Isaya 57:11 - Bhibhiliya Nya Guage

¹¹ Aholu khu mani u nga khala khuye hwanga mwendro gu mu thava, gu kala u lipha u si nyi alakanyi ambari gu thela kota khu eni? Gasi khu nyi thavi, kholu nyi nga degulago gikhati nya gulaphe, gani?

Isaya 57:11 Iomraidhean Croise

Dzindzimo 50:21

U giride silo sesi, aholu eni nyi di degula; u di gu pimisa gukhuwe eni nya gufanane nago; aholu eni nyi na gu lamula nyi gu ninga nandru.

Dzindzimo 78:36

Aholu magana yawe ma di si tumbegi, satshavbo va nga bani va ganela a diri sa malipha.

Mavingu 29:25

Guthava muthu gu dzi dembela naphwi, aholu uye thavago Pfhumu Nungungulu, a na mana guvbanya.

Muhevbudzi 8:11

Kholu gulamudwa ga va nya guvivba kha gu vbiredzi gu vboha, khu kharalo, myonyo ya vathu ya gu dogorela silo nyamba sadi.

Isaya 26:10

Muthu nya guvivbedwe khu monyo, ambari a gu tsetseledwa, kha hevbuli gululama, ambari a gu khala tigoni la va nya gululama, uye a gu gira ugo nya guvivbe, kha woni wugulu wa Pfhumu Nungungulu.

Isaya 30:9

Kholu vathu vava, khu lisine vathu nya guyeyise; sanana nya malipha, si si vbwetigo gu yingisa nayo wa Pfhumu Nungungulu.

Isaya 42:14

Gale ngudzu na nyi degude, nyi dzi phara nyi dzi rudzisa; aholu, olu nyi na keta kha nga nyamayi a lumwago, nyi na hefemudzega nyi bwelo khavbo nyi taledwa khu mahika.

Isaya 44:20

Muthu nya kharato, a gu hodza nguma, a gu kanganyiswa ni gu dzimedzwa khu maalakanyo yaye; kha dzi kodzi guvbulugisa hefemulo waye, ambari gu ganela, khuye: “Esi nyi si pharidego khu mandzani gwangu ga nyamudye, ina khandri malipha, gani?”

Isaya 47:7

U di ganela, khuwe: “Eni nyi na khala pfhumugadzi mafuni gwatshavbo kala gupindruga! Kala olu u di si pimisi gwadi silo sesi monyoni gwago, ambari gu dundruga mahegiso ga iso.”

Jeremiya 2:32

Ina yomo mbiri yi divaledwago khu dziphera nya gu dzi mburisele, mwendro khundzwa yi divaledwago khu keka waye, gani? Aholu vathu vangu va nyi divade, khu gipandre nya matshigu nyambana tengo.

Jeremiya 3:21

Gupwala dzihuwa sigomoni nya gulaphe; gililo gya va na Israyeli va lombago gu divaledwa ni gu pwedwa wuhindzi; kholu va nga diga Pfhumu Nungungulu wawe, va landra yimbe ndzila.

Jeremiya 38:19

Mufumeli Zedhekiya a di embela Jeremiya, khuye: “Gu ya dzi ningela ga Vakalidhiya nyi ngu thava gu ya tshaniswa khu Vajudha va dzi patanisago ni Vakalidhiya.”

Jeremiya 41:18

khu kotani nya guthave Vakalidhiya, kholu Ismayeli, mwamana wa Netaniya a nga songago Gedhaliya, mwamana wa Ayikamo, uye a nga ningwago ndronga nya wufumu khu mufumeli wa Bhabhiloni, gu khala mwamangulu nya litigo la Judha.

Jeremiya 42:20

Kholu mu dzi girede mwabune libango khu gu nyi rumani nyi mu lombelela ga Pfhumu Nungungulu wathu, khenu: Satshavbo a na gu hi rumago hi embele, hi na si gira.

Ezekiyeli 13:22

Khu malipha yanu mu tshunganiside wongo wa muthu nya gululame, a diga gu gira gugola gwangu, mu tiyisela vathu nya guvivbedwe khu myonyo, va si digi dzindzila dzawe nya guvivbe gasi guvbulugisa womi wawe.

Hoseya 11:12

Efrayimi a nyi randrede khu malipha, va na Israyeli va nyi randrela khu wudambane; aholu Judha a gu wugela Nungungulu, a wugela Gihathwa gi tumbegidego a gu tumbega basi ga vanungungulu nya malipha.

Matewu 25:25

Khu kharato, nyi di kelela taleta yago, nyi yi siha, khu hwanga. Khu yi woni eyi, dzega taleta yago.’

Mithumo 5:3

Khavbo avbo, Pedro a di mu wudzisa, khuye: “Ananiya, khu ginani u nga dzumela Sathane a tadza monyo wago, u gu liphela Liphuvbo nya Guage, u gu siha dzimbe dzitsapawu u nga rengisago khidzo gipeto?

2 Vatesalonika 2:9

Muwugeli a nata na tade khu tshivba ya Sathane, a na yeyedza tshivba nya yikhongolo khu siliwugiso ni sigiro nya malipha.

1 Thimoti 4:2

Va na landrisela ava va hevbudzago malipha khavo lisine, ava mapimo yawe ma fudego.

Gutuledwa 21:8

Gasi va nya wugara, ni mahedheni, ni sighohi, ni sighevenga, ni sibhayi, ni dzindroyi, ni va nya malipha, va nya wunyanga, vatshavbo va dongisedwe wulanga wawe tsivani nya nilo ni solufa, a gu gufa nya wuvili.”

Gutuledwa 22:15

Va na tshala vbavbandze dzimbwa, dzindroyi, va nya wubhayi, va nya gu khozela sikwembu ni vanungungulu nya malipha, sighevenga ni vatshavbo vale va golago ni gu thuma mithumo ya malipha.