Isaya 57:1 - Bhibhiliya Nya Guage

¹ Muthu nya gululame a ngu fa, gambe mwalo a pimisago khu isoso monyoni gwaye, ni muthu nya gutumbege a ngu duswa, vathu va si dziti gukhavo va nya gululama, va gu vbiredzela gu duswa li si gu vbohi libango.

Isaya 57:1 Iomraidhean Croise

1 Dzipfhumu 14:13

Vatshavbo va na Israyeli va na mu lila va mu dzinga, kholu khuye basi wa nyumbani ga Jerobhowamo a na gu dzingwago, kholu khuye basi a wonidwego khu Pfhumu Nungungulu wa Israyeli, na lulamide wa nyumbani ga Jerobhowamo.

2 Dzipfhumu 22:20

Khu guralo, nyi na gu tshanganisa gumogo ni vavelegi vago, u na dzingwa thowoni gwago khu gurula, gasi maho yago ma si woni dzimhango nyi na gu dzi rumelago tigoni momu.” Khavbo avbo, va di bweledza ga mufumeli magana yaya va nga embedwago khu muprofeti nya nyamayi.

2 Dzikoronika 32:33

Ezekhiya lade gumogo ni vavelegi vaye, va mu dzingide wulangani nya gukhugege, vbakari nya marowo ya sanana sa Dhavhidhe; vatshavbo va na Judha ni vavbanyi va Jerusalema, va di gira wuzundzo gufani gwaye; wulangani gwaye nya wufumu, a di tshikedzwa khu mwanaye Manasi.

2 Dzikoronika 34:28

Nyi na gu tshanganisa gumogo ni vavelegi vago, u na dzingwa thowoni gwago khu gurula, maho yago gima kha ma na wona givalo gegi nyi nga gi resago ga wulanga wowu gumogo ni ga vavbanyi vaye. Khavbo avbo, avo va di yisa phindrulo yeyi ga mufumeli.

2 Dzikoronika 35:24

Khu guralo sithumi saye, si di mu dusa khu karetani a nga bani a romo umo, va mu thela ga yimbe va nga bani vari nayo, va mu bweledza Jerusalema, a difa va mu dzinga thowoni ga vavelegi vaye, va na Judha ni vathu vatshavbo Jerusalema va di gira gililo khu Josiya.

Dzindzimo 12:1

Nyi vbanyise Pfhumu Nungungulu, kholu, vathu nya gululame va vbede, gutumbega gu mwalo gambe vbakari nya vathu.

Dzindzimo 37:37

Khedzisa muthu a vbeledego u wona muthu nya gululame; kholu muthu nya gurule a na mana vatugulu.

Isaya 42:25

Khu guralo, uye a di vbaladza likhulo laye vbatshani gwawe, ni nyimbi nya guthise ni gu va fenengedza khu malavbelavbe nya nilo vbakari gwawe, ambari khu guralo, kha va si pima; va dagarede khuwo, aholu kha va khathala khu gilo.

Isaya 47:11

Kholu u na dugeledwa khu libango, u na gumba liti umo litago khumo; libango leli li na gu thegela, nyamba kodza gu dzi vhikela; kholu li na gu thegela khu githugedza, li ta gu mbembisa nu si pimi gilo.

Isaya 47:7

U di ganela, khuwe: “Eni nyi na khala pfhumugadzi mafuni gwatshavbo kala gupindruga! Kala olu u di si pimisi gwadi silo sesi monyoni gwago, ambari gu dundruga mahegiso ga iso.”

Isaya 57:11

Aholu khu mani u nga khala khuye hwanga mwendro gu mu thava, gu kala u lipha u si nyi alakanyi ambari gu thela kota khu eni? Gasi khu nyi thavi, kholu nyi nga degulago gikhati nya gulaphe, gani?

Jeremiya 18:11

Gasi olu, embela vathu va na Judha ni vavbanyi va Jerusalema, khuwe: Pfhumu Nungungulu a ngu ganela kharati, khuye: “Wonani nya gukhenu nyi ngu mi dongisela dzimhango ni gikungo nya gu mi wugele; dzi woneleni olu vbindrugedzani mavbanyelo yanu nya guvivbe, muthu ni muthu a ndreya ndzilani gwaye mu lulamisa dzindzila dzanu ni sigiro sanu.”

Jeremiya 22:10

Mu nga lili khu mufumeli Josiya a fudego, ambari gu mu wombela dzihuwa; aholu lilani khu wule a khugago, kholu kha na wuya gambe, uye kha na nga li wona gambe litigo a velegedwego umo.

Ezekiyeli 21:3

U va embela, khuwe: Pfhumu Nungungulu a ngu ganela kharati, khuye: Wona gukhuwe nyi na gu wugela. Nyi na homola litshari langu nyi mbembisa vbakari gwago uye nya gululame ni uye nya guvivbedwe khu monyo.

Mikeya 7:2

Va nya gululama va fuvide tigoni; gu mwalo gambe vbakari nya vathu uye a lulamidego; vatshavbo vomo va dzi lulamisela gasi gu vbaladza novba; moyo ni moyo womo gu demba ndriyaye khu ligoga.

Malakiya 2:2

Mwa gumba nyi yingisani khu githawo, ni gumba khathala khu gu rungudza lina langu, nyi na resa givalo avbo gwanu, sikategiso sanu nyi na si vbindrugedza si khala givalo; givalo gegi gi tadzisegide, kholu, enu kha mu khathali khu silo sesi. A ngu ganela Pfhumu Nungungulu nya Tshivba Yatshavbo.

Mitengo 23:10

Khu mani a na gu sayago vathu va Jakobe, vale va tadego kha nga mafu? Ambari guti tengo nya gipandre nya wu na gya Israyeli? Nyi nafe khu mafelo ya valulamidego, mahegiso yangu ma na fanane ni yawe.”