Isaya 57:13 - Bhibhiliya Nya Guage

¹³ Gikhati u na lilago u lomba guphaswa, nyi na gu wona, mwendro longoloko nya sifananiso sago, si na gu vbanyisa! Si na dzegwa satshavbo si vbuvbiswa khu phuvbo; aholu uye a tumbago Eni a na hakha litigo kha nga thomba yaye, a na hakha gambe gigomo gyangu nya gukatege.

Isaya 57:13 Iomraidhean Croise

2 Dzipfhumu 3:13

Aholu muprofeti Elizewu, a di embela mufumeli wa Israyeli, khuye: “Gasi mahungu muni nyi gu nawo nago uwe, na? Indra ga vaprofeti vababe wago ni ga vaprofeti vamayi wago.” Aholu mufumeli wa Israyeli a di mu hakha, khuye: Ahihi, kholu Pfhumu Nungungulu, khuye a residego vafumeli vava va vararu gasi guta va ningela mandzani gwa va na Mowabhi.

Joba 21:18

Dzinyondro dzingani va vbuvbiswago khu phuvbo gukhwatshi mavivi ni gukhwatshi wulelu wu vbuvbiswago khu gipupwane.

Dzindzimo 1:4

Kha gu giregi kharato ga vathu nya guvivbedwe khu monyo; avo va gu fanana ni mwasi wu phalalegiswago khu phuvbo.

Dzindzimo 118:8

Gwadi ngudzu gu thavela ga Pfhumu Nungungulu guvbindra gu tumba muthu.

Dzindzimo 125:1

Avo va tumbago Pfhumu Nungungulu va ngu fanana ni gigomo gya Siyoni, gi si tsekatsekigo, gi tiyidego kala gupindruga.

Dzindzimo 37:11

aholu va nya gurula va na fumela litigo, va na nengela khu gurula nya gungi.

Dzindzimo 37:22

Avo va kategiswago khu Pfhumu Nungungulu, va na fumela litigo, avo va vadwago khuye va na mbemba.

Dzindzimo 37:29

Va nya gululama va na fumela litigo, va na vbanya umo kala gupindruga.

Dzindzimo 37:3

Uwe tumba Pfhumu Nungungulu, gira nya sadi; u na vbaha tigoni u vbanya khu gukhadzisega.

Dzindzimo 37:34

Tumba Pfhumu Nungungulu, u landrisa ndzila yaye; uye a na gu khusedza a gu ninga gu fumela litigo, u na wona gumbemba gwa va nya guvivba.

Dzindzimo 37:9

Kholu va nya likhulo va na fuviswa, aholu oyu a tumbago Pfhumu Nungungulu a na fumela litigo.

Dzindzimo 58:9

Dzikhali dzawe dzi na vidziswe khu dzikhuni nya gunagane; ni edzi nya gubange, nyama yi si gu vidzwi yi na dzudzugwe hwindzo khu gipupwane.

Dzindzimo 84:12

Pfhumu Nungungulu nya Tshivba Yatshavbo, va kategide avo va tumbago uwe.

Mavingu 28:25

Muthu nya makolo a ngu wusa mayunga, gasi uye tumbago a Pfhumu Nungungulu a na dugelela.

Isaya 11:9

Malangani yatshavbo ya gigomoni gwangu nya gukatege, kha gu na manega guvivba mwendro gusongana, kholu litigo latshavbo li na tala khu guti gwa Pfhumu Nungungulu, kha nga mati ma tadzago yiphwa.

Isaya 14:32

Va na ningwa phindrulo muni avo va rumedwago khu va nya mayigo vovo? Pfhumu Nungungulu khuye a vbahidego lidhoropa la Siyoni, gasi va mana wuthavelo vale va tshanisekago vbakari ga vathu vaye.

Isaya 25:4

Kholu u wuthavelo nya sisiwana, ni likhokhola ga wule a hamugago gutshanisekani gwaye, u wuthavelo wawe matshiguni nya phuvbo nya gingulu, ni mutsa litshigu nya lihani. Kholu, lunya nya vathu nya guvivbedwe khu monyo la gu fanana ni phuvbo nya guthise yi furugedzago ndzari,

Isaya 40:24

Na va ngari gu sigedwa mwendro gu yadwa, avbo va phelago gu thela mikhamba, tshina yaye ya gu pidwa; va gu furugedzwa khu phuvbo vbatshani gwawe va vuna, va ta dzegwa khu gingulu va vbuvba kha nga mavivi.

Isaya 41:16

U na si vbevbera, si vbuvbiswa khu phuvbo; si phalalegiswa khu gipupwane; aholu uwe u na nengela khu Pfhumu Nungungulu, u zundzega ga oyu a Agidego wa Israyeli.

Isaya 45:20

Tombanani muta; hidzimelani gumogo mwatshavbo, enu mu vbulugidego ga va nya mayigo; vale va rwalago sifananiso nya misimbo nya guvatwe, va gira milombelo ga nungungulu a si dzi kodzigo gu va vbanyisa.

Isaya 49:8

Pfhumu Nungungulu a ngu engedza a ganela kharati, khuye: Khu gikhati gi vbwetegago, nyi gu yingiside, khu litshigu nya guvbanyise nyi gu phaside, nyi gu sayisa u khala uwe gidzumeledzwano ni vathu, gasi u wusedza litigo, ni gu va kavedzela dzithomba dzi ghohetedwego;

Isaya 56:7

avo navo nyi na va dzega nyi va yisa gigomoni gwangu nya gukatege, nyi ya va tsakisa Nyumbani gwangu nya Milombelo. Miphaso yawe nya guvbiswe ni dzimhamba dzawe, si na hakhwa siluveloni gwangu, kholu Nyumba yangu yi na ranwa nyumba nya Milombelo ga mayigo yatshavbo.

Isaya 60:21

Vathu vatshavbo va tigoni gwago va na bani vari vathu nya gululame, va na lumbwa khu litigo kala gupindruga; avo va na bani vari pfhundre nyi wu yadego, thumo nya mandza yangu gasi va fela gu wonegisa wudhumo wangu.

Isaya 65:11

Aholu enu mu si khathaligo khu Pfhumu Nungungulu, mu divala gigomo gyangu nya guage, enu mu dongiselago meza vanungungulu nya malipha va ranwago pwani Gadhi ni Meni,

Isaya 65:25

Lisolwa ni nvutana si na hodza dangamwedo, nghala yi na hodza mwasi kha nga mombe; nyoga yi na hodza kudzudzwane. Gigomoni momu gwangu nya guage, kha gu na girwa gambe guvivba ambari gumbembiswa. Kheni Pfhumu Nungungulu nyi ganelago!

Isaya 65:9

Nyi na dusa ga situgulwana sa Jakobe ni ga Judha, moyo a na khalago gihodzathomba yangu ya musigomoni; sihathwa sangu si na fumela litigo, sithumi sangu si vbaha umo.

Isaya 66:20

Va na resa vandriyanu vatshavbo khu mayigoni, gasi gu gira ningelo ga Pfhumu Nungungulu, na va khilede dzikavalu, dzikareta, vambe na va khusidwe khu matsira, vambe khu dzimula, ni dzingameriya, gigomoni gwangu nya gukatege gya Jerusalema, a ngu ganela Pfhumu Nungungulu. Va gira kha nga va na Israyeli gikhati va resago miningelo yawe nya dzimbewu Nyumbani ga Pfhumu Nungungulu khu mikanvuni yi agidego.

Jeremiya 2:28

Gasi vomo hayi vanungungulu u dzi giredego? Va gu bani vari ni tshivba nga va diga va eme, hi wona mwendro va ngu kodza gu gu vbanyisa matshigu u pwago wuvi; kholu vanungungulu vago uwe Judha vangi, kha nga madhoropa yago.

Jeremiya 22:20

Jerusalema gwela Libhanoni u ya laledza, khu lito nya likhongolo tigoni ga Bhasani; u laledza nuri khu Abharimi, kholu sigodwa sago satshavbo si mbembisidwe.

Jeremiya 22:22

Vathangeli vago vatshavbo va na pengiswa khu phuvbo, ni dzipari dzago dzi na yiswa wugumbitunu; u na khala dzitshoni ni gu poyilega, khu kotani nya sighoho sago.

Jeremiya 30:14

Vatshavbo avo u nga bani u gu haladzana navo olu va gu divade, kha va wudzisi gambe khuwe; kholu nyi gu bayiside kha nga idzo nyi bayisago khidzo nala, nyi gu ningide tsayiso nya guthise, kholu guvivba gwago gukhongolo ngudzu ni sighoho sago singi ngudzu.

Ezekiyeli 20:40

Kholu, gigomoni gwangu nya gukatege, gigomo nya gulaphe gya Israyeli, a ngu ganela Mune Pfhumu Nungungulu, vbale ndranga yatshavbo ya Israyeli yi na nyi khozela, avbo eni nyi naya va hakha. Gambe, nyi naya va gurumedza gu nyi ninga miphaso ni miningelo yawe nya yadi nya mihandro nya guhegule, gumogo ni silo sawe satshavbo nya guage.

Hoseya 13:3

Khu guralo, va na khala nga mapfhi nya wuronga ni hunguva nya mambagugya yi vbiredzelago guvbindra, ni mungu wu vbuvbiswago khu gingulu, ni wutshi wu tuvigago khu nyumbani.

Joyele 3:17

Khavbo avbo, mu na dzitini nya gukhenu: Eni kheni Pfhumu Nungungulu wanu, nyi vbanyago Siyoni, gigomoni gwangu nya gukatege; Lidhoropa la Jerusalema li na bani li kategide, vathu nya mambe mayigo, gima kha va na li khozisa gambe.

Zakariya 7:13

Avbo nyi nga va ranago, avo kha va nyi yingisa, avo navo va di nyi rana, Eni neni nyi si va yingisi; a ngu ganela Pfhumu Nungungulu nya Tshivba Yatshavbo.

Valamuli 10:14

Lilani ga vanungungulu mu va hathidego; va na mi vbulugise ga litshigu nya sigaradzo sanu.”