Isaya 55:3 - Bhibhiliya Nya Guage

³ Neredzani dzindzeve mute eno gwangu; nyi yingiseni gasi mihefemulo yanu yi mana guvbanya; kholu nyi na hunga nanu gidzumeledzwano nya gupindruge, nyi mi ninga wuhigo nya gusimame owu nyi tumbisidego Dhavhidhe.

Isaya 55:3 Iomraidhean Croise

Genesi 17:7

Nyi na hunga gidzumeledzwano nago ni situgulwana sago gambe khu mimela ni mimelana; wu na khala pwanano kala gupindruga; khu tshivba nya pwanano wowu, Eni nyi na khala Nungungulu wago ni Nungungulu wa situgulwana sago.

Genesi 49:10

Ndronga nya wufumu kha ya na duga ga Judha, guruma kha gu na duga ga situgulwana saye, kala a gu vboha uye a fanelago gu ruma; oyu mayigo yatshavbo ma na mu yingelago.

2 Samuweli 23:5

Wufumu wangu wu khalegide gwadi mbeli ga Nungungulu. Kholu uye giride ni eni gidzumeledzwano nya gupindruge, gidzumeledzwano gi tumbegidego gi dongisedwego gwadi. Uye a na nyi gira nyi dugelela ga satshavbo a nyi ninga satshavbo nyi si vbwetago.

2 Samuweli 7:29

Gasi olu, dzumela gu kategisa nyumba ya githumi gyago, gasi yi simama mbeli gwago kala gupindruga, kholu, khuwe Pfhumu Nungungulu u ganedego isoso; gasi khu gikategiso gyago, nyumba ya githumi gyago, yi na katega kala gupindruga.”

2 Dzikoronika 6:42

Oh! Pfhumu Nungungulu, U nga pfhurareli muthu wago U mu todzidego khu mafura; dundruga wuhindzi U giredego githumi gyago Dhavhidhe.”

Dzindzimo 119:112

Monyo wangu wu dzi vegisede gu landrisa sileletelo sago, gikhati gyatshavbo kala gufa. Samec

Dzindzimo 119:175

Nyi ninge guvbanya gasi nyi kodza gu gudhumisa, sileletelo sago si na nyi phasedzele.

Dzindzimo 78:1

Vathu vangu, yingisani sihevbudzo sangu, dembani ndzeve gasi mupwa esi nyi mi embelago.

Dzindzimo 89:28

Lihaladzo langu li na simama gwaye, ni gidzumeledzwano gyangu naye gi na tiya kala gupindruga.

Dzindzimo 89:29

Lihundzu lawe li na simama kala gupindruga, mufumo waye wu tiya kha nga ndzadzini.

Ekisodha 15:26

“Wa gu yingela lito la Pfhumu Nungungulu khu monyo wago watshavbo, u thuma ogu gu lulamidego mahoni gwaye; wa gu yingela milayo ni sileletelo saye satshavbo, gima kha nyi na rumela gwago mitungu nya nga eyi nyi tshanisidego khiyo Vagipiti, kholu Eni kheni Pfhumu Nungungulu nyi gu vbanyisago.”

Mavingu 4:20

Mwanangu, yingisa magana yangu; u demba ndzeve upwa sileletelo sangu.

Mavingu 7:2

Vegedza milayo yangu u na vbanya, sihevbudzo sangu si wone, kha nga nyamahegyane a godwago khu maho yago.

Isaya 51:4

Nyi yingiseni, enu vathu vangu ni uwe litigo langu! Upwani esi nyi vbwetago gu mi embela: Khavbo gwangu gu na duga nayo, gululama gwangu gu na bani guri wenengedzo nya mayigo.

Isaya 54:10

Kholu sigomo si na siguga, sigomwana si tsekatseka, aholu lihaladzo nyi gu nalo nago, gima kha li na duga avbo gwago; ni pwanano nya gurule gwangu, kha wu na duswa avbo gwago, khiso a ganelago Pfhumu Nungungulu a gu pwelago gisiro.

Isaya 54:8

Khu gupwa likhulo, nyi gu sihede khovbe yangu khu gikhatinyana; aholu, khu wuhindzi nya gupindruge nyi na gu pwela gisiro; a ngu ganela Pfhumu Nungungulu Mudzegisi wago.

Isaya 61:8

Kholu eni, Pfhumu Nungungulu, nya gu gola gululama, nyi venga wuvafa ni malipha; nyi na va ninga khu gutumbega tshatshazelo yawe, bwelo khavbo nyi hunga navo gidzumeledzwano kala gupindruga.

Jeremiya 30:9

“Va na thumela Eni Pfhumu Nungungulu wawe, va thumela gambe Dhavhidhe, mufumeli wawe, uye nyi na gu mu hathago vbakari gwawe.”

Jeremiya 32:40

Nyi na gira navo gidzumeledzwano nyamba vbela, gambe kha nyi na diga gu va kategisa; nyi na thela myonyoni gwawe mapimo nya gu nyi ninge githawo gasi va si hambani ni Eni.

Jeremiya 33:26

nyi na pfhurarela gambe livelego la Jakobe ni githumi gyangu Dhavhidhe, nyi si vegi livelego la Dhavhidhe li fuma nyumbani ga Abrahama, Isaki ni Jakobe; aholu, nyi na va pwela wuhindzi nyi va wuyisa khu wugumbitunu vata khala tigoni gwawe.

Jeremiya 38:20

Jeremiya a di hakha, khuye: Khu na ningedwa mandzani ga vathu vovo; yingisa magana ya Pfhumu Nungungulu nyi gu embedego; gimwalo gi na gu gu dugelelago ni gu gambe, u na vbanyisa womi wago.

Jeremiya 50:5

Va na wudzisa ndzila yi hongolago Siyoni, siwombo sawe si na thonona iyo; va na dzi tshanganisa ga Pfhumu Nungungulu ga gidzumeledzwano nya gupindruge, gi na gumba divadwa gambe.

Ezekiyeli 16:60

Ambari khu guralo, eni nyi na alakanya gidzumeledzwano nyi giridego nago wumbirini gwago, gambe nyi na hunga nago gidzumeledzwano nya kala gupindruga.

Ezekiyeli 34:24

Eni Pfhumu Nungungulu nyi na khala Nungungulu wawe, gasi githumi gyangu Dhavhidhe a na khala muthangeli vbakari gwawe. Eni Pfhumu Nungungulu nyi ganede kharato.

Ezekiyeli 34:25

Nyi na gira nadzo gidzumeledzwano nya pwanano, nyi na fuvisa sirengo nya likhabi tigoni; dzi na khala khu gurula giwulani, gambe dzi na lala khabini.

Ezekiyeli 37:26

Nyi na hunga navo gidzumeledzwano nya pwanano; gi na bani giri gidzumeledzwano nya gupindruge. Nyi na va tiyisa ni gu va andrisa, nyi na vega nyumba yangu nya miphaso vbakari gwawe, kala gupindruga

Levhi 18:5

Mu na landrisa sileletelo ni milayo yangu, kholu oyu a yi landrisago a na vbanya khiyo. Eni kheni Pfhumu Nungungulu wanu.

Amosi 5:4

Kholu Pfhumu Nungungulu a ngu ganela kharati ga nyumba ya Israyeli, khuye: Nyi vbweteni gasi mu mane guvbanya!

Amosi 5:6

Vbwetani Pfhumu Nungungulu, mu na vbanya; gasi a si thegeli ga nyumba ya Josefe kha nga nilo, a yi mbembisa, gu si manegi dhoropani ga Bheteli muthu nya gu wu tshime.

Matewu 11:28

Deluni gwangu, enu mwatshavbo mu garadego ni gu lemedwa; eni nyi na mi hefemudza.

Matewu 13:16

“Gasi enu sanu, ma kategide maho yanu, kholu ma ngu wona; ni dzindzeve dzanu, kholu dzi ngupwa.

Matewu 17:5

Na nga guganela, li dita lipfhi nya gungangamele lita va fenengedza khu mwedzi waye; khu vbakari nya lipfhi gu di pwala lito, na li gu, khilo: “Oyu khu Mwamana wangu nya gu mu haladze ngudzu, a tsakisago monyo wangu; mu yingiseni.”

Johane 10:27

Dzinvuta dzangu dzi ngu yingisa lito langu; eni nyi ngu dziti; a nidzo dzi ngu nyi landra.

Johane 6:37

Vatshavbo ava Babe a nyi ningago va nata gwangu; eni kha nyi dzi kodzi gu nyenya ni moyo nya ava vatago gwangu.

Johane 7:37

Khu litshigu nya guhegise, a gu litshigu likhongolo nya buzo, Jesu, na emide, a di khusa lito, khuye: “Uye a gu ni lidora a nate gwangu ata sela!

Johane 8:47

Uye a gu wa Nungungulu a ngupwa magana ya Nungungulu; kha nga olu mu si mapwigo, giyeyedzo nya gupwani kha muri va Nungungulu.”

Mithumo 13:34

Edzi nya gupwani Nungungulu a na mu wusa, ni gupwani gima kha na nga wona guhina, khiso si nga ganedwa umo nya milowo, yi gu, khiyo: ‘Nyi na tadzisela avbo gwanu situmbiso nya guage nyi na gira ga Dhavhidhe.’

Varoma 10:5

Esi Mosi a lovidego khu mahungu nya gululame gutago khu Nayo khesi: “Muthu watshavbo a landrisago gululama nya Nayo, a na vbanyiswa khu Nayo.”

Vahebheru 13:20

Khu guralo, Nungungulu nya gurule, khu novba nya gidzumeledzwano nya gupindruge wuside khu ga vafudego Pfhumu yathu Jesu Kristo, a khadego Muhavisi nya khongolo nya tshambi.