholu na va nga gu vbanya va di gu thusedzela vathu khu dzihanyi; khu guralo va ngu rwala dzitshoni gumogo ni vale va relelago phalani; va lala gumogo ni avo va songidwego.

Dhaniyeli 12:13

“Gasi olu uwe Dhaniyeli, simama ndzilani gwago u timisela kala gikhati nya mahegiso, kholu u na hefemula, khu litshigu nya mahegiso u hakha tshatshazelo yago.”

Matewu 25:21

Pfhumu yi di, khiyo: ‘U tshambiside, githumi nya gyadi, nya gutumbege; kha nga olu u nga thembegago siloni nya sidugwana, nyi na gu pharisa nya singi. Bela buzoni gwa pfhumu yago.’

Luka 1:6

Vatshavbo va vavili va di lulamide mahoni ga Nungungulu; va di gu landrisa milayo ni siguruvedzo sa Pfhumu khu ndruda yatshavbo, guvbanyani gwawe, gima kha va manwa vari ni gihoso.

Luka 16:22

“Tshigu mwedo gi difa gisiwana gile, gi dzegwa khu dzingilozi dza Nungungulu gi yiswa vbafuvbi ga Abrahama. Mwama nya gitetema a difa nuye, aya dzingwa.”

Luka 2:29

“Pfhumu, olu diga githumi gyago gi gu hongola khu gurula, kholu u giride iso u nga gi sambanyelago.

Luka 7:50

Jesu a di embela nyamayi wule, khuye: “Gukhodwa gwago gu gu vbanyiside. Indra khu gurula.”

2 Vakorinto 5:1

Ethu hatshavbo hi ngu dziti gwadi gukhethu wa gu hagala tshatsha yoyu a gu givili gyathu, yi gu nyumba yathu ya mafuni, Nungungulu a hi dongisede gu hi ninga yimbe nyumba Ndzadzini, nyumba nya gupindruge ya sa girwago khu mandza nya vathu.

2 Vakorinto 5:8

Ethu hi na ni gutumba, hi ngu gola ngudzu gu duga givilini momu gasi guya vbanya ni Pfhumu.

Vafilipi 1:23

Nya gu dzipwa na nyi gu ndrindrwa khu silo sa sivili: Mumbe monyo wa gu suva gu hongola nyiya khala ni Kristo; a diri gwadi ngudzu guvbindra silo satshavbo;

Gutuledwa 14:13

Nyi dipwa lito ndzadzini li nyi embela, khilo: “Lova, khuwe: Va kategide vale, gukhugela muhuno, va na felago mandzani ga Pfhumu.” Liphuvbo li di, khilo: “Ina, khidzo furi! Gugaralani gwawe va na mana guhefemula, kholu mithumo yawe yi ngu va landrela.”