Isaya 57:16 - Bhibhiliya Nya Guage

¹⁶ Khu guralo, kha nyi na mi singedza gikhati gyatshavbo, mwendro gu gira likhulo gikhati gyatshavbo; kholu mihefemulo nyi yi vangidego, yi nga vbeledwa khu tshivba mbeli gwangu.

Isaya 57:16 Iomraidhean Croise

Genesi 6:3

Pfhumu Nungungulu a di ganela, khuye: “Liphuvbo langu kha li na simama gu khala kala gupindruga ga vathu. Uye nyama, a na ni tumbunugo nya gufe, guvbanya gwaye kha gu na lapha guvbindra lizana ni magumavili myaga.”

2 Samuweli 24:16

Avbo Ngilozi yi nga khusedzago mandza yaye vbatshani ga Jerusalema, gasi gu li mbembisa, Pfhumu Nungungulu a di dzi laya khu guvivba gule, a embela Ngilozi nya gumbembise vathu, khuye: “Basi, olu dusa mandza yago.” Ngilozi ya Pfhumu Nungungulu yi diri vbafuvbi ni githala gya Arawuna, mujebhuzi.

Joba 12:10

Mandzani gwaye yomo mihefemulo nya sivangwa satshavbo si vbanyago, ni maphuvbo nya vathu vatshavbo.

Dzindzimo 85:5

Ina likhulo li na simama kala gupindruga, gani? Likhulo lago li na simama ni ga situgulwana si nga gutago, gani?

Muhevbudzi 12:7

Khu kharato kudzudzwane wu na bwelele mafuni wu dugedego umo, ni hefemulo wu bwelela ga Nungungulu a wu giridego.

Isaya 27:8

Kha va veta guvbindra pimo, a di va yisa wugumbini, a di va dzega khu phuvbo yaye nya tshivba nya gufanane ni gingulu nya gute khu Khagadambo.

Isaya 30:18

Ambari khu guralo, Pfhumu Nungungulu a ngu lirela litshigu nya gu mi pwele wuhindzi; Uye a na simama a mi pwela wusiwana, kholu Pfhumu Nungungulu nya gululame; va kategide vatshavbo vale va mu tumbago.

Isaya 42:5

Khiso a ganelago Nungungulu, Pfhumu Nungungulu a giridego ndzadzini a gu ladza, a wumbidego litigo, ni mihandro yatshavbo yi dugago khumo; uye a ningago guvbanya vathu va guromo umo, ni hefemulo ga vathu va khalago umomo.

Isaya 64:8

Gasi olu, uwe Pfhumu Nungungulu, Uwe khuwe Babe wathu, ethu hi libumba, uwe khuwe muwumbi wathu; ethu hatshavbo hi thumo nya mandza yago.

Jeremiya 10:24

Nyi tsayise uwe Pfhumu Nungungulu, khu gululama nasiri khu dzihanyi, gasi nyi si mbembi.

Jeremiya 3:5

“U na vegedza likhulo laye gikhati gyatshavbo, gani? Mwendro u na mu sayisa gikhati gyatshavbo? Wona, u ganede esi khu likana basi, aholu u di simama gu ghoha.”

Jeremiya 38:16

Khu guralo, mufumeli Zedhekiya a di sambanya ga Jeremiya khu gisihaledza, khuye: “Nyi ngu sambanya khu Pfhumu Nungungulu a vbanyago, mugiri nya hefemulo wathu, gukheni kha nyi na nga gu songa, gambe kha nyi na gu ningela mandzani ga vama vava va vbwetago gu gu songa.”

Ezekiyeli 18:4

Wonani nya gukhenu mihefemulo yatshavbo ya gu lumba eni; hefemulo wa babe gumogo ni wa gyanana ya gu lumba eni. Wule a nga ghohago khuye a nafago.

Amosi 1:11

Pfhumu Nungungulu a ngu ganela kharati, khuye: Khu kotani nya sighoho siraru mwendro sina sa Edhomi, kha nyi na bweledza tsayiso, kholu lundride ndriyaye khu litshari, a mu tshanisa nyamba mu pwela wusiwana, a simama gu khala ni giviti khuye gikhati gyatshavbo.

Mikeya 7:18

Khu mani uwe Nungungulu a fananago ni uwe, u tsetselelago guvivba, ni gu divalela guyeyisa ga mitshaledwa nya thomba yago? Pfhumu Nungungulu kha khali na gu vbisega khu likhulo gikhati gyatshavbo, kholu a gu tsaka khu gupwela wuhindzi.

Zakariya 12:1

Mahungu ya Pfhumu Nungungulu khu mahungu ya vathu va na Israyeli; Pfhumu Nungungulu a ladzago Ndzadzini, a wuya a emisa siseketelo nya mafu, a wumba hefemulo ndrani nya muthu, a ngu ganela kharati, khuye:

Mitengo 16:22

Aholu avo va di thega vbavbatshi khu khovbe va ganela, khavo: “Ama Nungungulu, Nungungulu nya maphuvbo ya vathu vatshavbo! Muthu moyo basi a ghohidego, ina U na gorogela tshangano watshavbo, gani?”

Vahebheru 12:9

Vavelegi vathu nya giwuthu va di gu hi kawuka, ethu hi di va ninga githawo. Ina hi mwalo fanelo nya guyingele khu githawo ngudzu Babe wathu nya liphuvbo, gasi hi mane guvbanya, gani?