Isaya 57:10 - Bhibhiliya Nya Guage

¹⁰ U gimbide kala u garala; aholu kha wa ganela, khuwe: “Esi kha si phasi gilo!” Iso u nga bani nu gu si vbweta u si mane, khu guralo, khu rereki.

Isaya 57:10 Iomraidhean Croise

Isaya 47:13

Olu u garade khu gu gimbilagimbila ga vagengeli nya vangi u lomba wusingalagadzi! Va na dzi wonegise olu va gu vbanyisa vale va girago wutumbe khu sivangwa sa ndzadzini, avo va matigo magimbilelo nya dzinyeledzi ni gupima misihalo, gasi va kodze gu tivisa iso si na gu gu dugelelago khu ngima ni ngima.

Jeremiya 18:12

Aholu avo va gu hakha, khavo: “Ethu hi mwalo mahungu khu isoso! Gambe hi na simama ni mavbanyelo yathu, muthu ni muthu a na gira iso a rumwago khu monyo waye nya guvivbe.”

Jeremiya 2:25

Thela kota khu ngondro wago gasi wu si tshulegedwi khu gilato, ni ngolo wago wu si bangi khu lidora. Aholu, uwe wari, khuwe: “Kha gu phasi gilo; kholu nyi manide vambe vanungungulu nya valombo, khavo nyi yelago gu va landra.”

Jeremiya 2:36

Khu ginani u vbiredzelago gu diga ndzila nya mavbanyelo yago? Dziti nya gukhuwe Vagipiti va na gu thela dzitshoni, kha nga idzo u giridwego khidzo khu Vaasiriya.

Jeremiya 3:3

Khu guralo, ndzadzi kha yiwi, ambari ni iyo nya nango kha yawa; aholu uwe u na ni khovbe nya wubhayi, u si khali dzitshoni.

Jeremiya 5:3

Uwe Pfhumu Nungungulu, maho yago kha ma khedzi wule a girago ndruda, gani? U va bayiside, kha vapwa guvbisa; U va mbembiside, kha va dzina gu vbindrugedza; gambe va di bangisa mihungo yawe guvbindra giwindri; kha va nga dzina gu wuya eno gwago.

Jeremiya 9:5

Maganani gwawe gu mwalo lisine, va gu kanganyisana khu gyawe, avo va di hevbudza lidimi lawe gu ganela malipha; va olovede gu gira guvivba, kha va kodzi gu dzi laya.

Ezekiyeli 24:12

U thumide mahala; pfhurelo nya wukhongolo, kha wu dugi ambari wa gu vbiswa khu nilo.

Habhakuka 2:13

Ina kha guti khu ga Pfhumu Nungungulu nya Tshivba Yatshavbo, gukhuye vathu va gu thumela esi si na guvbyago khu nilo, va dzi garadza khu iso si si phasigo gilo, gani?

Varoma 7:9

Gyomo gikhati eni nyi nga vbanya nyambana Nayo. Aholu gikhati wu nga dugago Nayo, gighoho gi di phela gu vbanya,